【#聖誕2021】一家大細Learncation！學住玩 整蛋糕做燈箱全家玩轉聖誕
呢個聖誕淨係staycation對小朋友嚟講好似無乜意思，如果可以有得玩有得學咁就啱晒一家大細啦~YMCA青年會專業書院最近聯乘咗灣景酒店及城景國際酒店，大搞養份十足嘅Learncation聖誕活動，參加者可以選擇一日或兩日一夜行程，除咗能夠品嚐豐富嘅聖誕自助大餐外，仲可以走入青年會專業書院嘅專業課室，學習製作蛋糕或聖誕燈箱，有得玩有得食仲有嘢學，大人細路都唔會悶~即刻睇吓有乜玩啦~
Check Point 1：走入專業教室 學整可麗露/聖誕小燈箱/e-card或相簿
既然YMCA青年會專業書院係一間專業學院，梗係要嚟學返門手藝啦~今次Learncation其中一項節目，就係由佢哋嘅專業導師教大家整可麗露同聖誕小燈箱喇！被譽為｢天使之鈴｣嘅可麗露外脆內軟，外層覆蓋住香氣迫人嘅焦糖，令人一試難忘！而聖誕小燈箱實用精緻，帶有濃厚藝術氣息，小朋友們一定好鐘意！
參加者可以喺呢個咁專業嘅廚房學習整法式甜品可麗露，絕對係一次難得嘅經驗。
活動其中一項係教大家點整呢款咁精緻嘅聖誕小燈箱，帶佢返屋企夠晒氣氛。
朝早整完可麗露蛋糕影咗咁多靚相點好呢？學院下午安排咗時段，帶大家入嚟電腦室，教參加者點樣製作聖誕e-card或相簿，將難忘回憶化成紀錄。
Check Point 2：享受豐盛美饌
3款行程分別包含咗聖誕自助早餐、午餐或晚餐，而且安排都唔錯，參加一日行程嘅朋友朝早整完可麗露後，中午就可以到鄰近嘅城景酒店享用自助午餐；而2日1夜嘅朋友就可以玩完再食自助晚餐，而城景及灣景酒店嘅自助餐一向都好有水準，無論係冷盤嘅生蠔龍蝦、抑或熱葷甜品，都贏盡口碑，能夠喺聖誕期間享受盛宴，給家人一份味覺幸福，係呢個聖誕節最佳節目之一。
自助晚餐菜式豐盛，回本菜必食海鮮冷盤及刺身系列，龍蝦、蟹、生蠔都係不容錯過！
Check Point 3：營造旅行小確幸
雖然無得離港旅行，但去酒店嘆番晚都可以營造旅行感，不失為一份小確幸！今次Learncation聯乘酒店分別有灣景酒店及城景國際酒店，無論你鍾情九龍抑或港島區，都貼心地為你安排得到。
城景國際房間時尚新派，舒適開揚。
3款行程 配合不同需要
今次青會會專業書院同灣景國際酒店及城景國際酒店合辦嘅聖誕活動，分別有3款行程，快啲睇吓邊日邊款啱你玩啦~
1日行程：
費用包括：可麗露蛋糕製作、聖誕e咭或e相簿製作、城景國際自助午餐
價格：成人$650/位
11歲或以下小童$550/位(每位小童獲贈精美聖誕禮品包一份)
2日1夜行程：
費用包括：可麗露蛋糕製作、城景國際自助早餐及晚餐
價格：成人$1,100/位
11歲或以下小童$800/位(每位小童獲贈精美聖誕禮品包一份)
2日1夜行程：
費用包括：聖誕小燈箱製作、灣景國際自助早餐及晚餐
價格：成人$1,300/位
11歲或以下小童$800/位(每位小童獲贈精美聖誕禮品包一份)
報名及查詢：2783 3508
Whatsapp：6874 7591
資料由客戶提供
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
🚨【U Community研學室正式上線！】🚨
>🌟免費下載幼稚園/小學工作紙x試題<
↓ 【U Jetso🎁】免費荷花夏季BB展2026電子門票🍼 ↓
↓ 爸媽掃貨大好時機✨熱門嬰幼兒用品及優惠低至1折🛍️ ↓
U GO 本週好去處
