【荔枝角好去處】5000呎全新飄移賽車場進駐D2 Place 買1送1開幕優惠!夾公仔機/彩虹池/籃球機

文: Elly Lee
2020.09.19

全新室內遊樂基地PowerPlay Arena於9月中登陸荔枝角D2 Place。場內主打為大人、小朋友而設的飄移賽車及各款經典遊戲,如夾公仔機、彩虹池、籃球機等。更有特色熱狗店LineUp Hotdog提供小食及飲品,玩到累就可以醫肚。而即日起至10月31日期間推出3重開幕優惠,即刻睇睇場內設施及優惠啦!

PowerPlay Arena以室內飄移車為賣點,飄移車場逾5000呎,以粉紅色迷你水馬砌成車道,設有多個彎位,讓你盡情掟彎。飄移車有為大人而設的Crazy Cart XL及小朋友專用的Crazy Cart兩種款式,大人、小朋友都適合玩。場內有專人指導,更會提供頭盔、護肘和頸箍等保護裝備,可以放心享受飄移快感。另外,PowerPlay Arena與D2 Place合作,凡持有「D2 PLAY娛樂體驗通行證」可立即體驗飄移車。

除了飄移車,遊樂基地設有各款經典遊戲,包括推銀機、氣墊球、超大型彩虹池等。同時,PowerPlay Arena專為小朋友開設「FUN FUN ZONE」,設有迷你籃球機、保齡球機、射擊遊戲及推糖機,符合小朋友需求,一家大細一齊玩。

店內還有夾公仔機和扭蛋機,PowerPlay Arena首次與香港插畫家合作,推出以本地原創主角為主題的夾公仔機。

玩樂過後大家可以到場內的熱狗店LineUp Hotdog用餐,餐廳提供「頑皮熱狗系列」、四種口味的「Shake Shake薯條」和「點止冰冰Slushy」等多款小食及飲品。熱狗有多種特色口味,店內更推出全素的椰菜花熱情松露狗,適合素食人士。

由9月中旬到10月31日期間推行3重開幕優惠,凡於D2 Place指定零售商消費滿HK$300,即可換領PowerPlay Arena室內飄移車買一送一優惠券。新張期間成為會員,則享有飄移車優惠HK$55一節,即場加購更可享9折優惠;而讚好及追蹤PowerPlay Arena Facebook專頁及Instagram,可獲贈10個代幣。Line UpHotdog也推出熱狗半價優惠,由9月23日至10月28日,每逢星期三指定熱狗將有半價優惠!

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【免費試用🎁】RMK全新底妝系列!↓

↓全新原生光感隔離霜 x 零瑕絲絹粉底液↓

↓全新原生光感隔離霜 x 零瑕絲絹粉底液↓

↓【食在社群】免費請您食Buffet!↓

↓五星級酒店Buffet,品嚐環球美食!↓

↓五星級酒店Buffet,品嚐環球美食!↓