【酒店優惠2021】香港朗廷酒店暑假Staycation激減 食足5餐！包早午晚3餐+入Lounge歎下午茶
位處尖沙咀的五星級奢華酒店香港朗廷酒店最近全新推出超筍Staycation住宿優惠，暑假入住酒店食足5餐，包括自助早餐、廷廊午餐、米芝蓮推薦餐廳Bostonian三道菜晚餐及入Lounge享用朗廷會禮遇低至45折，折後最平人均$1177就住到，有得食又有得住，超抵！仲有另一個住宿Package就包30分鐘英倫主題房拍攝體驗，可以於超靚佈置包括粉紅波波池浴缸、搖椅下影相自拍，一解旅行癮！
香港朗廷酒店推出激減住宿優惠，入住酒店免費食足5餐，包括早午晚三餐正餐、下午茶自助餐及入Lounge任飲雞尾酒低至45折，由原價$5192起減至$2353，即人均$1177就住到，優惠期由6月8日晚上10時起開賣，有興趣可以>>按此預訂酒店<<。
The Food Gallery雙人自助早餐有多款中西式早餐美食，包括即製奄列、甜品鬆餅，仲有Secret Menu可以向店員點Egg Benedit；而中式早餐就有粢飯、點心、粉麵、自製港式奶茶，非常豐富！
Palm Court廷廊午餐以正宗星馬菜為主，有齊頭盤、主菜及甜品，有沙嗲雞肉串、海鮮摻摻麵、叻沙等等，而甜品就有榴槤忌廉泡芺、斑蘭烘糕、黑糖西米露椰漿。特別推介叻沙香濃足料！
2021米芝蓮餐盤推薦餐廳Bostonian晚餐頭盤有蟹肉沙律，蟹肉沙律內仲有魚子醬；主菜就有紅菜頭醃製可持續愛爾蘭三文魚或威士忌牛扒，三文魚扒口感嫩滑，牛扒軟腍，充滿炭燒香；甜品為士多啤梨櫻花海綿蛋糕配橙酒吉士、香檳啫喱、鮮奶油，香檳味突出，配搭清新唔會太甜膩。
住客可以入Lounge享用朗廷會禮遇包括下午茶自助餐及Cocktail雞尾酒，推介scone鬆餅配朗廷皇牌玫瑰果醬，口感味道一流！
除了包5餐住宿優惠之外，另一住宿優惠包30分鐘倫敦特色主題房自助攝影時段，大家可以入2間英倫風設計主題房影相，現時亦有優惠37折，另外仲有限量1折優惠價，折後$150起就住到，有興趣可以>>按此預訂酒店<<。
Pink Afternoon Tea Room主題房以粉紅色為主，雲石浴缸變成粉紅波波池打卡位，另外仲有搖椅、粉紅帳幕，啱晒一班鐘意打卡的少女！
A trip to London Paris主題房內用了經典英倫風設計，有胡桃夾子、英式電話亭，好似去咗一轉旅行咁！
住宿優惠詳情：
1.朗廷酒店五餐無憂住宿套餐>>按此預訂酒店<<
-免費升級至城市景高級客房
-包三餐正餐： The Food Gallery 自助早餐、Palm Court 廷廊午餐、Bostonian 三道菜晚餐
-「朗廷會禮遇」：包括下午茶自助餐、黃昏雞尾酒和開胃小吃及全日供應醇釀美酒及精選飲品
-入住期間亦可獲贈精選红酒一支及迎賓水果
優惠開售日期：6月8日晚上10時至6月30日
入住日期：6月9日至8月31日
價錢：
星期日至四保證27小時住宿：HK$2,353（原價HK$5,192）
星期五至六：HK$2,463（原價HK$5,412）
（不適用日子：6月5,6,10-13,15-18,20,25,26,30日）
2.夏日倫敦住宿套餐>>按此預訂酒店<<
-免費升級至城市景高級客房
-HK$900客房餐務及酒店餐廳消費額
-「朗廷會禮遇」：包括下午茶自助餐、黃昏雞尾酒和開胃小吃及全日供應醇釀美酒及精選飲品
-入住期間亦可獲贈精美朱古力
-30分鐘於倫敦特色主題房自助攝影時段
優惠開售日期：6月8日晚上10時至6月14日
入住日期：6月9日至8月31日
價錢：(適用1折優惠碼)
星期日至四保證27小時住宿：HK$1,495（原價HK$4,070）
星期五至六：HK$1,650（原價HK$4,290）
（不適用日子：6月5,6,10-13,15-18,20,25,26,30日）
<< 提醒大家，購買前留意訂購平台的使用條款及細則，一切以訂購平台及餐廳公佈的價錢為準。數量有限，售完即止；所有優惠細則更新至文章發佈日期，訂購平台及餐廳保留更改優惠權利，U Lifestyle 概不負責。>>
活動資訊
- 日期2021年6月8日 - 2021年8月31日
- 地址 尖沙咀北京道8號尖沙咀北京道8號
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
【U GO夏日消暑企劃😎】
暑假必去打卡熱點＋夏日驚喜獎賞！🎈
↓【✨送您Poled HK消毒機/涼感墊✨】↓
>簡單登記領取<
U GO 本週好去處
