西環好去處｜堅尼地城全新1萬呎室內遊樂場 設7大互動遊戲！大型攀爬迷宮/F1小型賽車/VR體驗
疫情之下不容易去外國旅行，大家只好留港發掘新鮮好去處，近年就越開越多大型室內遊樂場，堅尼地城都有一間全新的大型室內遊樂場Sooper Yoo即將開幕，裡面設有7大遊戲區，融合科技與體能競技的互動，包括大型攀爬障礙迷宮、F1小型賽車、VR體驗區、小主播工作室等，啱晒家長帶小朋友放電！
位於堅尼地城西寶城的全新室內遊樂場Sooper Yoo將於今年9月23日開幕，佔地約10,000呎，根據官網介紹，Sooper Yoo的對象以4-17歲小朋友為主，透過遊戲幫助小朋友的腦筋和大小肌肉得到全面啓發。
►App《U TV》專區超過50個自家製節目任睇
場內設有7大遊戲設施，包括大型攀爬障礙迷宮Sooper Yoo Scramble Course，考驗小朋友平衡力和身體協調性。
另有多個結合科技互動的運動比賽的裝置，包括結合足球與科技的Sooper Kix，讓小朋友挑戰勁射螢幕上的九宮格；Sooper Slap則考驗參加者夠唔夠眼明手快，迅速拍熄著燈的方磚；而Digi-Decks就可讓小朋友單獨或進行團體挑戰。
場內亦有F1小型賽道，雖然是控制模型車，但並非手指活動咁簡單，控制器由健身單車改裝而成，踩得越快，模型車自然行得越快，所以都相當考驗體力！
至於VR Cave就讓小朋友與虛擬動物互動，集科學、科技及教育於一身的全新VR體驗；如果想體驗稍為靜態的活動，就可以預約Now Virtual Studio，讓小朋友試做星級小主播，現身於電視螢幕上。
此外，官網亦預告將會推出YooZoo Racer，挑戰與虛擬動物獅子、鴕鳥、獵豹賽跑。
收費
單場門票（可使用場內設施2小時）：
- 星期一至五：小童門票$250、成人陪同門票$80
- 星期六、日及公眾假期：小童門票$320、成人陪同門票 | $80
購票網址：https://www.sooperyoo.com/zh/event/single-session-tickets/1
*每張小童門票包括一張免費成人陪同門票。
*11歲或以下之小童必須由一位18歲或以上之成人陪同進入樂園。
*所有訪客進入樂園必須穿著防滑襪，4歲至17歲的訪客進入樂園必須穿著於樂園或樂園網站購買的Sooper Yoo 防滑襪（港幣30/對）方可進場。
開放時間
星期一至日 10:00 – 19:30
每節開始時間（每節2小時）10:00 / 12:30 / 15:00 / 17:30
地址：堅尼地城卑路乍街8號西寶城一樓（港鐵香港大學站C2出口）
資料及圖片來源：Sooper Yoo官網
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【限時搶⚡】莓果櫻花味軟糖↓
↓柔軟Q彈、補充營養↓
《 U GO》請您去荷花夏季BB展 2026！
運動BB爬行賽/20種異寵體驗/Messy Play/明星校長講座🤩
U GO 本週好去處
