率先睇5大海濱中秋主題吸睛打卡位全面曝光

文: a.Ki

2022.09.10

今個中秋建議喺吹微微海風下嘅海濱公園，同摯愛嘅家人或伴侶，一齊欣賞繽紛又搶眼嘅靚靚燈籠，大家開心影靚相！　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　

今年喺香港特區成立25周年，海濱事務委員會籌備了一系列中秋期間限定裝置，並由香港賽馬會獨家贊助，範圍覆蓋堅尼地城卑路乍灣海濱長廊、灣仔「HarbourChill海濱休閒站」、「水上運動及康樂主題區」、炮台山「東岸公園主題區」以及荃灣海濱長廊5個海濱，每個海濱嘅中秋裝置各具特色，保證賞月追月都啱feel！是次活動是香港賽馬會撥款六億三千萬港元，支持香港特別行政區政府為慶祝香港特別行政區成立二十五周年而舉辦的多個項目之一。

打卡熱點1：卑路乍灣海濱長廊:親子創意手造燈籠

卑路乍灣海濱長廊以傳統嘅楊桃燈籠以及新式綢緞布料印花燈籠，將海濱佈置成5個各有特色嘅燈籠主題區。部份燈籠更邀請咗賽馬會鯉魚門創意館舉辦工作坊，由導師帶領家長和小朋友，利用回收物料共同製作環保燈籠，為燈籠注入咗濃濃嘅溫情。咁窩心嘅設計，配合埋萬家燈火嘅維港景色，梗係要帶埋親朋好友嚟打卡啦！

密密麻麻的新式綢緞布料印花燈籠陣。

以回收物料製造而成嘅各款燈籠，係由賽馬會鯉魚門創意館舉辦工作坊嘅親子學員親手製作，既可學習中國節氣及傳統習俗，更可推廣綠色生活，非常有意義。

打卡熱點2+3：Chill兔戰隊登陸HarbourChill及水上運動及康樂主題區

由五種繽紛色彩組成嘅Chill兔戰隊，經已登陸灣仔HarbourChill海濱休閒站和水上運動及康樂主題區，現場準備咗Chill兔戰隊火箭，可以同Chill兔戰隊齊齊奔月外，仲有不同造型，得意搞笑嘅Chill Chill兔陪你打卡！童心未泯嘅你梗係要玩埋經典跳飛機遊戲，等Chill兔同你打打氣！想同BB浪漫selfie，就要到灣仔碼頭嘅有蓋行人通道，因為呢度經已掛化身為掛滿星球嘅太空通道，就等有情人到訪！過埋去「水上運動及康樂主題區」有Chill兔戰隊裝飾嘅有蓋座位打卡，完成太空之旅。

Chill兔戰隊乘坐一座4.5米高、色彩鮮艷嘅火箭登陸月球表面。

「水上運動及康樂主題區」有Chill兔戰隊裝飾嘅有蓋座位打卡。

打卡熱點4：燈籠竹棚隧道現身東岸公園主題區

回收嘅竹枝、油桶、水樽，加埋一啲手作物資，可以做啲乜？嚟炮台山東岸公園主題區就搵到答案！今年東岸公園主題區部份中秋裝置，會用回收物料製成各款不同的燈籠，與大眾一齊慶祝中秋！公園內除咗有用回收水樽造成嘅兔仔燈籠外，喺平衡車試驗空間內亦有2組用回收竹枝搭建的燈籠竹棚隧道，充滿傳統氣氛；另外亦有由協康會的小朋友及家長一同創作嘅燈籠、以回收油涌造成的手動轉轉走馬花燈、長150米，掛滿璀璨奪目燈籠的欄杆，以及4面色彩繽紛的燈籠牆，不妨同摯愛親朋嚟野餐賞月啦！

竹與中秋關係密切，而且可以循環再用，用來製造出兩組燈籠竹棚隧道，令會場更有氣氛。

走馬花燈既可互動、又可以同朋友大玩猜燈謎，唔洗等元宵！

150米長的欄杆掛滿特色燈籠，係今年打卡必到之地。

打卡熱點5：小癲噹化身燈籠陪你荃灣海濱長廊過中秋

深受喜愛嘅癲噹，佢嘅一班好友嚟到荃灣海濱長廊喇！除咗有圓碌碌勁可愛嘅癲噹畀大家攬住打卡外，阿讚貓和小襪兔呢班開心仔更會化身成七彩繽紛嘅燈籠，喺呢個中秋照耀大家，陪住你一齊賞月！粉絲們唔好錯過喇！

Chill住嘆drink嘅小癲噹陪你賞月睇星，咁浪漫嘅小癲噹點可以唔嚟探吓佢！

大家外出歡度中秋，亦記得要遵守防疫措施及社交距離！

Source: 海濱事務委員會

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多