【佳節好去處】西九藝術公園　無敵海景野餐踩單車睇展覽

文: Mo Mo

2019.12.21

難得聖誕及新年有幾日假期，點可以白白浪費？一於及早計劃行程，安排充實的節目，與家人朋友度過一個開心節日！西九藝術公園開幕以來，除了有展覽及多元文化藝術活動提供予大家參與，亦可以與家人、朋友一齊野餐、沿著海濱長廊踩單車、在海旁餐廳食飯飲酒，更可以帶同狗狗到草地散步，由朝到晚都有無敵海景伴隨，絕對可以令你放鬆身心，與朋友慢慢打卡，度過悠閒的節日假期！

沿著維港踩單車

一早去到西九文化區，最好就係租單車，沿著海旁一路踩入西九藝術公園，吹吹海風欣賞無敵海景，令人心曠神怡。

租單車知多啲：https://www.westkowloon.hk/smartbike

望住維港野餐

走到西九藝術公園，沿著海濱長廊都有多幅大大片的草地，讓你與朋友在此野餐，一齊望着維港美景食嘢傾偈，可謂賞心樂事！如果你想添加一些輕食或果汁、咖啡，可以徒步到不遠的海旁Cafe購買。

打卡小貼士：用維港做背景以外，不妨以樹木作為背景，令構圖更加自然清新。

寵物Friendly輕食店

想買輕食，一定唔可以錯過臨近海濱長廊的HOOMAN的熱狗！餐廳主打美式熱狗、薯條等小食，提供多款秘製醬汁俾你揀，特別惹味。

聖誕期間推出多款限定飲品，包括Gingerbread Latte（左上）、Carbonation Tonic Twisted Coffee（右上）及Ultra Rich Chocolate（右下）。

HOOMAN設有室內及室外坐位，更有售供狗狗食用的雪糕及Chips，貼心地照顧埋毛孩所需。

呷一口手沖咖啡

一抹藍白色調的Cafe「唞唞」，開幕以來一直是愛啡之人的聚腳點。Cafe清一色賣單一產地咖啡豆，有淺焙、中深焙等選擇。除了Black、White及手沖，最特別是「1 + 1 Combo」，附上Espresso及Latte，品嚐咖啡的兩種味道。坐在落地玻璃旁的位置，邊飲咖啡邊看海，的確是一大享受。

法式西多配乳酪及鮮果、炸雞三文治及Matcha Latte。

「唞唞」入夜會變成酒吧，Bartender每天會推出不同款式的雞尾酒特飲，採訪當日，就特別製作西柚味的Gin Cocktail，酸甜清新。

黃昏打卡　影日落海景

日落時分，難得面前有無邊際的維港景色，點可以唔去影相打卡呢？提提你，可以率先查看天文台的日落時間資訊，早一小時到海濱長廊旁邊的草地霸定靚位，Set好腳架等日落出現。

「太陽測量師」App可準確地顯示太陽日落位置及時間，為拍攝日落做準備。

打卡小貼士：影黃昏人像照避免背光，記得要補閃光燈，否則就會變成剪影。

建築光影

另一個熱門打卡位，是位於海濱長廊另一邊的「香港新晉建築及設計師比賽」展亭。除了可以到來影黃昏海景，展亭於晚上亮燈後的光影層次更特別靚！

海景薄餅店

晚餐推介大家到「Café Bohème」吃個招牌水牛芝士配火箭菜薄餅！餐廳環境特別以開放式設計，無論室內室外都可以對住無敵維港夜景，與朋友或另一半在海景旁晚餐，特別浪漫寫意！

打卡小貼士：影維港夜景連人像，一定要打燈及加腳架，這樣才能清楚拍下維景對岸的燈飾。

Café Bohème以開放式設計，坐在室內用餐一樣可以看到維港夜景。

手工啤麥子主理餐廳　聽Live Band鋸扒飲啤酒

位於自由空間的「留白」剛試業不久，已經成為本地音樂人最愛的藝文空間！餐廳由本地手工啤酒品牌麥子主理，有不少菜式也會特別以手工啤釀製，像Fish & Chips的炸魚就有淡淡的啤酒香，特別香口，還有豬手、牛扒等選擇，不定期還會有不同風格的Live Band試演，有Jazz、有Pop Music等，最適合與朋友夜間前來消閒。

留白推出期間限定的冬日特飲：Santa（左）及Warm You Up（右）。

西九文化區除了以4間餐廳外，還有剛開始試業的FAM囍公館，餐廳糅合新派手工中菜（Food）、藝術（Art）與音樂（Music）的嶄新概念，將餐飲與文化體驗共冶一爐。而PANO與侘寂珈琲喫茶亦將會陸續開幕。

圖片：梁碩，《山頂裏》，2019年，香港M+委約創作，展覽現場（2019）。

圖片：胡曉媛，《石疑》，2019年，香港M+委約創作，展覽現場（2019）

西九文化藝術活動

接著年尾至明年新年，西九文化區將舉行多項文化藝術活動供大家參與。現時M+展亭正舉辦「希克獎2019」展覽，展出六位首屆希克獎入圍藝術家的作品。六位藝術家來自不同世代及地區，是次展覽匯聚他們於過去兩年的新作，當中包括雕塑、場域特定裝置及錄像等，以回應廣涉不同社會脈絡的迫切議題。

「希克獎2019」展覽

日期：即日起至2020年4月13日

開放時間：星期三至星期日及公眾假期上午11時至晚上6時（展覽於2019年12月25日、2020年1月1日、25日及26日關閉）

*作品《山頂裏》的開放時間為上午11時至下午5時

地點：西九文化區藝術公園M+展亭

免費入場

展覽詳情：https://www.westkowloon.hk/siggprize2019

而自由空間設有全港最大的黑盒劇場大盒及音樂酒吧Livehouse，不定期呈獻來自本地及世界各地的多元化作品。

自由空間活動：https://www.westkowloon.hk/freespace

喜歡發掘各種不同形式藝術作品的話，記得留意西九文化區的最新情報嘞！

西九藝術公園

開放時間：6:00am-11:00pm（公眾假期照常開放，唯12月31日除夕夜開放至凌晨1時，26日、27日及30日部分開放，28日至29日部分場地需持Creamfields門票入場）

網址：https://www.westkowloon.hk/artpark

交通資訊

港鐵：九龍站乘坐26或74小巴 / E4出口步行10分鐘

巴士：雅翔道 / 西隧收費廣場巴士站步行10分鐘

另外有時租停車場方便駕駛人士

*近圓方，唔好去錯戲曲中心！

資料來源：西九文化區管理局

活動資訊

地址西九藝術公園
西九龍

更多真實評價

Hkfoodiary852

香港攻略

黑龍拉麵

黑龍拉麵🔥 發哥都讚！

上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略

閱讀更多
Hkfoodiary852

香港攻略

Honjo

上環新派日菜 🤯Fusion味驚喜🌟

上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略

閱讀更多
Hkfoodiary852

深圳攻略

華發冰雪世界

深圳冰雪體驗｜入門必試❄️👍

最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略

閱讀更多

港生活人氣好去處

《U GO》請您去香港國際七人欖球賽！🏈

【免費送🎁】Cetaphil舒特膚高效清爽低敏防曬啫喱☀️

熱門搜尋:

【佳節好去處】西九藝術公園　無敵海景野餐踩單車睇展覽

活動資訊

西九文化區

西九藝術公園