2022全新打卡主題下午茶推介！最平$149/位 PAUL&JOE主題下午茶、熊啤啤英式下午茶
唔少女生放假都鐘意約埋閨蜜、家人一齊High Tea歎下午茶，可以一邊傾心事一邊享用細細件的咸甜點，仲可以影相打卡，夠晒寫意！以下為大家推介8大最新主題下午茶，包括PAUL & JOE 主題下午茶、Vivienne Westwood Café 英式下午茶，另外仲有多款以朱古力、芒果做主題的甜品，現時預訂有優惠低至$149/位，大家可以睇睇有冇心水，同屋企人、朋友去過返個悠閒的下午啦！
Gallery香港四季酒店大堂下午茶
下午茶以酒店米芝蓮餐廳的菜式作靈感，有多款咸甜點包括康堤芝士泡芙、鴨鬆雲吞威化伴酸梅醬、焗迷你叉燒包、加勒比朱古力及西西里開心果撻、玫瑰法式焦糖泡芙蛋糕、桂花鬆餅配自家製青檸葉芒果醬及英式忌廉等等，另外仲有經典茶飲、稀有茶種和冷泡茶選擇。
價錢：HK$744起/兩位
地址：中環金融街8號香港四季酒店大堂 The Lounge
「初秋「柔美煥亮」下午茶｜九龍香格里拉酒店
九龍香格里拉酒店最新聯乘巴黎美妝品牌PAUL & JOE BEAUTE推出初秋「柔美煥亮」下午茶，現時只要惠顧兩位用下午茶套餐(堂食或外賣)就可免費獲贈兩份PAUL & JOE美妝禮品、購物禮遇及唇膏換領券！
價錢：HK$658起/兩位
地址：香港九龍尖沙咀東麼地道64號
Vivienne Westwood Café 英式下午茶｜熊出沒注意之「熊」抱沙灘｜銅鑼灣堂食
Vivienne Westwood Café推出了全新「熊」抱沙灘英式下午茶 (Teddy in the Tropics)，三層架下午茶有多達10款圍繞夏日沙灘主題的鹹甜點，超可愛，大家可以一邊影相打卡一邊High Tea！
價錢：
「熊」抱沙灘英式堂食下午茶 (Teddy in the Tropics)：HK$738/兩位 ｜「熊」抱沙灘英式外賣下午茶 (Teddy in the Tropics)：HK$599/兩位
地址：銅鑼灣百德新街27-47號Fashion Walk 1樓F-8號舖
美利Garden Lounge下午茶｜香港美利酒店
香港美利酒店Garden Lounge的下午茶一向極具人氣，更設有舒適開揚的露天座位，可以帶埋寵物一齊歎下午茶！下午茶有12款甜鹹點，配上英國JING精品香茗，現時在KKday預訂低至71折！
價錢：HK$286/一位
地址：中環紅棉路22號 香港美利酒店UG層 Garden Lounge
朱古力四重奏 X 柑橘下午茶 | 香港沙田凱悅酒店 Hyatt Regency Hong Kong, Sha Tin
香港沙田凱悅酒店5星級酒店大堂層的咖啡廳最近推出「朱古力四重奏 X 柑橘下午茶」，以四種不同口味的朱古力搭配清新的柑橘類水果製作出一系列美點，包括香檳白朱古力、軟心黑朱古力撻、柚子忌廉牛奶朱古力千層蛋糕、迷你漢堡香辣雞等等，現時預訂每位客人更會奉送一杯指定紅或白餐酒．
價錢：HK$537/兩位
地址：新界沙田澤祥街 18 號，香港沙田凱悅酒店大堂層
ANGEL ＆ DEVIL 香芒盛燕下午茶｜Club East
芒果控必試！觀塘西餐廳Angel & Devil推出以燕窩及時令芒果香芒盛燕下午茶。人均$149就可以歎勻10款鹹點及甜品包括燕窩大蝦芒果乳酪、、煙三文魚芒果蟹肉忌廉芝士巻、白朱古力椰子芒果燕窩雲朵慕絲蛋糕等。價錢超抵！
價錢： HK$298/兩位
地址：觀塘駿業街58號Club East洞天4樓
►App《U TV》專區超過50個自家製節目任睇
COCO喜「月」下午茶｜美麗華酒店 The Mira Hong Kong
美麗華酒店COCO全新推出以月亮為主題的下午茶，三層架的下午茶有多款設計精緻的甜點及點心，包括芒果紅絲絨迷你杯子蛋糕伴以滿月造型朱古力，熱情果慕絲杏仁蛋糕配新月裝飾，仲有必試自家製香港蝴蝶酥，而咸點亦非常吸引包括墨魚泡菜紫菜飯卷，泰式芋頭蟹餅、招牌鮑魚酥、黑松露蛋日式三文治等等，特別推介抹茶朱古力鬆餅及由廚藝總監 Sheldon Fonseca匠心炮製的手工香橙生薑果醬，有興趣可以去試試啦！
價錢：HK$512/兩位
酒店地址：尖沙咀彌敦道118-130號 Mira Place, The Mira Hong Kong地下大堂
檸檬主題雙人下午茶｜旺角人氣泰菜 Morokok
旺角人氣餐廳Morokok推出Lemonhood檸檬主題雙人下午茶，現時7折後只需$370起就食到！下午茶甜點包括檸檬芒果慕絲配蜜糖啫喱、檸檬青檬馬德蓮、檸檬柚子撻等，而咸點就有八爪魚蕃茄沙沙酥盒、檸檬忌廉芝士蝦多士、泰式柚子三文魚子沙律等。現時在KKday訂購更會奉送主題特飲兩杯！優惠期有限，大家要把握機會啦！
價錢：HK$370起/兩位
地址：旺角登打士街56號家樂坊801室
►App《U TV》專區超過50個自家製節目任睇
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活限時優惠情報
↓【U GO x apm打卡即賞📸】↓
> 免費拎超市現金券/ 贏走HK$500大禮包 <
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
