陳奕迅演唱會2022｜Eason 12月辦25場聖誕跨年騷！近五成門票10月6日起公開發售 不設信用卡預售
陳奕迅(Eason)相隔9年再次宣布紅館開騷，今個12月起舉行25場《FWD富衛保險呈獻：陳奕迅FEAR AND DREAMS 香港演唱會》，與歌迷一齊過聖誕兼跨年！今次更不設信用卡優先訂票，近五成門票10月6日起於城市售票網公開發售！即睇全部場次、票價、購票資訊！
更新2023.1.1
陳奕迅《Fear and Dreams演唱會》來到第18場，昨晚(31日)Eason不單開心跟全場觀眾倒數，大會同步於今日公布好消息，宣布加開1月10、11 兩場！1月5日上午10時，城市售票網八成門票，全部公開發售！
--------------------
更新：2022.12.21
鑑於政府昨日(20日)公佈「放寬」部份社交距離措施，演唱會表演場地今日即可放寬座位由85%變回100% 。
陳奕迅主辦單位馬上宣佈，明日(22日)上午10點，可以即時城市售票網，買到12月22日15%的「放寬位」，這些「放寬位」場內不同位置都有出現，最值得留意是非常之特別的全場中間「放寬靚位」，全部都是一人之境座位，好運的話，你同朋友買到，可以前後一齊坐於全場最靚位置之中欣賞Eason演唱會。
而23日上午10時起，2022年12月24日至2023年1月14日的場次，都可以經由網上購買得到這些難得的「放寬位」。
購票網址：www.urbtix.hk
---------------------------------
更新日期：2022.12.07
即將於紅館舉行聖誕跨年騷《陳奕迅FEAR AND DREAMS 香港演唱會》的陳奕迅(Eason)，最近公開一系列演唱會紀念品，歌迷可以於12月9日開始網上訂購或作準備到時於紅館現場選購。
今次Eason的演唱會有8類紀念品包括：多款短袖T恤、衛衣、大頭立體貼紙、背囊、帆布袋、香薰蠟燭、收納小包、紀念襟章，而且均由Eason參與設計，每件都非常獨特而「臣」化，不少貨品數量有限，粉絲要特別留意搶購日期了。
此外，買滿$1,000，加$110就可以換購一個「臣經研究所」購物袋，袋上印有Eason親筆書寫的短句「why don’t we laugh about it?」、「now is the time」、「just get on with it」，除了質料極佳，句句臣化標語，提醒你活著多好，歌迷必定想擁有。
---------------------------
更新日期：2022.10.20
Eason演唱會終極加開3場！主辦單位今日（20日）宣布加開1月8日及1月13-14日3場演唱會，近7成門票將於10月26日（周三）早上10點>>城市售票網<<公開發售。主辦表示，今次終極加場後應該不會再加開，未買到門票的粉絲要把握最後機會啦。
---------------------------------
更新日期：2022.10.10 10:00
陳奕迅今日（10日）宣布演唱會加開4場！日期為1月2至3日及6至7日，近五成門票約14000張飛公開發售。演唱會門票上周開賣當日18場全數售罄，加場將於10月13日早上10點於>>城市售票網<<公開發售。同之前一樣，4場加場要每6個人要隔開，可以12人坐埋一行，還有最前正面台中間位4場加場依然會有！
----------------------------------------------------------------
Eason 2019年取消演唱會，及後又因疫情一再延期，不過他並沒有放棄，終於今年可以再次拿到聖誕跨年紅館檔期，與大家一起過新年。世界各地都有不同單位邀請Eason開演唱會，但Eason仍然堅持要由香港作為起點啓動演唱會。 歌迷已等候多時，今次Eason舉行18場跨年演唱會，特別打破傳統，取消銀行信用咭優先訂購，門票接近五成公開發售，每人限買4張，希望歌迷可以得到更多機會買到門票。
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
名古屋攻略
Comfort Inn Nagoya Sakae
名古屋核心地區高質酒店
酒店於2023年底開幕,位於名古屋最熱鬧核心商圈｢榮｣站｡酒店隔離仲有間🍞麵包店,麵包相當高質,可以一試🤭1樓仲係直接連接 FamilyMart便利店,買宵夜都方便!整體設施新淨,房間舒適位置又方便,非常好👍🏻 ⭐️酒店設施 免費迎賓飲品吧 (Comfort Library Cafe) 每日 14:00 至 24:00 開放,住客可無限暢飲咖啡､汽水､冰水,甚至提供熱騰騰的玉米濃湯,同時也適合作為臨時辦公､歇腳的吧檯區｡ 自由自取備品區 牙刷､免費化妝水､洗面乳､髮圈,甚至包含男用面膜與入浴劑｡ 自助行李寄存區 二樓設有密碼鎖行李保管區,入住前或退房後均可免費自助存放｡ 自助洗衣房 配備多台投幣式洗烘衣機,方便長途旅行者隨時清洗衣物｡ 其它基本設施 2 樓大廳設有專用吸菸室､製冰機與飲水機｡ 交通:地下鐵｢榮｣站 2 號出口步行 1 分鐘,對面即是 24 小時唐吉訶德｡ 📍 Comfort Inn Nagoya Sakae 〒460-0003 愛知県名古屋市中区錦3丁目16-30 #comfortinn#nagoya#名古屋酒店
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【限時搶⚡】雙效抗敏牙膏↓
↓減輕酸軟不適、減少牙齦出血↓
陳柏宇忠粉鑑定所🎤
即刻挑戰🏆！考下您對陳柏宇嘅了解程度🌟
U GO 本週好去處
