銅鑼灣新開一間主打川式麻辣火鍋店，採用自家煉製紅油及加入20多種香料炒製而成的秘製麻辣膽，最適合一眾食得辣的朋友！店鋪的火鍋配料主打手工菜式，例如爆餡芝士手打牛肉滑、蒜泥白肉水晶包，亦有一系列惹味川菜小食。約埋三五知己起打邊爐不妨試試新店啦！
銅鑼灣新開川式麻辣火鍋店「紅堂」，主打採用自家煉製紅油炒製秘製麻辣膽及一系列創意手工火鍋配料及小食。店鋪裝修走型格路線，有霓虹燈影相打卡位，座位方面亦有私隱，設有不少卡位及包廂。
鎮店湯底系列——紅堂和牛牛油麻辣鍋($198)，用和牛牛油炒製，更添油脂香，結合大紅袍花椒、青麻椒、小茴香等等多種香料，再灌入濃鮮老雞高湯。店鋪堅持自家炒醬，指定選用魔鬼辣椒、小米椒、炮彈椒等各地頂級辣椒，不會死辣，香氣十足！然後再加入花椒、八角等20多種香料配以秘製醬汁炒製，辣得惹味！
日本霜降A4和牛($388)，油花分佈平均，入口即溶。
川味辣牛拼盤($168)，集合麻辣、泡椒及原味牛肉，夠曬滿足！
蒜泥白肉水晶包($68)，自家創作菜式，咬落充滿肉汁及帶香濃蒜味；芝士牛肉棋子($78)，手打牛肉滑餡料包滿芝士。
紅桑子冰粉($38)，冰涼解辣！拔絲糍粑小爆花($88)，賣相精緻，中間糍粑配上糖絲，香甜煙韌。
點擊圖片放大
活動資訊
- 地址 銅鑼灣登龍街28號永光中心1樓
- 開放時間星期一至日12:00 - 16:00；18:00 - 22:00
- 電話21511879
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】MG Spirit西班牙清新水果酒！↓
↓ 獨特微醺體驗 / 西班牙釀製 / 天然新鮮果汁混合5.5%酒精伏特加！↓
↓【出Post賺現金賞】《社群》助您發展創作者事業↓
↓透過發佈帖文賺取收入！立即參加！↓
