【聖誕好去處2019】聖誕節情侶拍拖好去處！精選全港8大浪漫影相位/花海/燈飾
聖誕節仲有幾日就到，如果有另一半的你仲煩惱緊去邊到拍拖，不如參考以下精選情侶拍拖好去處。全港各區都有不同的浪漫聖誕裝置及燈飾，例如10米高聖誕樹、聖誕花海燈飾、英國倫敦華麗聖誕燈飾、小熊童話村莊、白雪森林、迪士尼聖誕童話森林等，快啲約埋另一半去過一個浪漫的聖誕節啦！
1. 中環大館 X 10米高聖誕樹
由即日起至2020年1月5日中環大館帶來華麗閃亮的聖誕樹，每晚5:30pm更會有聖誕光影表演上演，七彩夢幻的燈光配合聖誕樹，充滿冬日聖誕的感覺，情侶係聖誕樹前影相係每年必備節目！詳情：http://bit.ly/2tzEACh
2. 灣仔利東街 X 英國倫敦華麗聖誕燈飾
由即日起至12月31日，灣仔利東街與領賢慈善基金合作，以「Wings of Christmas」為題，邀請光影藝術家Nicholas Cheung展出作品「Feathered Ascent」，帶來50隻光影裝置藝術白鴿。另有英國倫敦攝政街（Regent Street）享譽國際的華麗燈飾「The Spirit of Christmas」再次回歸。詳情：http://bit.ly/2Mfz3Y3
3. 中環置地廣場 X 聖誕小熊童話村莊
由即日起至明年1月1日期間，中環置地廣場（LANDMARK）今年變身聖誕小熊童話村莊，聖誕小熊村莊坐落在鋪滿白雪的「馴鹿山」之下，大大小小的熊啤啤公仔和村民全部變身冬日聖誕造型慶祝，好可愛！仲有限定店和互動裝置～詳情：http://bit.ly/35R41hb
4. 葵芳新都會廣場 X 聖誕花海燈飾
由即日起至明年1月2日期間新都會廣場帶來「聖誕奇蹟之森」，場內設6大影相位，打造聖誕花海、夢幻色彩打卡階梯、童話精靈小屋等，而空中花園設有多款主題燈飾。每到晚上，環繞在聖誕花海的小燈泡透出閃閃光芒。仲有夢幻色彩打卡階梯。詳情：http://bit.ly/2sNyE8g
5. 元朗YOHO MALL X 白雪森林
元朗YOHO MALL由即日至2020年1月1日將會變身白雪童話世界，商場設置6大夢幻主題場景，包括6米高旋轉木馬、由60棵白色聖誕樹組成的冬日雪國及2.5米高玩具熊等等，全部都夢幻十足。詳情：http://bit.ly/2Zi5RVT
6. 荃灣廣場 X 冬日小鎮
由即日起至2020年1月2日期間，荃灣廣場打造冬日小鎮，穿梭5大浪漫場景，大家可以在逾13米長「浪漫巨型雪花隧道」、七彩繽紛的LED燈星光花球園、4米高「幸福摩天輪」及「光影霓虹聖誕樹」與另一半拍攝甜蜜幸福照！
7. 旺角朗豪坊 X 迪士尼聖誕童話森林
由即日起至2020年1月1日，《Disney CHRISTMAS IN THE WOODS at Langham Place》登陸旺角朗豪坊，場內有多個影相位，包括Chip 'n' Dale (鋼牙與大鼻)、Bambi (小鹿斑比) 及Seven Dwarfs (七個小矮人)，還帶迪士尼期間限定店，首度發售超過1,000款獨家迪士尼精品，Fans一定唔可以錯過！詳情：http://bit.ly/2tE9g5D
8. Mira Place X 歐陸聖誕市集
由即日起至2020年1月1日，Mira Place開設經典歐陸聖誕市集「DRESDEN X’MAS MARKET」，更打造了7米高巨型聖誕風車塔及聖誕光影音樂匯演。而場內亦有3大影相位：聖誕風車塔、幸運胡桃夾子及聖誕樹。還有6間期間限定店！詳情：http://bit.ly/2SbkkRV
活動資訊
- 地址 全港各區
- 人均消費免費
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U GO x apm打卡即賞📸】↓
> 免費拎超市現金券/ 贏走HK$500大禮包 <
↓【✨ 勁送海洋公園門票 ✨】↓
一步登記拎飛～玩轉夏日大熊貓生日派對🐼🎂！
U GO 本週好去處
