期間限定!中環街市食買玩 仲有限量扭蛋+大抽獎!

2022.07.28

熱浪直捲暑假,戶外活動都要暫停一下!要舒舒服服食買玩,就要嚟中環街市《GASHAPON PLUS扭蛋夏令營》啦!由中環街市及BANDAI合作,引入超過200部最新型號嘅扭蛋機,除咗首次喺香港登場嘅人氣動畫「鬼滅之刃」、「東京復仇者」、「寶可夢」扭蛋外,更分有「動物露營主題區」及「海賊王主題區」等,夠晒IG-able!仲有專門扭出平面商品、首次衝出日本嘅FLAT GASHAPON扭蛋及工作坊畀大家玩,仲有超過5個限定優惠比埋大家,即刻睇吓有咩啱食啱買啱玩啦!

五大主題區 全新扭蛋首次登場

今次夏令營分咗五大主題區,嚟到中環街市時,建議大家先到地下OASIS嘅「動物露營主題區」,喺帳篷營火及各式可愛動物扭蛋陪伴下,首試於市區露營!仲有5呎高嘅北極熊同4呎高貓貓立像一齊玩,梗係要同呢班得意動物selfie至得啦。

跟住再到《海賊王》主題區,潮拜由尾田栄一郎設計嘅「惡魔果實第一海戰」打卡位,路飛同惡魔果實都會登場同粉絲們見面!今次活動會分兩個階段展示全新扭蛋,首階段推出第1-3彈,中段則會更新加入首次展出嘅第4-5彈,記得唔好錯過!

另個重點推介就係2樓「FLAT GASHAPON專區」喇!今次BANDAI將4月先喺日本推出嘅FLAT GASHAPON引入香港,呢個專門扭出平面商品如小海報、文件夾等,都同一般立體扭蛋精品好唔同,勁有個人風格同特色!FLAT GASHAPON仲會帶嚟《鬼滅之刃》、東京復仇者、精靈寶可夢嘅平面商品,值得珍藏!仲有一系列造型精緻嘅Premium Gashapon高單價扭蛋,好多動漫人氣角色都可以喺度搵得到!

平面扭蛋機FLAT GASHAPON首次登陸香港,扭蛋扭得多,扭file/海報你又試過未?

玩晒地下OASIS後,就要上一樓嘅扭蛋主題限定店喇!喺呢度你會搵到好多熟悉嘅經典動畫及卡通人物,好似「蠟筆小新」、「角落小夥伴」、「美少女戰士」、「迪士尼公主及「百變小櫻」等,都係目標收藏之一,造型手工亦好精緻,扭到邊個就睇緣份喇!

 

中環街市會員限定 飲食消費享優惠

只要你係中環街市嘅會員,喺指定商戶以即日電子貨幣單一消費滿指定金額,就可以獲得指定現金券乙張,滿$100送$50、滿$200送$100,未係會員嘅就要快手登記喇!會員於1/F禮賓處向職員出示電子會員卡,更可領取GASHAPON印章收集卡乙張,只要儲齊唔同展區4個GASHAPON印章,就可以換領限量GASHAPON襟章乙個;讚好/追蹤中環街市FACEBOOK或INSTAGRAM更可獲中環街市口罩乙盒(一盒10個),唔好錯過喇!由即日起,新會員登記仲送你中環街市型格牛仔布袋乙個!

只要即日於指定/美食戶以電子貨幣單一消費,就可以得指定現金券乙張!

活動期間憑3張扭蛋內附小冊子即可換領GASHAPON熊仔襟章,憑5張扭蛋內附小冊子即可獲得GASHAPON環保袋!數量有限,換完即止。

買完食完記得玩埋大抽獎!由即日起至9月4日,「中環街市」會員於中環街市以電子貨幣單一消費每滿$300,即可參加「賞你中」夏日大抽獎1次,有機會贏取逾$8,000嘅豐富獎品,包括HUAWEI FreeBuds Pro耳機、HUAWEI MatePad Pro 12.6”平板電腦、HUAWEI MatePad Pro 10.8”手提電腦等!買多啲中獎機會又多啲!

活動受條款與細則約束。推廣生意的競賽牌照號碼:55891

除此之外,中環街市更有多個商戶提供優惠畀大家,咁就可以喺度吃喝玩樂盡情玩啦!

 

玩埋免費工作坊 兼攞走餐飲優惠

除咗玩盡五區扭蛋外,展區內更設「扭蛋盆栽擺設工作坊」,喺由中環街市與非牟利機構 iFlorist愛火花合作,於假日期間開設扭蛋盆栽擺設工作坊及繪畫工作坊,目的係將中環街市與6green 綠在上環,喺活動期間回收嘅紙類、塑膠類甚至係扭蛋殼等循環再用,等大家既可了解可持續發展嘅重要性、亦可創作獨一無二的扭蛋盆栽,賦予扭蛋殼第二個生命。

「扭蛋盆栽擺設工作坊」活動詳情:
日期:即日起至8月14日(逢星期六、日,共八節)
時間:下午2時至3時正
名額:每場8人
地點:中環街市G/F Oasis
報名方法:即日起,於中環街市手機App以1,000積分登記(名額數量有限,先到先得)

《GASHAPON PLUS扭蛋夏令營》今次亦有好多優惠帶畀大家,凡於中環街市消費滿$100並帶同扭蛋殼,即可到 iFlorist愛火花中環街市門市(二樓P06B號舖),換取以扭蛋殼製成、載有幼苗或種子的小盆裁。數量有限,換完即止。而Chart Coffee(二樓218號舖)會提供咖啡渣供客人自助領取。大家可隨意將咖啡渣及扭蛋殼組合成除臭包,不但能夠驅除蚊蟲,亦可當作肥料栽種植物!

 

《GASHAPON PLUS 扭蛋夏令營》活動詳情:
地點:中環街市
日期:即日起至8月17日
時間:早上10時 至 晚上10時

*扭蛋機只接受以八達通卡付款

 

資料由客戶提供

 

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】請您同毛孩免費住酒店!↓

↓立即分享寵物照片 贏走獎品!↓

↓立即分享寵物照片 贏走獎品!↓

↓正嘢!《社群》專區登錄App↓

↓必睇人氣生活+美食主題深度關注組↓

 ↓必睇人氣生活+美食主題深度關注組↓

評語

相關文章