【大埔好去處】大埔森林之旅認識樹木雀鳥、參加工作坊

文: U Magazine

2020.07.13

用 App 睇文

成日話香港是「石屎森林」搵片草地都艱難，只要走訪過位於大埔的綠匯學苑，你會發現香港隱藏了一個滿是樹木、小動物的「小森林」，跟隨學苑的導賞團，認識更多樹木花草知識，仲可以參加 DIY 工作坊和烹飪班，過一個充實有意義的郊遊樂。

第1站：賞樹聞樹葉巧遇白鷺蝙蝠

先介紹一下「綠匯學苑」，這是位於大埔運頭角里的一級歷史建築，更是「活化歷史建築伙伴計劃」的其中一座建築物。被活化的綠匯學苑，旨在推廣永續生活，希望藉導賞團、工作坊等活動，向公眾傳達環境、生態保育的意識。

市民可參加學苑的導賞活動，導賞員會教大家認識香港常見的樹木，好像有驅蟲作用的樟樹、樹幹上的地衣，反映周圍空氣好等，有機會嗅一嗅樹葉的氣味、摸一摸樹幹的質感。有時仲有機會看見白鷺、蝙蝠縱影，但緊記要靜靜觀察不要打擾牠們生活呀！

這棵是樟樹，唔少人都知樟木可驅蟲，而傳統上有些家庭會在生女時在家種植樟樹，待女士長大出嫁時用樟木製樟木櫳做嫁裝呢。

香港不時見到白鷺蹤影，呢隻係大白鷺，導賞員教觀察牠們腳掌顏色就分到，如像穿上黃色鞋子的，便是小白鷺

唔好以為棵樹發霉不健康，一塊塊白斑其實係地衣，如樹幹有愈多愈大塊地衣，即代表周圍環境空氣好，市區樹木便較少見到了。

驟眼看以為是棕櫚樹，這棵其實係蒲葵樹，蝙蝠更會咬開少少樹葉莖部，變成如燈罩般讓自己躲在裡面睡覺，而散開的樹葉部分就是從前會用來編成做葵扇。

鄉郊較常見的果樹，如木瓜樹。

第2站：挑戰嗅覺遊香草園

賞完大樹便可參觀香草園，你會發現好多熟悉的節香草品種，好像斑蘭、九層塔等，不少是用來烹調食物，有些甚至有藥療作用，令我們對香草植物認識更多。除了香草導賞，還有品茗、享用純素茶點及製作香草鹽，節目豐富。

香草園部分也有導賞員教認識各種香草。聖羅勒，中間有串串紫紅葉串，多用作煮嘢調味。

胡椒薄荷葉，有通鼻塞作用，辦公室大可考慮種一小盆，閒時摘葉來沖泡熱飲也有益。

九層塔，多見於越南粉麵、泰式咖喱等菜式，獨特的香味，令食物更加美味。

紫蘇葉，具辟味、殺菌作用，故日本魚生多吃其蹤影。

斑蘭葉，工作坊就用這村料來做燕麥餅、有時更會加入豆腐乳酪裡。

綠匯學院屬一級歷史建築，被活化的綠匯學苑，成為推廣永續生活的地點，希望藉此傳達環境、生態保育的意識。

第3站：天然紮染、烹飪工作坊

另外，學苑會定期開辦不同主題的工作坊，有手作亦有烹飪班，如今期的手工DIY，就是利用天然染料薑黃來做紮染，比平日見到的藍色紮染較環保，且有導師從旁指導，即使小朋友都可輕鬆完成，染出黃澄澄的小方巾。

而烹飪班以推廣素食為主，好像焗糙米小菓子、斑蘭燕麥脆餅、豆腐乳酪等，全都考慮到對食物過敏人士的需要，我們今次試整的豆腐乳酪十分簡單，縱然沒有烹飪經驗都能上手！工作坊課程收費按材料定價，活動亦多於星期六、日舉行，想參加可網上預約及報名。

｛making of 薑黃紮染｝

先將手巾對摺，方便稍後紮染

利用波子、橡筋將手巾紮成不同模樣

將紮好的手巾浸在天然的薑黃染料內，煲十至廿分鐘，令薑黃色浸入布裡，然後過凍水鎖色，獨一無二的紮染手巾便完成！

親手紮染的手巾仔，很有成功感！

工作坊都以天然素材為主，好像以薑黃這天然染料來做紮染。

不同工作坊都有導師教學，保證作品可完成。

另有烹飪工作坊，好似這個斑蘭燕麥脆餅配豆腐乳酪烹飪班。

利用較健康的鹽滷豆腐、香蕉、檸檬汁、水、椰子花糖作豆腐乳酪材料。

info

綠匯學院

地址：香港新界大埔運頭角里 11 號

電話：2996 2800

開放時間：10am - 5pm（最後登記入場時間為每日4:30pm；逢星期二、特定日子休息）

官網：https://www.greenhub.hk/chi/index.aspx

香港旅遊發展局現推出「旅遊。就在香港」計劃，市民可以透過電腦或手機，進入全新活動網站，獲取深度遊攻略及優惠資訊

網址：HolidayHK.com

活動資訊

地址香港新界大埔運頭角里 11 號
大埔

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多