屋企Zoom住學！推介6大DesignInspire Online手作工作坊

今次就特別推介大家6個網上創意工作坊，款款手作都又靚又好玩！大人小朋友都可以Join，睇完下面詳情就報名啦！

1)時尚之選：金箔牛仔購物袋網上工作坊

帆布布袋原來都可以好高貴！工作坊會利用金箔設計獨一無二嘅帆布布袋，將佢變成一件可以襯上身嘅藝術品。而且工作坊所得收益扣除成本後將全數捐俾幫助香港露宿者嘅慈善機構ImpactHK，好有意義！

舉辦時間：2020年12月6日 (星期日) 17:30至19:30
適合年齡: 任何有興趣人士 (兒童需由家長或監護人陪同) 
費用: HK$240 （每位）*包含材料包運費

2)女生最愛：水磨石置物碟網上工作坊
水磨石曾經係隨處可見嘅裝修石料，由地面至樓梯扶手都可以見到佢嘅影踪，但因為人工成本上升，而家已經逐漸消失。喺工作坊，我哋就嘗試復興依項舊工藝，由倒模到打磨親手製作水磨石置物碟，將佢變成生活用品一部分，實用又美觀！材料包可選擇大或小置物碟其中一款，每款材料包可供製作兩件成品。

舉辦時間：2020年12月6日 (星期日) 17:30 至19:30
適合年齡: 任何有興趣人士 (兒童需由家長或監護人陪同)
費用: HK$190（每位）*包含材料包運費

3)夢幻之選：光影故事迷你紙雕小夜燈網上工作坊

小夜燈唔只可以用嚟照明，仲可以紙雕，用雙手令佢成為一個有回憶、有故事嘅時光機，放喺屋企好夢幻呀！

舉辦時間：2020年12月5日 (星期六) 14:00至16:00
適合年齡: 8歲或以上兒童 (需由家長或監護人陪同) 或其他有興趣人士
費用: HK$135（每位）*不包含材料包運費

4)禮物之選：聖誕裝飾泡泡浴球網上工作坊

一個既益智又好玩嘅工作坊，泡泡浴球成份全天然，整完掛喺聖誕樹之後，仲可以浸浴，做聖誕禮物就最啱啦！

舉辦時間：2020年12月5日 (星期六) 10:30至12:30
適合年齡: 6歲或以上兒童 (需由家長或監護人陪同) 或其他有興趣人士
費用: HK$130（每位）*包含材料包運費

5)迷人之選：線上香水調香工作坊
香水可以襯托出唔同嘅氣質，工作坊會提供精選嘅調香原料，大家可以從中挑選，選擇喜歡嘅氣味，喺導師指導下完成你嘅「專屬香水」而且幫佢命名，真正獨一無二，過程中導師會講解基本調香理論，並譲學生親自接觸各種原料，整個工作坊約 1.5 小時。

舉辦時間：2020年12月6日 (星期日) 14:00至16:00
適合年齡：僅限成人
費用: HK$200（每位）*包含材料包運費

6)氣氛之選：印弟安小帳蓬檯燈網上工作坊

想喺屋企增加情調？一盞滲透柔和光線嘅小帳蓬造型檯燈就最啱你！手工縫製皺折繡(smocking)，可以加上你嘅創意，令帳蓬造型改變唔同形狀，同樣獨一無二！

舉辦時間：2020年12月5日 (星期六) 17:30至19:30
適合年齡：任何有興趣人士 (兒童需由家長或監護人陪同)
費用: HK$225（每位）*包含材料包運費

立即登記DesignInspireOnline 網上工作坊: https://bit.ly/3liYpUo

除咗以上6款好玩有趣嘅工作坊外，DesignInspire網上版仲有一連串精彩活動同各式各樣嘅趣味互動體驗。預先免費登記，一齊發揮無限創意!
https://www.designinspire.com.hk/tc/Register/

以上資料由HKTDC提供。