新店登陸九龍灣 食買玩最強攻略

玩－NAMCO運動ｘ玩樂新體驗

日本遊戲機中心NAMCO第九間分店開幕，店內有多部夾公仔機，滿足夾公仔癮之餘又有公仔帶返屋企，而家仲有NAMCO限定景品「Ultraman Series Vol.1 & 2」添呀，手快有、手慢冇！另外，更有以「運動」作為主題嘅遊戲機，包括經典「Street Basketball Jr.」籃球機同「Boxing Champion」拳擊遊戲機，咩年紀玩都重拾童真～

嚟緊10月全新創意概念－運動遊樂競技場SPORTAINMENT ARENA更會開幕，場內分為9個運動園區，有球類對戰、挑戰平衡感或者反應力嘅刺激遊戲等，同時結合運動、娛樂同科技元素，令你體驗做運動都可以好好玩。全場面積有約8600多呎咁大，啱晒大人細路去放電做運動，玩足全日！                                                                                   

地址：九龍灣德福廣場2期501A舖

食－各式新食店登場

多間新餐廳帶嚟各國美食，仲有一款合你心意～

「亞參雞飯」糅合馬來西亞同埋新加坡地道風格，環境舒適，感覺儼如到訪東南亞街頭小店，而新店開業更推出一系列限定風味小食，包括「鳳尾蝦春卷」、「香烤豬肉串」、「香煎手作蝦餅」等，叫任何主菜或飯麵，就可以以優惠價追加指定小食組合。當然不得不介紹王牌推介「亞參去骨海南雞飯」，佢地嚴選雞味濃而不膩、肉質鮮嫩、飼養期約一百日嘅三黃雞，用獨門秘法將雞骨、胡椒及薑等熬成嘅濃郁雞湯浸煮至剛熟，雞肉特別嫩滑入味。同樣必食仲有「新加坡喇沙米線」同「檳城蝦麵」，快啲去享受南洋風情啦～

地址：九龍灣德福廣場1期G102號舖

火鍋幾時都係港人至愛，依家未有得去台灣歎台式火鍋住，喺香港一樣滿足到呢個慾望！新店犇殿主打古早味台式火鍋放題，多款心機十足嘅湯底，嗜辣者必揀招牌御膳麻辣鍋，以大紅泡椒、花椒、八角、白豆蔻、桂皮、草果等多種香料熬煮而成；健康主義者就可以一試桃膠土雞美人鍋湯底，以鮮雞配上桃膠、紅棗、黨蔘、淮山、杞子、元肉、北芪等養生食材熬製，每一啖湯都含有豐富膠質，滋補養顏。

其他特色之選仲有蕃茄鳳梨美肌鍋、台式濃香沙茶鍋、藥膳紅燒牛骨鍋等等，心大心細揀唔定一款？仲可以選擇鴛鴦鍋，感受多一款美味。

配料亦係嚴選嘅美國牛胸腹板肉、美國豬梅花、羊肉卷、阿嬤燒酒雞等。升級套餐仲可以任食美國極黑牛三叉、美國黑毛和牛、安格斯牛小排、手切琵琶牛肉同澳洲M7和牛等高質肉類。另有東港海鮮盤，當中包括每日新鮮運到嘅活鮑魚、扇貝、牡蠣、海蝦、海蜆、台灣透抽，加上台灣直送火鍋配料同地道夜市小食，一解大家對台灣嘅相思之苦！

午市90分鐘火鍋任食放題套餐價錢至低$138，而晚市90分鐘火鍋就分段收費，早收工朋友你地有福喇！ 7pm前埋單只需要$178，超抵食～

地址：九龍灣德福廣場1期F1號舖

一大班人如果各有各口味，大型「Foodeli」就絕對幫到手，集合十間中、日、韓同本土人氣餐飲品牌，其中炸雞脾專門店「Chicken 852」及港式點心「占士包點」仲係首次登場！

