小心慎入！嚟到皇室堡，你嘅童年回憶將會返晒嚟！
「以小櫻之名命令—封印解除」係唔少女生小時候都呼喚過嘅經典咒語，今日終於可以嚟到呢度再盡情緬懷一番！因為皇室堡聯同百變小櫻 Clear 咭，打造浪漫甜美嘅「櫻の鐵道駅」，3米高小櫻電車同6款基路仔更加係打卡熱點，現場仲有好多香港限定首度發售嘅主題商品同埋「櫻の甜品店」，買完食完又可以玩埋抓抓樂贏取精美禮物，一次滿足食、買、玩、影四大願望，而家即刻帶大家觀摩下先啦！
第一站
必影打卡熱點：「櫻の鐵道駅」+ 站長基路仔
充滿少女感嘅「櫻の鐵道駅」大型立體場景佈置，以浪漫粉紅櫻花作主調，而首 度曝光嘅身穿校服嘅基路仔亦擔崗站長職務，聯同多位主角亦已經各就各位，與 一眾粉絲們影合照！站內處處都加入咗百變小櫻魔法陣標誌，記得發掘埋佢哋出 嚟喇！
醒目精靈嘅基路仔喺候車站等緊大家嚟同佢打卡喇！
足有 3 米高嘅小櫻電車已經停泊喺「櫻の鐵道駅」，而着住校服嘅基路仔更加係首度曝光，梗係要捕獲晒6隻先夠滿足啦～
第二站
必買限定店精品：香港限定首度發售商品
打完卡後就到掃貨時間！今次最觸目商品一定係4款首次喺香港發售嘅木製基路仔、水晶球音樂盒、三用背包同埋香水喇！亦有多款限量同日本直送嘅皮革徽章同埋散字包等多款實用又精美嘅商品，好似魔法陣圖案鏡盒、精緻玻璃茶壼同埋抱枕等，都一樣靚到唔捨得用呀！
粉紅及粉黃色嘅三用背包($320)繡上基路仔同小櫻蝴蝶結標誌，少女味滿瀉；木 製基路仔($2,000)手工精細，證書有特別號碼，好有紀念價值！而印有魔法陣圖案嘅香水($260/50ml)香氣清新，噴幾下就一整日都維持咁fresh嘅狀態！
要買齊咁多款限定商品，就要到「櫻の鐵道駅」期間限定店，小狼仲會陪你掃貨！
第三站
必食人氣甜品：蜂蜜蛋糕+馬卡龍
行到攰攰哋，就要嚟「櫻の甜品店」chill一下！香甜綿密嘅蜂蜜蛋糕同印有唔同圖案嘅馬卡龍，為粉絲們滿足視覺與味蕾！
蜂蜜蛋糕口感香甜細綿，清新鬆軟(細$80、大$120)；三個系列嘅馬卡龍都用上粉紅粉紫色色調，未食都已經feel到浪漫滿分($150/3件裝)。
第四站
必玩抓抓樂：贏取百變小櫻禮品
掃完貨記得唔好走住，只要你喺「櫻の鐵道駅」期間限定店或皇室堡任何商戶以電字貨幣消費滿指定金額，或WINDSOR CLUB會員憑指定積分，即可換領『「櫻」の力量抓抓樂』遊戲代幣及同埋皇室堡商戶現金券，贏埋百變小櫻禮品、主題路跑入場券及商戶現金券。
換領代幣後就可以嚟『「櫻」の力量抓抓樂』考驗下你嘅技術，禮品包括限量版40cm基路仔或百變小櫻公仔、基路仔鎖匙扣、Cardcaptor Sakura Clear Card Run主題路跑入場券同埋皇室堡商戶現金券，夠晒豐富！
換領方法：
⦁ 消費滿HK$500或WINDSOR CLUB會員憑5,000積分可換取
「『櫻』之力量抓抓樂」遊戲代幣1枚及DermaElements HK$100禮券1張 (適用於Shop 108 Bb LABORATORIES) (名額：共 900份)
⦁ 消費滿HK$800或WINDSOR CLUB會員憑8,000積分可換取
「『櫻』之力量抓抓樂」遊戲代幣2枚及百田園遊HK$100現金券2張 (名額：共400份)
皇室堡 X 百變小櫻Clear咭「櫻の鐵道駅」
日期：即日起至10月31日
時間：中午12時至晚上9時
地點：皇室堡地下中庭
活動詳情及條款：https://bit.ly/3z5tUYo
*資料由客戶提供
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】CheckCheckCin原箱蜜桃紙包米水！↓
↓ 助您補益氣血、養陰生津！↓
↓【限時搶⚡】KAGOME升級版「野菜生活100」體驗套裝！↓
↓ 蔬菜量Up、味道Fruity，輕鬆攝取蔬菜營養！↓
