【玩樂好去處】觀塘賽馬會體驗店 增設露營主題Cafe+賽馬騎術及足球體驗（附抵玩教學）

新裝投注處貴氣破格登場

裝修後觀塘廣場體驗店佔地變成三層，由成業街入口踏入投注處，感覺唔似一間投注處。地下放置咗適合打卡嘅glamping區, 又有售賣潮流玩物嘅自助售賣機,仲有獨立專區不時舉辦KOL主題講座或DIY 工作坊活動，而由開源道入口就係投注大堂比以前更貴氣，而且空間更見寬敞。

地下大堂全新裝修後變得更寬敞。

連櫃枱也變得充滿貴氣。

Day pass玩盡爭‧勝競技場

經glamping區店內樓梯登上M層，即進入全新概念嘅爭勝競技場，競技場共增設四款賽馬同足球模擬訓練設施，透過大型螢幕體驗賽馬騎術、策騎對決、互射十二碼、足球神射手競賽不同互動訓練，以第一身體驗做騎師同球員嘅感覺，非常啱同朋友一齊鬥下。玩完刺激活動，可以喺競技場坐低chill下，呢度有提供刊物及桌遊俾大家玩，只要購買一個通行證（全日或全月）即可使用設施，新張期間更有買一Pass送一Pass優惠，約埋三五知己去觀塘聚一聚唔一定要搵Party room啦！

爭勝競技場新設多款競馬及足球體驗訓練。

睇住電視熒幕策騎，感受賽馬嘅速度感。

拿起韁繩感受長驅直進的感覺。

想一試各位神射手的能力，可以相約在此一較高下。

享受完刺激嘅體驗，可在休閒區chill一下。

場內更免費提供各類型桌遊及咭牌遊戲。

同層內有多個大電視，在賽事日會直播賽馬或足球。

經樓梯可登上最上層的Turfland cafe。

鬧市綠洲露營主題Cafe

再登上一層就是最新增設的餐廳，感覺跟樓下完全不同。最搶眼嘅係露營帳篷、野炊用具以及放滿木長枱嘅室內露營空間Turfland，大家可以歎住冷氣响露營配置之中打卡，同埋享用由Sensory Zeno提供餐飲，更特別嘅係室內設有一架載馬車出餐處，是仿照馬會來往從化馬場同沙田馬場嘅運馬車，非常有特色。值得一提係Turfland中央嘅綠樹，佢個底座係由香港木庫以再生木村所砌成，上面有個QR code可以一掃知道其背景，响呢個充滿樹木同露營風嘅環境享用美食和咖啡，同時享用賽馬日special menu。

簇新的露營用品，可讓隨意打卡。

這架以運馬車為概念的餐車，也是打卡位。

場內環境闊落，以木枱為主調，感覺悠閒輕鬆。

店內中央樹下的木椅子，是用本地再生木砌成。

掃描QR code可知道更多關於再生樹木的故事。

推廣優惠：

而家仲有推廣優惠呀！由即日起至10月31日，只要向觀塘廣場投注處職員出示呢個post，即可免費試玩爭勝競技場任何一款訓練設施一次！記得向在場職員查詢喇！

賽馬會觀塘體驗店

地址：觀塘開源道68號觀塘廣場地下,G15, M20, 116號舖

Turfland營業時間：12:00 - 21:30*（非賽事日毋需預訂） 

日間 / 夜間賽事日時段：首場賽事開跑前2小時至尾場賽事（需要預訂） 

*如當晚轉播即時海外賽事/足球直播將營業至23:30

收費：

本地賽事日： $228/一人座位、$456/二人枱、$912/四人枱（已包括服務費）

非賽事日：按餐牌收費

備註：未滿十八歲人士不得投注或進入可投注的地方；場地不接受電話訂座，入場門票可於網上（https://www.bookingrc.hkjc.com/onlinebooking/?lang=zh_TW）或現場購買

資料由客戶提供