【周大福金虎趣緻獻瑞 迪士尼系列賀年首飾可愛登場】
想令摯親好友喺新一年笑口常開，揀份滿載祝福嘅禮物氹吓對方，為佢喺虎年加加油，都係一個唔錯嘅開年方法。每年都會推出生肖金飾嘅周大福，今年將可愛活潑嘅老虎仔變身成吉祥福虎，甜美笑容加上精靈姿態，無論送禮或珍藏都好適合。另外，深受歡迎嘅｢迪士尼經典｣系列同｢迪士尼Tsum Tsum｣系列亦再度回歸，今年設計同樣非常有心思，即刻睇吓邊款得你歡心啦～
幸運小物―周大福虎年生肖足金吊墜+串飾
多款勁可愛嘅金虎吊墜同串飾造型討喜之餘結合美好寓意，仲可以隨住心情同造型mix & match手繩或頸鍊，每日戴住呢啲幸運小物喺身，自然將祝福常伴對方～
(左) ｢Super Tiger｣足金吊墜 $1,700
圓潤萌爆嘅金虎寶寶化身超人，寓意新一年如虎添翼，勇於接受每個挑戰！
(中) ｢桃花朵朵｣足金吊墜 $1,300
精靈可愛嘅小金虎送上靚靚桃花，同大家一齊迎接好姻緣。
(右) ｢皇者風範｣足金吊墜 $1,700
雙眼烔烔有神嘅小金虎手執權杖，戴上皇冠夠晒威武，最啱送俾男生做新年禮物，祝福對方再創高峰！
(左一) ｢幸運虎｣足金串飾連手繩 $1,500
幸運金虎配上四葉草造型，代表希望、信心、人緣同運氣。
(左二) ｢富貴虎｣足金串飾連手繩 $1,800
代表福祿嘅葫蘆刻上吉祥金虎，戴後定必｢福｣星報喜、｢祿祿｣無窮，好運自然來。
(右二) ｢皇帝虎｣足金串飾連手繩 $1,200
戴上小皇冠嘅金虎活潑精靈，設計充滿童心，為大家時刻帶來鼓舞。
(右一) ｢大貓王子｣足金串飾連手繩 $1,500
笑臉迎人嘅金虎滿載平安喜樂，洋溢幸福之情，祝願各位笑口常開。
愛的傳承―周大福足金嬰兒首飾+手鍊
對於小朋友，我哋最希望佢哋能夠平安愉快、健康成長，周大福虎年足金嬰兒首飾正正代表住長輩嘅心意，亦係愛的傳承。
(左上) ｢吉祥安康｣足金嬰兒鎖包 約0.15両
如意造型嬰兒鎖包陪同長輩守護孩子一生平安，係別具意義嘅新年禮物，送俾初生嬰兒就最啱。
(中上) ｢滿天星｣足金嬰兒鎖包 約0.1両
小金虎施展魔法，每位收到鎖包嘅小朋友，同時收到多如繁星嘅小幸運，so sweet！
(右上) ｢吉祥如意｣足金嬰兒手鐲 約0.2両
象徵無私呵護嘅如意手鐲，係每位長輩祝願寶寶健康成長嘅印證。
(下) ｢皇冠星星虎｣足金手鍊 約0.16両
甜蜜蜜嘅小金虎將星星幻化成願望，送到每位佩戴者手上，祝願各人夢想成真。
真摯祝福―周大福虎年生肖足金擺件
吉祥福虎以生動造型化身成手工精細嘅足金擺件，無論送俾親朋好友定擺放屋企粉飾家居，都為你同摯愛送上最生龍活虎嘅窩心祝福！
(左) ｢年年有餘｣足金擺件 約0.3両起
坐上躍動錦鯉嘅活力金虎，豎起拇指派like，祝各位學業、事業都魚躍龍門！
(右) ｢富甲天下｣足金擺件 約0.15両起
想財源滾滾來，買返件手執｢富甲天下｣揮春、捧住金元寶嘅金虎迎財神，自然財運福星皆亨通。
可愛爆燈―周大福｢迪士尼經典｣系列金章+｢迪士尼Tsum Tsum｣系列串飾
迪士尼系列嘅首飾一直深受大眾歡迎，今年賀年金飾設計更別具意義，一於同粉絲齊齊喜迎虎年，令收藏價值倍升！
周大福｢迪士尼經典｣系列｢米奇｣虎年金章套裝 $380
兩面都有｢米奇｣頭像嘅金章，以威猛金虎同傳統祥雲圖案點綴；加埋如意結同｢米奇｣流蘇配飾包裝，象徵吉祥如意，迪士尼粉絲一定愛不釋手！
(左) 周大福｢迪士尼Tsum Tsum｣系列｢米妮｣虎年足金串飾連手繩 $2,400
葫蘆型｢米妮｣串飾猶如不倒翁，鼓勵大家任何時候都屹立不倒！
(中) 周大福｢迪士尼Tsum Tsum｣系列｢米妮｣虎年足金串飾連手繩 $2,400
虎年吉祥物造型嘅｢米妮｣串飾，充滿童趣。
(右) 周大福｢迪士尼Tsum Tsum｣系列｢福｣達摩｢跳跳虎｣足金串飾連手繩 $2,400
踏入虎年，點少得｢跳跳虎｣｢福｣達摩造型串飾，趣緻度滿分。
同場加映：周大福｢迪士尼與彼思｣《反斗奇兵》系列｢勞蘇｣首飾
全身散發香甜草莓味嘅《反斗奇兵》人氣角色｢勞蘇｣首飾，首度登陸周大福，足金配桃紅色燒青，大愛！而加買｢勞蘇｣首飾更可以得到精美木製首飾盒，唔買真係對唔住自己呀～
(左上) 周大福｢迪士尼與彼思｣《反斗奇兵》系列｢勞蘇｣足金串飾連手繩 $3,000
(右上) 周大福｢迪士尼與彼思｣《反斗奇兵》系列｢勞蘇｣足金吊墜 $2,300
(左下) 周大福｢迪士尼與彼思｣《反斗奇兵》系列｢勞蘇｣足金串飾連手繩 $2,000
(右下) 周大福｢迪士尼與彼思｣《反斗奇兵》系列｢勞蘇｣足金串飾連手繩 $2,400
更多周大福虎年生肖金飾：https://bit.ly/3txVi1X
Info by CHOW TAI FOOK
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活限時優惠情報
Ian陳卓賢忠粉鑑定所🎤
即刻挑戰🏆！測試您對Ian嘅了解程度🌟
↓【限時搶⚡】雙效抗敏牙膏↓
↓減輕酸軟不適、減少牙齦出血↓
U GO 本週好去處
