【UNIQLO 主題UT 4月又有人氣主題！】襯衫最易熱爆推介！

文: Canice

2020.04.09

講起Tee，一定第一時間諗起UNIQLO 主題UT，簡單Cutting配上唔同主題：有可愛、有型格、有玩味、有藝術感……唔同Style任揀；唔同風格造型都可以輕鬆配搭得到。最重要係有齊男女裝及童裝，一家大細嚟個Family Look夠過癮。仲不時會同唔同範疇嘅品牌crossover，正如4月嘅新搞作，就同一眾遊戲及漫畫人物聯乘，各位Game迷及漫畫迷不容錯過。

SUPER MARIO x UT

即使你唔熱衷打機，都一定認識SUPER MARIO Brothers孖寶兄弟！今年迎來35周年，SUPER MARIO由遊戲世界跳出來同UT合作。除咗有孖寶兄弟以不同造型活現喺Tee之上；亦有簡單Message Tee “85-20”，表達出孖寶兄弟同大家一齊由1985年走到2020年呢35個年頭。童裝除咗Tee之外更有短褲，夠晒玩味。一家大細Full Gear著晒SUPER MARIO x UT上身一齊打機放IG肯定勁吸Like！

有齊男女裝及童裝，最適合做Family Look親子裝。

唔同造型同畫風嘅設計，相當過癮。

代表住Super Mario陪大家由1985年走到2020年共35個年頭，相當有意義嘅數字組合。

極具標誌性嘅菇菇，趣味滿Fun。

L.O.L Surprise! x UT

紅遍全球嘅超人氣L.O.L Surprise!，唔止造型多，連髮型同妝容都多，超級過癮。加上熱情又可愛個性，難怪廣受女生同小朋友歡迎。今次L.O.L Surprise!大駕光臨首次喺UT亮相推出一系列童裝，女生揀中至大碼都著用得到！

集齊人氣Surprise Dolls，粉絲係咪已鎖定搶呢件？

桃紅色Tee 咁搶眼最適合夏天著用。

熱愛Fashion又愛打扮嘅Surprise Dolls，24小時不離身嘅配飾、化妝品亦相當經典。

GUNPLA x UT

為慶祝高達系列模型誕生40周年，特意選出有紀念價值嘅高達機動戰士「GUNPLA」同UT聯乘！GUNPLA即高達系列嘅3D模型，自1980年發行以來大受歡迎，至今已售出超過5億套。聯乘Tee圖案大部分以黑色剪影設計，極具時尚氣息。

4月13日起，單次購物滿$250並包括「GUNPLA 40th Anniversary」UT系列產品乙件之顧客，更可隨機獲贈限量版GUNPLA模型乙盒*，有高達同渣古兩個款式，均用上全新獨家配色，收藏度十足！！(推出日期：4月中旬)

呢個設計肯定令好多男生產生共鳴，勾起日夜辛苦砌模型嘅快樂時光。

模型兩邊翼嘅設計細節都帶到Tee嘅兩袖之上，相當有心思。

Manga YOUNG JUMP x UT

日本漫畫迷一定認識《週刊YOUNG JUMP》！各式各樣唔同風格嘅日本漫畫都包攬，係唔少日漫迷每日星期嘅精神食糧。今季同UT聯乘嘅Tee設計相當時尚，以多套漫畫例如《王者天下》、《東京喰種》、《黃金神威》等作設計重點，粉絲一定不能錯過！(預計推出日期：4月下旬)

《黃金神威》主角之一嘅阿席莉帕，肯定令一眾粉絲瘋搶。

《東京喰種》風格暗黑奇幻，配以鮮明橙色Tee有助平衡觀感，無咁沉重。

《王者天下》圖案集中於 Tee下半截，設計有驚喜夠晒與別不同。

Manga RIBON x UT

日本少女漫畫月刊《RIBON》，不斷創造出無數清純可愛嘅漫畫形象，吸引唔少女生成為忠實讀者，《櫻桃小丸子》、《果醬少年》、《近所物語》等盛極一時！今年更迎來65周年，對一眾由細睇到大嘅女生嚟講的確係大盛事呢。今季UT亦以時尚作焦點，設計以Logo及Message為主，潮襯出街無難度。(預計推出日期：4月下旬)

