【銅鑼灣美食】CuppingRoom旗艦店全黑Cafe登陸銅鑼灣 客製沖調咖啡/咖啡工作坊
Cupping Room咖啡店最近大受歡迎，繼中環、灣仔等地分店後，Cupping Room旗艦店最近就於銅鑼灣開幕。店舖着重顧客的咖啡動體驗，主打各式精品咖啡，亦有各式主食如多士、意粉等。店舖會邀請不同知名咖啡師合作為客人手沖咖啡，更設咖啡豆及Latte Art課程，以及售賣各式沖咖啡用具等，有興趣的朋友不妨睇睇！
全新Cupping Room旗艦店登陸銅鑼灣利園，Cafe以全黑為主調，裝潢時尚簡約。店舖每個月均會邀請不同知名咖啡師坐鎮，客人可一邊嘆咖啡，一邊飽覽咖啡師沖調咖啡的過程，咖啡師更會為客人解答各樣與咖啡有關的問題。
店內除了有售不同自家烘焙的咖啡豆、咖啡膠囊及掛耳包外，亦有多款專業咖啡用具，例如咖啡濾杯、咖啡壺及各式杯具等售賣。
店鋪主打各式精品咖啡，例如有Espresso、Filtered Coffee、各式Latte等等。客人可自由選擇喜愛的咖啡豆，更可選擇沖調咖啡所用的工具及用水。所有步驟都可以根據客人心水，讓客人體驗到同一種咖啡豆，但以不同的工具及用水帶來的味覺享受，同時了解到各款咖啡工具及用水的特點。
這款採用來自哥侖比亞的咖啡豆，入口fruity，帶菠蘿、荔枝等果香。
Latte（$38）同樣運用來自哥侖比亞的咖啡豆，帶點花香味，口感幼滑。
Espresso Tonic（$50）
Cupping Room提供各式美食，例如有三文魚、磨菇、大蝦等Toppings的多士選擇， 以自家製Sourdough Bread 為基調，亦有班尼迪蛋及各式意粉。牛油果帶子三文魚籽多士（$118），帶子微微煎過，肥美鮮甜，配上綿密的牛油果蓉及粒粒三文魚籽，口感豐富。
燒大蝦大蒜油扁意粉($128)，蒜油及蝦膏香氣四溢，大蝦彈牙。
餐廳亦有供應Cupping Room旗下的La Viña各式糕點蛋糕，包括迷你版Loaf Cake，食勻4種不同特色口味，適合與家人朋友一同分享。同時還有人氣Basque Burnt Cheesecake、水果丹麥酥、蒜蓉包等。
咖啡店除了售賣咖啡及食品外，亦會不時舉辦與咖啡有關的課程，提供咖啡互動體驗。咖啡工作坊由2020年香港咖啡師大賽冠軍主理，逢星期三或五晚上7至9時於店內舉行。課程內容例如教授咖啡豆產地、Latte Art等知識，費用由$320至$480不等，有興趣的朋友不妨留意一下官方Facebook及Instagram！
如未能參與以上的咖啡班，Cupping Room 旗艦店照顧每位客人的需要，每天下午3 時至3時30分均有專業咖啡師駐場，為客人解答有關咖啡的問題，費用全免。
活動資訊
- 地址 銅鑼灣希慎道1號利園一期Shop 305-306
- 人均消費$51 - $100
- 開放時間星期一至五8am至9pm； 星期六及日9am至9pm
- 電話5206 6188
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣本地熱話
Ian陳卓賢忠粉鑑定所🎤
即刻挑戰🏆！測試您對Ian嘅了解程度🌟
↓【✨ Chill賞親子放電祭🏖️】↓
>各種驚喜禮遇等您發掘🌟<
U GO 本週好去處
