Party Room隨處可見，想搵地方與朋友相聚又想加點新意思，不妨到訪觀塘新開、佔地15000呎的Dodge City啦！入面共有3大主題房，又有近30款大型充氣運動遊戲任揀，無論大人抑或小朋友都非常合適，即入內文睇設施、價錢等詳情啦！
位於觀塘的Dodge City在今年6月開張，佔地15000呎，由香港閃避球總會會長Brian主理，主打多款大型充氣運動遊戲和閃避球。場內3間主題房都符合標準閃避球比賽場地，而且裝修別具心思，分別有參考美式漫畫的Comic Room、猶如電影《星球大戰》的Space Room、如同置身大草原的Camping Room。每間主題房最多可容納40人，特設符合主題的休息區，讓家長或朋友可以輕輕鬆鬆觀戰和休息。
►App《U TV》專區超過50個自家製節目任睇
Brian是漫畫迷，尤其鍾愛著名美漫DC Comics，所以將場館改名為「Dodge City」，簡稱「DC」。英文「Dodge」又有閃避的意思，同時意指每一位落場玩遊戲的玩家要避過對手攻擊。
Dodge City有近30款大型充氣運氣遊戲，客人可按需要和喜好選擇和配搭。未有心水的客人可向職員提供參加者的人數、年齡層和活動性質，讓職員為你度身訂造最合適的遊戲，單對單或組隊對決都無問題。設施亦會有專人佈置，非常貼心。
特別推介有泡泡保齡，參加者只需要走進泡泡氣球入面，再撞向大型保齡球樽，整個人撞向球樽實在過癮！
海棉箭屬本地新興運動，玩法簡單之餘又刺激。參加者輪流向著九宮格發箭，最先打出5分為之勝出。現場會有教練教授正確的發射姿勢和技巧，絕對是和朋友比拼之選！
Air Nerf同樣不能錯過，利用Nerf Gun打中12粒懸浮目標，無論大人抑或小朋友都適合。
相信大家對泡泡足球都不陌生，由於每間主題房場地非常空曠，遊玩時可以更投入！
身兼香港閃避球總會創會及現任會長、世界閃避球協會現任副主席的Brian指，疫情後，本地球員更難物色場地訓練。故他近年積極找尋合適的室內地方，希望提供舒適環境讓閃避球球員練習，終在本年6月成立Dodge City。除了Party Room服務，Dodge City亦提供閃避球班供不同年齡層上堂，3歲至50歲都可以參加。課堂將由港隊隊員教授，務求學員可以接受專業訓練。
Dodge City
地址：觀塘官塘道398號Eastcore 301室
電話/Whatsapp：91920800
收費詳情如下：
活動資訊
- 地址 觀塘觀塘道398-402號Eastcore 301室
- 人均消費$101 - $200
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】Smartech環保智能UV廚餘機！↓
↓ 廚餘轉化成肥料｜消除食物異味及殺滅細菌↓
【聖誕送禮🎄】《社群》x wwwtc mall聖誕驚喜4重賞！
↓送您人氣下午茶套餐及禮品套裝↓