Chicken 852將炸雞髀與鹹蛋黃醬互相融合，脆卜卜雞皮充滿鹹蛋黃醬嘅鹹香味，加上蛋黃碎粒嘅顆粒口感，咬一啖就有幾層滋味感覺，邪惡得嚟又幸福。「濟州燒肉食堂」嘅烤肉採用網燒，可以鎖住肉汁同時減低燒烤時嘅油膩感。而韓式精緻料理亦非常出色，創新「牛.燒肉飯」以軟嫩燒牛肉配搭酸甜爽口嘅傳統泡菜，感覺新鮮。喜歡麵食類嘅朋友就要試「江仔記」同「山城小麵」，前者精心製作香港獨有嘅經典魚蛋粉，後者主打重慶地道麵食，食得辣嘅記得要試佢地自家調製嘅辣椒油，採用多達15款香料炮製，仲有加入「山城牛肉麵」、「紅燒肥腸麵」等新派口味。

地址：九龍灣德福廣場二期5樓501B號舖

買－女士心心眼三大推介

講完「玩」同「食」，又點少得女士們最鍾意嘅「買」呀，由精品、時裝到美容產品都有，仲唔係Shopping 嘅天堂！

對Sanrio fans嚟講，絕對係天大喜訊，因為Sanrio Gift Gate又有新店，繼續售賣可愛嘅Sanrio精品。而喺今日開始，有一系列“MONCHHICHI x SANRIO CHATACTERS” 及“BEBICHHICHI x SANRIO CHATACTERS” 獨家喺Sanrio Gift Gate德福廣場店以半價推出，有興趣要快手喇，因為數量有限，先到先得！

仲有一系列少女們一定鍾意嘅新到秋冬滋潤保濕系列，以“彩色心心”作設計主題，印上七彩繽紛嘅人氣Sanrio Characters，非常可愛，包括護手霜、唇膏、胭脂及唇彩等，自用定送畀朋友都一樣得體呀～

地址：九龍灣德福廣場2期502A號舖

除咗精品外，女士們最鍾意嘅當然係買袋啦，RABEANCO最近新返咗一系列真皮手袋，有經典不敗嘅水桶袋，簡約設計配上獨特嘅圓形拉鎖鎖扣，容量又夠大，最啱一眾OL返工用～另外仲有風琴式設計斜背袋同兩用手挽袋，細細個，可任意拆除寬肩帶，隨意變換造型，出街時襯咩造型都得，絕對係Snapshot打卡嘅Must Have Item呀！

地址：九龍灣德福廣場1期G73號舖

護膚係女士終身任務，澳洲有機香薰美學專家CANVAS日夜禦齡孖寶－全新玫瑰抗皺眼霜 (15ml，售價HK$495) 及升級配方玫瑰緊緻睡眠眼膜（50ml，售價HK$795） ，突破性結合有「可塗於面的Botox」之稱嘅八胜肽（天然氨基酸）成分，可以有效局部阻斷神經傳遞肌肉收縮訊息，預防同改善表情紋，結合岩藻多糖及白牡丹，日夜無間重點預防及撫平表情紋，令眼周肌膚更見緊緻明亮。

想體驗天然高效嘅禦齡力量？CANVAS呢個全天候套裝啱晒各位！德福廣場分店仲有獨家優惠 - 只需HK$895（原價：HK$1,465）就買到皇牌「玫瑰極緻全效套裝」包括：玫瑰緊緻睡眠眼膜（50ml）、玫瑰花妍極緻精華油 （15ml）、玫瑰24小時全效保濕乳液（10ml）、天然清爽透薄防曬乳液SPF30（10ml）。

地址：九龍灣德福廣場2期331號舖

豐富秋日獎賞

最後，提提大家德福廣場、青衣城同PopCorn仲有秋日購物賞購物優惠，掃貨記得用電子貨幣，因為只要喺指定類別商舖*即日以電子貨幣^累積消費滿HK$1,500，可以獲贈HK$200港鐵商場現金券。另外食晚飯都有獎賞，只要逢星期一至四6pm後，於指定食肆堂食滿$300，以電子貨幣^支付，即送HK$50港鐵商場餐飲禮券或電影禮券#，邊食邊賺！

＊指定類別商戶：時裝（包括飾物／皮鞋／手袋／視光用品）、健康美容、電器／電腦用品／電訊、鐘錶／首飾
^電子貨幣包括信用卡、易辦事、八達通、支付寶或微信支付、Apple Pay、Google Pay、Samsung Pay、銀聯閃付 及Tap & Go拍住賞消費。
#電影禮券換領只適用於德福廣場及 PopCorn

資料由客戶提供