湯令山 Gareth.T「More like your soulmate」一夜限定網上音樂會

文: a.Ki

2022.09.02

近年香港音樂重新觸動到大家嘅心，樂壇百花齊放，一眾備受追捧嘅新歌手和組合先後打破疫情咀咒輪流開演唱會，先後在軒公張敬軒同Tyson Yoshi演唱會擔任嘉賓嘅湯令山Gareth.T 嚟緊開show喇！

呢位樂壇新力軍殊不簡單，同蘇永康撞樣只不過係花紙，Gareth.T自小接觸不同類型音樂如Hip-hop、R&B，令佢愈來愈對音樂創作更有興趣，仲遠赴美國修讀音樂，未到20歲已打好音樂基礎，搵到屬於自己的曲風與風格。

今次Gareth.T首次擔正，由DBS x Gareth.T 舉辦一晚限定「More like your soulmate」網上音樂會，將會係9月7日晚上8點DBSHK及KKday Facebook網上直播，而且免費㗎！DBS睇中Gareth.T不斷勇於追求突破創新、時刻比別人行得更遠更前嘅精神，同DBS新campaign「Be A Different Kind of Bank」如出一轍，所以一拍即合齊齊搞騷，而今次網上演唱會嘅選曲、演出到舞台設計，都會展現DBS同Gareth.T與別不同嘅一面，用音樂演繹「超越」嘅態度。

聽過佢親自唱作嘅歌，會發現曲風同唱腔在香港樂壇實屬少有，出道首支單曲〈boyfriend material〉以一身毛茸茸造型拍攝復MV，曲風upbeat又搶耳嘅R&B，配上ABC腔唱出對女友表白嘅歌詞，立即搶佔年輕世代嘅playlist，至今YouTube點播已超過2百萬次！到今年初推出由Wyman填詞嘅〈勁浪漫超溫馨〉，有更貼地嘅歌詞，同樣係冧到爆嘅情歌，加上又玩復古嘅MV，相信大家唔記得「唔使懶高級唔使碌黑卡床鋪碌一日同樣覺得 high If that's all we have」，都必定記得「銀行存款等如零窮鬼點談情」嘅歌詞同唱腔。

聞說今次Gareth.T除咗會演唱多首大熱作品，出道前嘅歌都會on set，想聽下新一代唱作歌手唱出耳朵懷孕嘅首次個人show，mark實以下日子同連結，聽多幾次佢嘅作品做定功課喇！

DBS x Gareth. T「More like your soulmate」網上音樂會

演出日期：9月7日晚上8時

詳情：https://www.kkday.com/zh-hk/product/132699

網上直播傳送門：www.facebook.com/dbs.hk

資料由客戶提供

更多真實評價

Chan Zoey

香港攻略

Bingo and Cook

朗豪坊醬油蟹放題！ $498 🦀🇰🇷

❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚鮑魚口感幾彈牙~呢個我都有再叫嚟食🤣 醬油帶子帶子味道正常,醬汁幾入味醬油蝦蝦食落甜甜地🦐仲有蝦膏! 牛油炸雞外皮夠脆,牛油香味濃,熱辣辣最好! 紫菜飯紫菜撈飯,然後可以加埋蟹蓋嘅膏食,好夾❣️ 醬油三文魚三文魚有醬油嘅鹹香味~ 牛肉煎餅煎餅一般,建議食其他嘅小食排骨湯味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹

閱讀更多
Travel Couple

名古屋攻略

Comfort Inn Nagoya Sakae

名古屋核心地區高質酒店

酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡自由自取備品區牙刷､免費化妝水､洗面乳､髮圈,甚至包含男用面膜與入浴劑｡自助行李寄存區二樓設有密碼鎖行李保管區,入住前或退房後均可免費自助存放｡自助洗衣房配備多台投幣式洗烘衣機,方便長途旅行者隨時清洗衣物｡其它基本設施 2 樓大廳設有專用吸菸室､製冰機與飲水機｡交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店

閱讀更多
Joeymama & Gummybear

吹水

形點 YOHO MALL

【最好的資源,是無可替代的陪伴 💗 】

【最好的資源,是無可替代的陪伴 💗 】有感而發｡ ㅤ 尋日有媽媽問我:｢熊仔糖平時最鍾意啲咩㗎?｣我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉

閱讀更多