MIRROR演唱會2022｜10大Q&A搶飛前要睇！公售同粉絲場分開搶/最多買幾多張？入場要出示身分證？
本地人氣男團MIRROR 12子將於7月25日起在紅館開騷舉行10場《FWD 富衛保險呈戲：MIRROR WE ARE Live Concert 2022》演唱會，門票分為$1280、$880和$480。官方早前宣布公開發售門票將採取實名制購票，MIRROR官方專頁今日亦公布購票詳情，各位MIRO買飛前要睇清楚！
《FWD 富衛保險呈戲：MIRROR WE ARE Live Concert 2022》演唱會門票明日（31日）正式公開發售，大會今日公布購票詳情，粉絲們搶飛前記得睇睇！
►App《U TV》專區超過50個自家製節目任睇
1. 實名制買飛，如果我買兩張，係唔係都係打一個名就可以？
唔係，記得一定要打演唱會出席人附有相嘅身分證明文件上英文全名！即係如果身分證明文件上你叫 Chan Tai Man，你同行朋友叫 Chan Siu Ming Peter，你就要喺買飛嗰陣，分別入哂呢兩個名，仲要小心唔好打錯呀！
2. 實名制買飛嗰陣，要同時入埋身分證號碼 / 上載 HKID 嗎？
唔洗，喺入場個陣，場地職員會要求入場人士出示附有相片嘅有效香港身份證或旅遊證件核對英文全名。提提你，如果當日出示唔到與相關身份證明文件相符嘅持票人士係唔可以入場，同時演唱會飛 ＋ 手續費係唔會退款的。
3. 我可以將我買到嘅演唱會飛，轉讓俾我朋友又或者轉第二場嗎？
唔可以，所有演唱會飛都唔可以轉讓、唔可以轉場次 ，唔可以更改持票人姓名。
4.演唱會幾歲先可以入場睇？
今次演唱會要6歲或以上先可以入場，詳情可以睇公開發售門票實名制須知，入場須知及重要啓事：https://bit.ly/3z3dyTv
5. 我有資格買MIRO 特別場演唱會飛嗎？
只要你已成功註冊成為MIRO會員，喺之前《 MIRO獨家專享「FWD 富衛保險呈獻 MIRROR.WE.ARE LIVE CONCERT 2022」門票網上抽籤認購活動 》中 #無中籤，同埋喺 6月1至6號成功登記 參加《 MIRO特別場門票登記購買活動》，就可以喺6月10號以先到先得形式購買，數量有限，售完即止。
6. 5月31日公開發售日，我可以買幾多張飛？
每人每次可以買最多兩張實名制演唱會飛！而 6月10日MIRO特別場開售，每位合資格嘅 MIRO只可以購買一次，最多兩張實名制演唱會飛！
7. 如果我喺5月31日公售成功買到任何一場演唱會飛，我可以再登記參加《 MIRO特別場門票登記購買活動》嗎？
如果你係符合第五條 Q&A 中所講嘅3樣條件，你可以再登記並喺6 月10日以先到先得形式買飛，數量有限，售完即止。
8. MIRO 特別場同行出席者要係 MIRO 嗎？
每位合資格MIRO只限購買演唱會MIRO特別場演唱會飛一次，每位MIRO 購買最多兩張，需在Cityline 指定網站 (https://mirofans.cityline.com) 輸入 MIRO會員號碼同MIRO登記電郵地址認證身份。記得買嘅時候，打返演唱會出席人附有相片嘅身分證明文件上英文全名作實名制之用。 同行友人毋須一定為 MIRO。你可以約 MIRO 一齊去，又或者帶你嘅家人或朋友去！
9. 演唱會當日，要幾點到紅館核對身份？
如果係7月25至31日及8月2至4日場次，建議大家下晝6:30pm到達，而8月5至6日場次，則下晝4:30pm 到達現場，並依照工作人員指示，核對身份。主辦機構會為所有被核對身份後嘅持票人士加上記認， 演唱會開始前，可以再次記認及同你門票入場。
10. 如果我需要購買輪椅人士座位，有特別留意嘅地方嗎？
入咗購買頁面後，有一個步驟係申請換取輪椅人士席 / 看顧人入座券，剔咗個一個格仔，就可以落去第二個步驟，揀票價同數量。
日期：2022年7月25至31日、8月2至6日
時間：晚上8時15分
地點：香港體育館
票價：HK$1280 / HK$880 / HK$480
來源：FB@MIRROR
活動資訊
- 地址 香港體育館
- 人均消費$800以上
-
深圳攻略
深圳必試💯 | 口味多到眼花撩亂🤤
深圳嘅bagel界話晒都要提一提呢間出名嘅Begl 🥯💛 口味選擇超多,每個都想試~bagel本身幾有咬口,好滿足! 我自己最鍾意嘅係蒜蓉奶油bagel🧄+藍莓芝士忌廉bagel🫐🧀,一鹹一甜,完美平衡😋 #深圳美食#Begl#bagellover#深圳打卡#社群共創攻略#深圳cafe推介#深圳美食#深圳攻略#UCreator#深圳探店#深圳打卡#深圳新店
閱讀更多
-
深圳攻略
華發冰雪世界
深圳冰雪體驗｜入門必試❄️👍
最近去咗深圳華發冰雪世界玩🎿~ 對於未試過滑雪､但又想知自己係咪真係鍾意嘅人嚟講,呢個地方真係一個幾低成本嘅選擇👍🏻 初學者建議可以上教練堂,或者搵個識滑雪嘅朋友帶你,學返啱嘅姿勢會安全又事半功倍｡ 對新手嚟講,成個體驗都幾有趣,玩完仲會有少少上癮😆❄️ #深圳攻略#UCreator#深圳探店#深圳打卡#社群共創攻略
閱讀更多
-
香港攻略
美麗華廣場
🌟霸王茶姬入駐美麗華！😍
🥤霸王茶姬(CHAGEE)已正式進駐尖沙咀美麗華廣場一期🫶🏻 飲品介紹推介👍🏻其熱門產品｢白霧紅塵｣是該店推薦的必飲款式之一｡ ｢白霧紅塵｣屬於大紅袍系列的原葉鮮奶茶,深受喜愛濃郁茶味的朋友歡迎｡ 🫖茶底特色:選用武夷大紅袍(大紅袍水仙)作為茶底,具有鮮明的炭焙火香與岩韻,口感醇厚綿長｡ ☕️口感表現:牛乳與茶湯平衡感佳,質地如絲絨般滑順,帶有內斂而持久的花香｡ 若覺得招牌｢伯牙絕弦｣味道較淡,此款是重茶味的首選｡ 📍地址:尖沙咀美麗華廣場一期地下 G31 號舖 營業時間:星期一至日 10:00 - 22:00 開業狀態:該店於 2026 年 2 月 13 日開始試業,並於 3 月正式開業｡ 🙌🏻線上點餐:可透過 CHAGEE HK 官方小程序 或 APP 預先下單以節省排隊時間｡ 新店優惠:新用戶註冊會員通常可獲贈新人禮券包(如指定飲品代金券或折扣👍🏻 #尖沙咀#白霧紅塵#霸王茶姬{{hket:campaign display="去新酒店staycation"}}{{/hket:campaign}}
閱讀更多
港生活人氣好去處
↓【😋免費請您食餐飯！】↓
Oliver’s Super Sandwiches全新夏日餐單☀️
↓【限時搶⚡】Mars GAIA超級植物蛋白套裝↓
↓純素、零乳糖，低卡無負擔↓
搵好去處