抗疫期間，留在家的時間比以往多。少了出外用膳，不如在家玩煮飯仔。從飲食入手，攝取充足營養。自己準備食材，自然食得健康點，增強身體免疫力，為健康打好基礎。今次教你煮三款在家都好易做到的美食！
蒜香蜆肉意粉
蜆肉含豐富鐵質，有助身體製造紅血球，幫助提升免疫系統的活力。蒜含大蒜素，具抗菌及抗病毒之效。
材料： 蜆連殼12隻、意粉100克、蒜蓉4瓣、辣椒1隻、黑胡椒少許、海鹽少許
做法：
1. 蜆預先浸水4小時，讓其吐沙，再用牙刷清洗乾淨表面。
2. 烚意粉8分鐘，瀝乾備用。
3. 細火燒熱平底鑊，放2湯匙橄欖油，炒香蒜蓉
4. 加入蜆肉煮約2分鐘至開口，熄火。加入意粉、海鹽和黑胡椒調味，即可上碟。
Tips：蜆一定要預留足夠時間浸水吐沙。
咖喱雞飯
雞肉有豐富蛋白質，咖喱粉不只有大量抗氧化劑，其中的薑黃素可以紓緩各款炎症，提升腦部健康。
材料：雞件半磅、薯仔一個、蕃茄兩個、洋葱一個、蒜頭一球、咖喱粉一包
做法：
1. 蒜頭、洋葱、蕃茄切碎，薯仔切件。
2. 細火燒熱平底鑊，放5湯匙橄欖油，細火炒香蒜蓉及洋葱粒，加入蕃茄蓉同炒，再加入咖喱粉炒香。
3. 加入切件的薯仔及雞件兜勻，加滾水同煮約30分鐘，即可上碟。
Tips：
- 講究一點，可以紅椒粉、薑黃粉及五香粉，以1:2:1的比例代替咖喱粉。
- 加多一點切碎的蕃茄、洋葱及蒜頭，完成品的醬汁就更豐富，撈飯超好味！
雞扒牛油果藜麥沙律
藜麥被稱為超級食物，有人類全部9種必需氨基酸，是一個全面的蛋白質來源。牛油果膳食纖維豐富，有豐富抗氧化劑。同時進食牛油果和番茄，可幫助人體吸收更多茄紅素，事半功倍！
材料：雞扒100克、牛油果半個、車厘茄10粒、三色藜麥30克
雞扒醃料：鹽及胡椒粉 各少許
油醋汁：橄欖油2湯匙、意大利黑醋2湯匙
做法：
1. 雞扒洗淨抹乾，以鹽及胡椒醃30分鐘。
2. 煎雞扒，放涼後備用。
3. 三色藜麥沖洗，以2杯清水煮10分鐘，熄火後焗10分鐘，瀝乾備用。
4. 牛油果用匙羹起肉，切片。車厘茄開半。
5. 將牛油果、藜麥、車厘茄及雞扒放入碟，淋上油醋汁，即成。
注意：可用檸檬汁代替醋。
▼即睇更多健康資訊▼
活動資訊
- 地址 香港
」，
App內睇文同睇片可隨時捕捉U Fun彩蛋，
換領現金券及禮品！
【免費送💝】ghd限量冰藍美髮造型夾✨
↓一機兩用 雙效熱風造型！↓
↓【送您戲院現金券😍】投選您心目中的男神女神！↓
↓立即投票支持您哋嘅偶像啦！↓
