【中環美食】中環新開型格工業風Cafe 霓虹燈打卡位！夢幻雲朵蛋/足料蟹肉扁意粉
中環卑利街最近新開一間大走型格工業風的咖啡店「1441 Fourteen Fortyone」。鋪面以時尚的黑金色為主調，座位寬大舒適，門前設開放式位置，感覺更Chill！Cafe「1441」共有2層，裡面設有多個霓虹燈打卡位，樓上位置更加寬敞，有張乒乓波枱，除了影相打卡，更真的可以打乒乓波呢！食物方面，有深受少女歡迎的夢幻雲朵蛋和足料蟹肉番茄扁意粉，美味之餘仲夠晒飽肚！即刻睇下仲有啲咩好飲好食啦！
咖啡店「1441」的鋪名其實別具心思。1天有1440分鐘，而「1441」希望客人可以抽出1分鐘來給自己放鬆一下，於小店裡好好享受慢活節拍。此外「14」和「41」2組數字是彼此的倒轉，同時亦代表著Cafe日與夜的營運模式，日間經營Cafe，夜晚經營酒吧。2層高的「1441」座位寬大好坐，感覺舒適。店內的霓虹燈和黑金型格裝潢更成為不少人客的打卡熱點。
2樓的位置更加寬敞。而且設置1張乒乓波枱，除了讓客人打卡影相，更真的可以用來打乒乓波呢！搖身一變，夜上還可以用作玩酒Game呢，十分Chill！
食物方面，這款「Crab Meat Pasta」（$128）十分惹味，而且份量相當足料！用上自調番茄香蒜醬料，加大量蟹肉烹煮扁意粉，每條扁意粉都沾上蟹肉絲，啖啖滋味！
另外，這款精緻的All Day Breakfast「1441 Fourteen FortyOne」（$138）最大亮點大概是這個夢幻雲朵蛋！整個擺盤美得像藝術品似的，有香草味的香腸、牛油果、三文魚和茄汁豆等，好豐富啊。
平時常見的全日早餐通常做炒蛋比較多，畢竟雲朵蛋的製作不容易啊。不要以為雲朵蛋只有好看的賣相！雞蛋的鬆軟感做得恰到好處，吃上口不會覺得很膩，更帶有微微鹹香呢！
飲品方面，Matcha Latte（$42）是用茶刷打開抹茶粉，陣陣香濃抹茶味撲鼻！之後倒入剛打熱的細滑奶泡，再畫上可愛花樣。而Caffe Shakerato（$34）這杯冰搖咖啡，將熱的espresso和冰塊倒入手搖酒器，用力快速搖至均勻，完成味道濃香的冰爽咖啡。如果不想喝咖啡，也可以選擇他們的茶飲，清甜解渴。
活動資訊
- 地址 中環卑利街41號祥興樓地舖
- 人均消費$101 - $200
-
著數報料
韓印紅 Han Yin Hong (北角店)
韓印紅明太子醬🕵️♀️ $45咋！
居然俾我喺韓印紅搵到明太子醬🤩,$45蚊咋!仲要有盒仔收藏,唔洗好似平時係壽司部買一盒兩條,用剩又要包嚟包去放雪櫃,seems like幾方便!(味道如何就唔知啦)其他蔬菜類都幾抵買,得閒都鍾意去韓印紅fing吓發掘偏門食材🫡~ 🙋🏻又嚟向神通廣大嘅大家求救,請問最尾幅圖個山藥,唔知可唔可以就咁磨成蓉拌蕎麥麵生食呢? #山藥#明太子醬#韓印紅
閱讀更多
-
香港攻略
黑龍拉麵
黑龍拉麵🔥 發哥都讚！
上環蘇杭街由日本師傅主理嘅黑龍拉麵,發哥周潤發都嚟食過,夠晒名氣~🤩🙌🏻私心最推期間限定山椒辛味噌拉麵,湯底濃厚味噌底加山椒粉,一入口先味噌醇厚甜香,之後山椒麻辣直衝鼻腔同舌頭,嗰種麻辣衝擊好過癮,麵條彈牙吸滿湯汁,叉燒半肥瘦自家製吸汁惹味!牛筋Black拉麵,湯底濃郁黑蒜油豚骨,牛筋炆到冧哂入口即化,膠質豐富黏嘴唇💋餃子同枝豆正常發揮👌🏻記得即場follow佢哋IG,即送炸雞一粒🍗 #社群共創攻略
閱讀更多
-
香港攻略
Honjo
上環新派日菜 🤯Fusion味驚喜🌟
上環HONJO,走新派日式居酒屋風格,用高質日本食材玩創意,賣相同味道都好有驚喜~🇯🇵Tasting Menu $498/pp,三款前菜､兩款刺身/壽司､一個主菜加甜品都勁出色,食完真係滿足到爆!👍🏻😋 🌟主菜龍蝦尾熱石鍋飯(+$138)係重點🦞同黑白大廚｢料理狂人｣聯乘 @ynnvook 🇰🇷店員即席加入醬油拌勻蒜香牛油飯､龍蝦尾､黑飛魚籽､照燒蘑菇､三文魚籽､蟹籽,麻油香爆發,龍蝦尾爽彈,飯粒吸滿汁超香! 前菜大推升級香蔥吞拿魚他他👍🏻配料豐富,包括吞拿魚腩粒､牛油果慕絲､三文魚籽､海膽､鵪鶉蛋黃同日式春卷皮,層次感超強!刺身必嗌柚子炙燒三文魚薄片清新有層次,柚子味噌配搭正到飛起🤤 另外兩款前菜都好唔錯,炙燒和牛薄片香辣惹味🔥粟米天婦羅炸漿薄脆內裡粟米粒多汁🌽升級刺身四款新鮮肥美,個人最愛肥美嘅三文魚同拖羅!🍣主菜香蔥烤黃雞外脆內嫩滑,配飯蒜香突出🍗 甜品黑芝麻焦糖燉蛋有驚喜!🤩芝麻味濃郁,面層薄脆焦糖配焦糖雪糕同紅豆平衡得好好;柚子雪葩清新解膩👌🏻想搵間創意同質素兼備嘅新派日式菜?咁一定要試吓Honjo! #社群共創攻略
閱讀更多
港生活人氣本地熱話
《U GO》請您睇《電影教場：驪歌》！
木村拓哉率領豪華陣容回歸👮♂️直擊風間公親最嚴苛試煉⚔️
【免費送🎁】Cetaphil舒特膚高效清爽低敏防曬啫喱☀️
↓ 無油啫喱質感清爽不黏笠💧立即登記 ↓
假日好去處