錦上路好去處 | 直擊6000呎香港唯一戶外弓道場靖思堂！神還原日本場景/一日體驗班/8大技巧
位於元朗錦上路的戶外弓道場——靖思堂，由兩位創辦人大卡（Caman）和細卡（Carman）自資開設，佔地約6000呎，環境神還原日本傳統道場風格，是全香港唯一擁有標準五射立及28米矢道制式的戶外弓道場，目前提供一日體驗班和入門課程，適合週末及鍾情慢活感覺的朋友，到場親身體驗！
日本弓道是什麼？與西洋射擊大不同！
想試玩弓道，就必須先認清弓道與西洋射擊有何分別！兩者差別在於西洋射擊以競技為主，而弓道作為日本傳統武術雖然也有競技和比賽，但實質對練習者而言，它是一種心靈上的修行。弓道最大目標為追求「真善美」而並非百發百中，透過每一個細節動作及禮儀，來讓自己平靜、安定而反思，以箭認清内心。
打麻雀講牌品！弓道亦講求「射以觀德」！
好多人講打麻雀可以睇清一個人性格，然而原來弓道亦能透過射箭動作，知道個人性格特質！弓道講求「射以觀德」，觀察練習者射型能反映性格，Carman表示：「急躁的人走路都特別的急，當然懶散的人有些動作，你能看見他是『偷雞』做的。修煉弓道，並不是做給別人看，而是做給自己看，目的是以箭體現和認清自己。」
靖思堂一日體驗班有咩玩？
這裡設有入門課程和一日體驗班，前者為恆常課程、每週上課，並需額外購買道著（練習弓道之日式衣服），而後者會不定期開放公眾報名參與體驗日，大家可穿著輕便衣服到場，靖思堂則不設道著體驗，主要期望透過專業課程讓大家專注了解弓道基本概念。而今次記者則帶大家試玩一日體驗班，內容如下：
1.指導者親身示範射箭
2.學員們熱身並使用橡筋及空弓模擬練習，感受拉力
3.於「的前」位置（靶前試射區）的試射體驗（共2箭），體驗「射箭」基本動作8個程序，稱之為「射法八節」。順序為「足踏み」（あしぶみ）、「胴造り（どうづくり）」、「弓構え」（ゆがまえ）、「打起し」（うちおこし）、「引分け」（ひきわけ）、「会」（かい）、「離れ」及「残心/殘身」（ざんしん）。
即刻睇睇片段啦！
弓道段位制度是什麼？
弓道段位制度分成初段至十段，並需由全日本弓道聯盟認可。Carman說道：「無論初段至八段，我們去審查的整體表現及流程，其實是一摸一樣的，所以衡量的重點在於行、坐、站、跪的動作是否做的好，繼而到三段及四段，才會講射箭是否能中靶等。」
日本弓道審查有機會到海外或香港舉辦嗎？
由「全日本弓道連盟」及「國際弓道連盟」所主辦的弓道審查主要於日本國內舉行，歷年來的審查大會都吸引全球至少600人到場參與，過去亦有開放海外地區作審查場地，如台灣及紐西蘭，因此當地交通、場地租金等問題都是舉辦審查大會的重要考量。未來亦會有機會於香港進行，不過就要視乎場地安排或普及化程度。
香港弓道歷史發展十週年！望大眾更認識弓道文化！
香港弓道歷史發展原來今年剛好踏入十週年，Carman希望未來有更多人能認識弓道，「一般講茶道，大家可能大約知道茶道是一種很慢的事，反而我講弓道，大眾想法就是穿道著然後射箭，所以希望至少知道學弓道是一門很慢的修煉，至少回答到這點已經很好。希望與劍道、茶道、空手道那類一樣，大家有概念知道在學什麽。」
7年前因動漫認識弓道！從而體現感動！
一門興趣要堅持超過7年以上，實在是不容易的任務，而Carman表示，當初認識弓道，全因動漫《浪客劍心》、《犬夜叉》等作品。後來有機會到香港弓道協會參觀時，看到前輩練習射箭的姿態，頓時有種講不出的雀躍感。到後來有機會踏足日本前往弓道審查大會，更加是另一種激動，她說：「看到他們有十條箭道的場地，那種空曠感和神聖感，是不可言喻的感動！」
好天曬落雨淋！全自資經營困難重重！
談到創立靖思堂的困難，現有正職的Carman言：「為道場可是將自己荷包榨到盡！」她說香港弓道協會過去因參與人數日益增加，場地呈飽和狀態，因而鼓勵弓道經驗者可以嘗試開新場地，於是她就與另一創辦人全自資開場，但場地卻成一大難題，她們甚至找了二十至三十個場地，皆因能容納到做「舉弓」動作的樓底真的少之又少。
最後選址戶外空間，從兩個休息室、木地板、遮蔭上蓋等，都是慢慢存錢添置，後來又多了練習者落手落腳去支援，漸漸才能為場地增添安全保護等設施。「希望道場越來越美，越接近日本的練習環境，將日本的那種感動帶到香港！」
網址：>>按此<<
地址：元朗錦上路強昇花園內
交通：
64K 大埔墟站→錦上路西鐵站，轉乘小巴/步行
77K 上水→ 錦上路西鐵站，轉乘小巴/步行
251B 八鄉路（大欖轉車站）→ 錦河路港鐵八鄉維修中心，再步行
費用 ：
弓道體驗班：HK$350/一堂 ( 報名時請留意名額，如10人或以上的人同行，需團體預約 )
弓道入門班：HK$950/四堂
初班/ 指導班/ 一般練習月費：HK$950/ 月
週六/ 週日練習月費：HK$500/ 月
*另附加「香港弓道協會」會員年費：HK$140
時段：
弓道入門班 - 週六 或 週日 09:00 - 11:00
初班/ 指導班 [橡筋、素引、巻藁]
週六 及 週日 第一節11:00 - 13:00 第二節14:00 - 16:00
週六/ 週日練習 [的前] 16:00 - 18:00
電話：9723 6550
活動資訊
- 地址 元朗錦上路強昇花園內
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
港生活人氣好去處
↓【✨送您Poled HK消毒機/涼感墊✨】↓
>簡單登記領取<
Ian陳卓賢忠粉鑑定所🎤
即刻挑戰🏆！測試您對Ian嘅了解程度🌟
U GO 本週好去處
