將軍澳新春市集！8大特色賀年食品及辦年貨推介

文: Mo Mo

2021.02.04

邊個話新年一定老老套套？將軍澳「The LOHAS康城」嘅新春市集就集合咗多間人氣小店，如果想搵新潮又有特色嘅賀年食品、禮品，就千祈唔好錯過！即睇我哋精選8大推介！邊個話新年一定老老套套？將軍澳「The LOHAS康城」嘅新春市集就集合咗多間人氣小店，如果想搵新潮又有特色嘅賀年食品、禮品，就千祈唔好錯過！即睇我哋精選8大推介！

1 傳統手工榚點@巨仁手造年榚

位置：康盛年年新春特「集」攤檔

巨仁手造年榚請來擁有20多年經驗的榚點師父，製作一系列傳統手工年榚如蘿蔔糕、芋頭糕、馬蹄糕及黑糖年糕等，全部純手工制作，絕無防腐劑！

2 德國農場有機蜂蜜熊仔糖@Hexapi German Honey

位置：康盛年年新春特「集」攤檔

全盒唔可以無嘅糖果，都可以好健康！由生物學家和工程師組成的Hexapi German Honey，主將公平交易，走訪全德國，與50多個農村小型養蜂家庭合作，生產多達35種純天然有機蜂蜜，更利用這些無添加蜂蜜推出相關產品，就好似呢款蜂蜜小熊軟糖，由11%的純蜂蜜製成，無添加糖無防腐劑，還有舒緩喉嚨之效！

3 主子玩味揮春@Goodies

位置：「The LOHAS Collect」期間限定專區 – Zone A

買揮春，唔想來來去去都是「花開富貴」、「龍馬精神」，就要到本地網上禮品店Goodies的攤檔！多款以貓、毛孩和生活細節為主題的台灣插畫揮春等緊你，語句如「多喝水」、「好命」、「貓肥人富」等超直接，搞笑又具玩味！

4 集體回憶手工啤@Kavich

位置：康盛年年新春特「集」攤檔

新年，梗係要有酒！在Kavich的攤檔，便可找到多款香港特色手工啤酒，充滿港式情懷。有外表似足麵包的Bread IPA液體麵包、山楂啤、花露水小麥啤、竹庶茅根啤等等，更有牛年限量的柑橘小麥啤，是另類賀禮好選擇。

5 超人氣IG曲奇網店@Twinkie Cookies

位置：「The LOHAS Collect」期間限定專區 – Zone B

以超IG-able的流心麻薯曲奇蛋糕紅遍IG的曲奇店，今次特別推出新年限定曲奇禮盒，內有糖冬瓜曲奇和核桃芝麻煎堆曲奇等，更特別設計圓形禮盒盛載，驟眼看十足全盒，打卡一流！

6 天然無添加全盒小吃@Great Gourmets

位置：康盛年年新春特「集」攤檔

全盒中常見的糖蓮子、糖冬瓜、糖蓮藕，熱量糖份都高，有人提出用堅果取代，既能過足口癮，又健康！主打香港製造的品牌Eat Better Kitchen，產品全部天然無添加，不含味精及防腐劑。其「五福臨門新年禮盒」有齊淮鹽辣腰果、咸焦糖杏仁、芝麻核桃、楓糖玉桂碧根果及黑松露夏威夷果仁，放入全盒啱晒！

7 香港特色手工鳥結糖禮盒@NEBU

位置：康盛年年新春特「集」攤檔

由3位本地男生創立的NEBU，主打一眾香港特色手工糖如鳥結糖、雪花酥及無糖甜品，全部使用無添加、無防腐劑的新鮮食材製作，而且口味獨特，甚有香港特色。想買得體禮盒，可選NEBU與社企限定合作的「人生九味」禮盒，入面有齊奶香味、曲奇味、避風塘辣味、紅豆冰味、咖啡味、酸梅味、苦瓜味、陳皮味、紫火龍果味，代表著人生不同階段的旅程，讓你細嚐人生滋味！

8 回收木賀年裝飾@DOSHA Woodcraft

位置：「The LOHAS Collect」期間限定專區 – Zone B

香港環保木工坊DOSHA Woodcraft售賣由回收木材改造而成的賀年裝飾品，為廢棄木材賦予第二生命，買來送畀親友，同時宣揚環保訊息就啱晒！

其餘精選年貨

場內仲有天然果肉水果條、有機果汁、老蜂蜜、意大利松露禮盒（右/@Great Gourmets, 康盛年年新春特「集」）、北歐風印花口罩（左/@Haustage, The LOHAS Collect Zone A）等，今個新年，一於去The LOHAS康城入貨啦！

INFO

康盛年年新春特「集」
地點：「The LOHAS康城」L3中庭
開放日期：即日起至2月21日
開放時間：12nn-8pm

「The LOHAS Collect」期間限定專區
地點：「The LOHAS康城」L3
開放時間：10am-10pm

雙重禮遇！贏現金券換立體利是封！

喺The LOHAS康城掃貨，又點少得購物優惠？立即登記做MTR Mobile用戶儲MTR分，於The LOHAS康城指定商舖同日消費滿HK$1,200，即可換領HK$150現金禮券；即日起至2021年2月11日，用1,000 MTR分，即可換領「花開蝶舞．門迎喜慶」靚精美立體利是封！很想要吧？即睇以下詳情：

以上活動禮品數量有限，換完即止。

一套8個的利是封，唔止設計色彩繽紛，仲有3D立體賀年圖案，送禮自用皆宜！

資料由客戶提供

活動資訊

地址將軍澳The LOHAS康城

更多真實評價

西澳飯阿婆

澳洲攻略

珀斯

💙【西澳之美: 全球最宜居城市之一】🇦🇺

今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。真正住落之後，👵🏻 發現… 珀斯真係好「慢」。大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻‍🦲 「肥人」（哈哈，純粹係當年留學生之間流傳嘅一句玩笑。）但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活

閱讀更多
Chan Zoey

香港攻略

Bingo and Cook

朗豪坊醬油蟹放題！ $498 🦀🇰🇷

❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚鮑魚口感幾彈牙~呢個我都有再叫嚟食🤣 醬油帶子帶子味道正常,醬汁幾入味醬油蝦蝦食落甜甜地🦐仲有蝦膏! 牛油炸雞外皮夠脆,牛油香味濃,熱辣辣最好! 紫菜飯紫菜撈飯,然後可以加埋蟹蓋嘅膏食,好夾❣️ 醬油三文魚三文魚有醬油嘅鹹香味~ 牛肉煎餅煎餅一般,建議食其他嘅小食排骨湯味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹

閱讀更多
Travel Couple

名古屋攻略

Comfort Inn Nagoya Sakae

名古屋核心地區高質酒店

酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡自由自取備品區牙刷､免費化妝水､洗面乳､髮圈,甚至包含男用面膜與入浴劑｡自助行李寄存區二樓設有密碼鎖行李保管區,入住前或退房後均可免費自助存放｡自助洗衣房配備多台投幣式洗烘衣機,方便長途旅行者隨時清洗衣物｡其它基本設施 2 樓大廳設有專用吸菸室､製冰機與飲水機｡交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店

閱讀更多