【佳節好去處】西九藝術公園　無敵海景野餐踩單車睇展覽

文: Mo Mo

2019.12.21

難得聖誕及新年有幾日假期，點可以白白浪費？一於及早計劃行程，安排充實的節目，與家人朋友度過一個開心節日！西九藝術公園開幕以來，除了有展覽及多元文化藝術活動提供予大家參與，亦可以與家人、朋友一齊野餐、沿著海濱長廊踩單車、在海旁餐廳食飯飲酒，更可以帶同狗狗到草地散步，由朝到晚都有無敵海景伴隨，絕對可以令你放鬆身心，與朋友慢慢打卡，度過悠閒的節日假期！

沿著維港踩單車

一早去到西九文化區，最好就係租單車，沿著海旁一路踩入西九藝術公園，吹吹海風欣賞無敵海景，令人心曠神怡。

租單車知多啲：https://www.westkowloon.hk/smartbike

望住維港野餐

走到西九藝術公園，沿著海濱長廊都有多幅大大片的草地，讓你與朋友在此野餐，一齊望着維港美景食嘢傾偈，可謂賞心樂事！如果你想添加一些輕食或果汁、咖啡，可以徒步到不遠的海旁Cafe購買。

打卡小貼士：用維港做背景以外，不妨以樹木作為背景，令構圖更加自然清新。

寵物Friendly輕食店

想買輕食，一定唔可以錯過臨近海濱長廊的HOOMAN的熱狗！餐廳主打美式熱狗、薯條等小食，提供多款秘製醬汁俾你揀，特別惹味。

聖誕期間推出多款限定飲品，包括Gingerbread Latte（左上）、Carbonation Tonic Twisted Coffee（右上）及Ultra Rich Chocolate（右下）。

HOOMAN設有室內及室外坐位，更有售供狗狗食用的雪糕及Chips，貼心地照顧埋毛孩所需。

呷一口手沖咖啡

一抹藍白色調的Cafe「唞唞」，開幕以來一直是愛啡之人的聚腳點。Cafe清一色賣單一產地咖啡豆，有淺焙、中深焙等選擇。除了Black、White及手沖，最特別是「1 + 1 Combo」，附上Espresso及Latte，品嚐咖啡的兩種味道。坐在落地玻璃旁的位置，邊飲咖啡邊看海，的確是一大享受。

法式西多配乳酪及鮮果、炸雞三文治及Matcha Latte。

「唞唞」入夜會變成酒吧，Bartender每天會推出不同款式的雞尾酒特飲，採訪當日，就特別製作西柚味的Gin Cocktail，酸甜清新。

黃昏打卡　影日落海景

日落時分，難得面前有無邊際的維港景色，點可以唔去影相打卡呢？提提你，可以率先查看天文台的日落時間資訊，早一小時到海濱長廊旁邊的草地霸定靚位，Set好腳架等日落出現。

「太陽測量師」App可準確地顯示太陽日落位置及時間，為拍攝日落做準備。

打卡小貼士：影黃昏人像照避免背光，記得要補閃光燈，否則就會變成剪影。

建築光影

另一個熱門打卡位，是位於海濱長廊另一邊的「香港新晉建築及設計師比賽」展亭。除了可以到來影黃昏海景，展亭於晚上亮燈後的光影層次更特別靚！

海景薄餅店

晚餐推介大家到「Café Bohème」吃個招牌水牛芝士配火箭菜薄餅！餐廳環境特別以開放式設計，無論室內室外都可以對住無敵維港夜景，與朋友或另一半在海景旁晚餐，特別浪漫寫意！

打卡小貼士：影維港夜景連人像，一定要打燈及加腳架，這樣才能清楚拍下維景對岸的燈飾。

Café Bohème以開放式設計，坐在室內用餐一樣可以看到維港夜景。

手工啤麥子主理餐廳　聽Live Band鋸扒飲啤酒

位於自由空間的「留白」剛試業不久，已經成為本地音樂人最愛的藝文空間！餐廳由本地手工啤酒品牌麥子主理，有不少菜式也會特別以手工啤釀製，像Fish & Chips的炸魚就有淡淡的啤酒香，特別香口，還有豬手、牛扒等選擇，不定期還會有不同風格的Live Band試演，有Jazz、有Pop Music等，最適合與朋友夜間前來消閒。

留白推出期間限定的冬日特飲：Santa（左）及Warm You Up（右）。

西九文化區除了以4間餐廳外，還有剛開始試業的FAM囍公館，餐廳糅合新派手工中菜（Food）、藝術（Art）與音樂（Music）的嶄新概念，將餐飲與文化體驗共冶一爐。而PANO與侘寂珈琲喫茶亦將會陸續開幕。

圖片：梁碩，《山頂裏》，2019年，香港M+委約創作，展覽現場（2019）。

圖片：胡曉媛，《石疑》，2019年，香港M+委約創作，展覽現場（2019）

西九文化藝術活動

接著年尾至明年新年，西九文化區將舉行多項文化藝術活動供大家參與。現時M+展亭正舉辦「希克獎2019」展覽，展出六位首屆希克獎入圍藝術家的作品。六位藝術家來自不同世代及地區，是次展覽匯聚他們於過去兩年的新作，當中包括雕塑、場域特定裝置及錄像等，以回應廣涉不同社會脈絡的迫切議題。

「希克獎2019」展覽

日期：即日起至2020年4月13日

開放時間：星期三至星期日及公眾假期上午11時至晚上6時（展覽於2019年12月25日、2020年1月1日、25日及26日關閉）

*作品《山頂裏》的開放時間為上午11時至下午5時

地點：西九文化區藝術公園M+展亭

免費入場

展覽詳情：https://www.westkowloon.hk/siggprize2019

而自由空間設有全港最大的黑盒劇場大盒及音樂酒吧Livehouse，不定期呈獻來自本地及世界各地的多元化作品。

自由空間活動：https://www.westkowloon.hk/freespace

喜歡發掘各種不同形式藝術作品的話，記得留意西九文化區的最新情報嘞！

西九藝術公園

開放時間：6:00am-11:00pm（公眾假期照常開放，唯12月31日除夕夜開放至凌晨1時，26日、27日及30日部分開放，28日至29日部分場地需持Creamfields門票入場）

網址：https://www.westkowloon.hk/artpark

交通資訊

港鐵：九龍站乘坐26或74小巴 / E4出口步行10分鐘

巴士：雅翔道 / 西隧收費廣場巴士站步行10分鐘

另外有時租停車場方便駕駛人士

*近圓方，唔好去錯戲曲中心！

資料來源：西九文化區管理局

活動資訊

地址西九藝術公園
西九龍

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多