政府電子消費券到手，即刻要計劃一個用盡佢嘅港島精華遊！由西營盤出發，同閨密玩盡中上環蘭桂坊、蘇豪區、普慶坊，影相打卡，有得食仲有得玩，行程超緊密，而且全程都可以用電子消費券付費，文青Let’s Go！
第1站：Anson Lo加持！西營盤藝文SOHO壁畫區
香港首個充滿紐約 SOHO 氣息的壁畫區「藝里坊 ARTLANE」，連教主Anson Lo都要嚟打卡，就知有幾吸引！一出西營盤港鐵站B3出口，就會發現周圍都係壁畫，26幅巨型壁畫以音樂和藝術作為創作意念，由多位國際和本地著名藝術家創作。
在「荷里活傳奇人物壁畫區」會發現李小龍、瑪麗蓮夢露、莎莉譚寶等經典人物。另一亮點「維也納音樂小鎮」壁畫極具維也納小街特色，樓梯兩旁畫上了咖啡店和河畔風光，歐洲氣息濃厚，充滿浪漫氛圍，難怪已成為港島打卡勝地。
info
地址：西營盤藝里坊（港鐵西營盤站B3出口）
第2站：漫遊港島 特色懷舊叮叮遊
漫遊港島又想打卡，搭電車就最方便！已有逾百年歷史嘅電車，一樣支援電子支付方式，銀包都唔使帶，用電話畀錢，來往中西區話咁易。
第3站：拉坯做陶瓷！普慶坊拉坯體驗工作坊
上環普慶坊一帶就有不少cafe同gallery，藝術文化氣息最吸引文青。假如你同閨密們都喜歡做手作，記得來「童窯陶瓷設計工作室」的拉坯體驗班，有得玩又可以打卡，同姊妹一齊拉坯整陶瓷碗！用一小時就可以體驗基本的拉坯技巧，想進階學習上釉技巧亦只需多花一小時。
過程其實唔難，最緊要專注，全心投入過程，仲可以忘記生活的煩惱。
info
地址：上環普仁街4號
電話：2989 2300 / 6310 0255
營業時間：星期一及二10am-6pm；星期三至五10am-8pm；星期六及日10am-7pm
網址：www.tungyaoceramics.com
第4站：精美 + 護膚！手作紓壓香薰蠟蠋
想整吸like手作，乾花香薰蠟燭也是不錯選擇！去「Rosey Cloud 」工作室學整天然香薰精油大豆蠟燭。由挑選心水的香薰精油開始，再倒入具護膚作用的大豆蠟，放入顏色繽紛的乾花，90分鐘就可以帶走靚靚製成品。
唔好以為連鎖店、大品牌先用到消費券，而家連工作坊都支援電子支付，用消費券當然無問題！作為一個走在時代尖端的藝文青，無現金生活是常識吧？
info
地址：中環荷里活道29號2樓
電話：6701 0871
營業時間：不定，採預約制
網址：roseycloud.com
第5站：減醣生酮菜單！蘭桂坊波希米亞風cafe
蘭桂坊不止得酒吧，仲有氣氛悠閒的樓上café！「角落Corner Cafe」充滿波希米亞風，除了咖啡、蛋糕之類的大路選擇，最特別係生酮菜單食品！
生酮全日早餐、煙三文魚翠玉瓜麵賣相打卡一流，將醣份減到最低，食多啲都唔怕肥！歎埋 Keto Coffee，姊妹們一定無投訴！
info
地址：中環德己立街23號晉逸蘭桂坊精品酒店2樓
電話：2382 4899
營業時間：星期一至五12nn-9:30pm；星期六、日及公眾假期、公眾假期前夕11:30am-10pm
網址：www.facebook.com/cornercafe.hk/
資料由客戶提供
▼即睇更多電子消費券資訊▼
」，
App內睇文同睇片可隨時捕捉U Fun彩蛋，
換領現金券及禮品！
【快閃送⚡】200張便利店現金券！
↓立即登記領取 ↓
↓【限時搶⚡】Canuxi Feathery薄荷綠3D立體防護口罩！↓
↓ 高透氣過濾層/ 不起毛不黏笠↓
