【觀塘美食】觀塘新開清新日系和風車仔麵店 超抵食$16原件花膠/壽喜燒/和風九宮格定食

2021.01.03

觀塘的工廈街巷一向蘊藏不少美食小店,而最近觀塘創業道就新開一間車仔麵店,走日系簡約路線,形象清新。店舖主打車仔麵,有$16招牌原隻花膠、豬手、蠔皇花菇等配料。同時亦有九宮格和風定食、壽喜燒等供應,觀塘美食又多一個新選擇喇!

觀塘創業街新開一間車仔麵店「祥利車仔麵」。店舖行日系簡約風,室內明亮乾淨,更採用開放式廚房。餐廳亦設對街座位,一人獨食都無問題。

店舖主打車仔麵,提供各樣配料選擇,例如有原件花膠、蠔皇花菇、豬手等。豬骨湯底每日以新鮮豬骨熬製9小時,不添加味精,清爽不油膩。原件花膠厚度足夠,彈牙有膠質,只需加配$16。豬手煮至軟嫩入味,而蠔皇花菇粒粒飽滿,口感十足。

九宮格定食($108)(只限晚市)。套餐上枱令人眼前一亮,九格木盒盛着九款不同餸菜,有豬軟骨、豬手、醉雞翼、花膠湯、秋葵等。九格定食附送白飯一個及烏冬一碗,份量頗大。 

日式咖哩肥牛飯($48),咖喱汁濃厚,送飯一流,更附送蟲草花燉花膠雞湯一客,暖身滋補。

日式壽喜燒($108),集齊肥牛、花菇、豆腐、秋葵等材料加上豬骨湯,配上生雞蛋,暖笠笠冬天食就最適合!

飲品方面,餐廳提供各式凍熱飲。例如有抹茶Latte、焙茶Latte等,亦有其他特飲如日式炭燒咖啡、玄米抹茶、蕎麥奶茶等等。
不好甜的朋友可選擇樽裝冷泡茶,如凍頂烏龍、炭焙烏龍、白桃烏龍等。

活動資訊

  • 人均消費$51 - $100
  • 地點 觀塘創業街31號LT TOWER地下G03號舖
  • 開放時間星期一至六07:00-20:00;星期日11:00-20:00
立刻訂閱Telegram優惠頻道:

U Lifestyle自家節目登錄《U TV》專區!

↓↓試玩、試食、試用影片任您睇↓↓

試玩、試食、試用影片任您睇

【U Jetso】禮品、現金券、折扣等您攞!

↓ 立即免費下載~攞定U Fun隨時換禮遇! ↓

立即免費下載~攞定U Fun隨時換禮遇

評語

相關文章

獨家優惠

輕掃查看其他優惠