跟住啤啤四圍遊GO！ 親子探索機電世界與啤啤打卡
小朋友最鍾意問「點解」，「點解有啲路軌上面會鋪滿石仔？」、「點解過山車上斜時總會聽到咔咔聲？」，呢啲問題連成年人都未必識答，但其實同我哋嘅日常生活息息相關㗎！機電工程署特別派出「機智啤啤」同「智析寶寶」兩位親善大使，齊齊坐上流動宣傳車「機智生活體驗館」，去到全港各區同大家大玩融合創新科技嘅互動遊戲，搵出呢啲冷知識嘅答案之餘仲有紀念品送，即刻睇吓有乜玩啦~
唔講未必知 「啤啤」陪你揭謎題
要揭開以上謎題，就要搵「機智啤啤」同「智析寶寶」喇！同佢哋一齊登上「機智生活體驗館」，就會知道原來路軌上嘅碎石係用嚟承托道床軌道、減少燥音同排水等；而為左令過山車安全上斜，列車底嘅金屬齒條會卡住路軌上齒狀嘅「防止溜後裝置」以防止倒溜，所以我哋會聽到咔咔聲，呢啲機電冷知識都可以喺機電工程署首架流動宣傳車「機智生活體驗館」度搵到答案。而「啤啤」和「寶寶」更會化身「導覽員」，陪大家一齊探索機電世界，爹哋媽咪都可以一齊玩㗎！
「機智啤啤」將會現身同大家見面打卡，小朋友一定開心！
今次活動主要係透過圍繞生活上嘅有趣冷知識，以融合科技嘅互動遊戲，引起小朋友對機電知識嘅興趣。
玩遊戲攞禮物 小學生話FUN
「機智生活體驗館」今次任務主要透過與日常生活相關嘅題材，推廣機電安全、能源效益及創新科技相關嘅資訊，絕對益智又富教育意義。為咗令大家更投入，機電工程署更設計咗唔同嘅互動遊戲，畀大家了解多啲機電小知識同節能減碳小貼士等。「機智生活體驗館」早前已率先走入香港聖公會轄下6間小學作為校園教育嘅試點，同學仔都玩得好開心呀！嚟緊7月30日開始 (每個周末)，「機智生活體驗館」都會去到唔同地區同大家見面，到時仲會大派精美紀念品，一於去帶「啤啤」「寶寶」返屋企啦！
想知嚟緊佢哋嘅行程同啤啤最新動向，就要follow「機智啤啤Witty Bear」fb 及Ig 專頁(@emsdwittybear)喇！
車上有唔同嘅任務畀大家玩，其中一個就係同啤啤、寶寶自製WhatsApp Sticker，咁獨一無二嘅設計，整完梗係要send出去畀朋友啦！
玩完遊戲，仲可以得到啤啤同寶寶嘅精美紀念品，好似消毒搓手液、公仔等全部都好得意，記得帶佢哋返屋企呀~
「機智生活體驗館」早前率先走入香港聖公會6間小學作校園教育試點，無論小朋友定老師，都覺得好有意義，仲可以提升同學仔對機電知識嘅興趣。
另外啤啤同寶寶嘅主題巴士「跟住啤啤四圍遊GO!」亦已正式出發，大家會喺港島區同九龍區見到佢，如果有幸野生捕獲，記得即刻拎起電話打卡喇！
資料由客戶提供
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣好去處
↓【送禮】七海健絡康復草天然減痛膏500支↓
↓【限時搶⚡】七海健絡康復草天然減痛膏↓
↓減輕急性疼痛、腫脹↓
U GO 本週好去處