齊集《RIBON》最受歡迎漫畫如《櫻桃小丸子》、《果醬少年》、《近所物語》推出UT。

《櫻桃小丸子》UT充滿小朋友畫作風格。

主角纖瘦嘅背影一望即知係《近所物語》大作。

UT仲有好多款式㗎！撳入嚟www.uniqlo.com.hk/pc/zh_HK/ut.html 睇更多啦！如果大家都想要深入了解各UT背後嘅文化及故事的話，UT 2020 magazine 創刊號網上版本亦經已率先上架喇！Click入 s.uniqlo.com/UT2020magazine 一齊探索更多UT樂趣啦。

*以上資料由客戶提供

活動資訊

地址 UNIQLO

更多真實評價

vv.summm

家居

搬新屋甲醛走👶💨

話說最近忙住搬新屋,雖然成個環境都靚靚哋✨但總係有股｢怪味｣喺度,初時以為係普通油漆味,但原來係甲醛問題😱作為媽媽,最擔心就係甲醛對細路仔健康嘅影響,尤其妍豬成日喺屋企周圍探索,真係唔可以掉以輕心😮‍💨 🧴 acc+ 甲醛殺手最近試咗【acc+ 甲醛殺手系列】真係解決咗我嘅煩惱!呢套產品包括一罐噴劑同一盒凝膠,用法超簡單,效果仲非常顯著,真心推介比大家❤️ 💨 acc+ 除甲醛綜合清除劑 500ml 噴劑真係好方便,用德國配方製成,安全又有效!我噴咗喺傢俬､牆身同窗簾上,完全唔覺得有刺激性氣味,反而清清新新,對孕婦同小朋友嚟講,用得特別安心👶👩‍🍼 📍 購買連結:hktvmallredirect.com/PUKFXt2W 🌿 acc+ 除甲醛凝膠盒 150g 呢個小凝膠盒更加係屋企必備!細細盒可以放喺任何地方:房間角落､衣櫃､鞋櫃甚至車內 🚗完全唔洗插電,靜靜咁吸走甲醛,仲可以長效使用,成個空氣都清新好多 🍃 📍 購買連結:hktvmallredirect.com/cBh5URpV 🏡 用後感分享用咗 acc+ 甲醛殺手系列之後,我真係覺得屋企嘅空氣清新咗唔少!而家喺屋企連呼吸都感覺舒服晒🥰最重要係小朋友可以喺健康環境下成長,呢個對我嚟講真係無價❤️ 📢 購買資訊想同我一樣呼吸乾淨空氣嘅朋友,可以去日本城或者 HKTVmall 買呢款甲醛殺手🛒 新裝修嘅家庭､或者有小朋友同寵物嘅屋企真係一定要試試✨ #accPlus#甲醛殺手#除甲醛#新居必備#空氣淨化#家居好物#健康生活#hktvmall#日本城有售

閱讀更多
Krystal

打卡熱點

#食飽過馬年#我想食LIFETASTIC聖誕蛋糕#冬日暖心回憶#解鎖水光髮#FULLBODY純黑魅力#OK即刻有#倒數聖誕 #社群生日快樂#美食遊樂盛宴#甜蜜聖誕滋味#Chiikawa#Chiikawa入手攻略#XmasMoments#年尾啤啤佢#北上度假計劃#同JOGUMAN過聖誕#我想去aia嘉年華#解放運動潛能#我想去寵物節

閱讀更多
Wara

演唱會

啟德主場館

期待「五月天」再臨啟德開演唱會

上年五月天演唱會第一次响我屋企附近嘅啟德主場館舉辦,氣氛､音響､場景等都超讚超震撼!點解今年唔嚟啊!期待五月與樂迷重聚,投入精彩動人嘅震撼音樂歡樂氣氛! #演唱會視角#追星攻略#演唱會打卡攻略#演唱會周邊#啟德主場館視角{{hket:campaign display="解放運動潛能"}}{{/hket:campaign}}

閱讀更多