【尖沙咀美食】尖沙咀歎高級日式燒肉版Omakase 備長炭燒烤!食勻新鮮直送和牛/刺身/海鮮

2021.05.28

尖沙咀這間高級燒肉店「初心」主打燒肉版Omakase廚師發辦,每日菜式都由師傅跟據時令食材而決定及精心炮製,充滿驚喜,歎勻直送及新鮮的季節食材,有日本和牛、刺身、海鮮等等。過程更可以與師傅交流,邊歎美食邊了解不同菜式的特色。鐘意食燒肉的朋友不妨試下燒肉Omakase啦!

尖沙咀高級燒肉店「初心」主打燒肉版Omakase廚師發辦,餐廳裝潢簡約高級,一入店內有三面的吧枱,讓每位客人邊食邊欣賞師傅煮製的過程,期間更能和師傅溝通交流,了解師傅精心炮製的當日菜式。

當天拍攝前菜方面有赤牡丹、池魚王刺身,海葡萄配䄂子醋,十分開胃。然後再有宮崎縣燒生蠔,海水味較重,經師傅輕輕一燒,帶出更濃蠔味。還有磯煮鮑魚,鮑魚肝混合蟹膏,入口香滑鮮味濃。

店鋪採用備長炭燒烤,而肉類方面當天師傅就準備了蒙古牛,灑上淡雪鹽, 咸味較淡 ,口感彈牙,帶點奶氈味。

牛肩外膜,配上濃醬油漬及䄂子胡椒醬,不會過膩;佐賀黑毛和牛A5肉眼心配炸鮮淮山,面層灑上煙豬肝,有助中和油膩感。

燒肉版Omakase廚師發辦,每日菜式都由師傅跟據時令食材而決定及精心炮製,鐘意食燒肉的朋友不妨試下啦!

活動資訊

  • 地點 尖沙咀彌敦道176號The Nate 2樓A號舖

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【U Lifestyle App聖誕周年慶】DayDay送大禮!↓

↓勁送機票/電話/遊戲機等巨獎!↓

↓勁送機票/電話/遊戲機等巨獎!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章