黃埔天地最「毒」萬聖節︰尋「蛛」「蠍」秘Halloween

2022.10.20

要感受Halloween,唔一定要嚇自己嘅,玩餐飽嘅都一樣咁開心!嚟緊10月22日至30日嘅周末,紅磡黃埔天地將會帶畀大家一場最「毒」派對《尋「蛛」「蠍」秘Halloween》,喺時尚坊MTR層位置,舉辦《稀有蜘蛛蠍子活體展》。此外更準備咗大人小朋友都啱玩嘅《萬聖手作坊》及嘩鬼巡遊派糖活動,既可以睇到難得一見嘅生物,又可以投入萬聖節氣氛之中,點可以唔玩埋一份!

稀有「世一」蠍子 毒性超山埃12倍

專程遠道而來嘅12種活體蜘蛛及蠍子,喺香港甚少有機會展出,而今次就會喺黃埔天地時尚坊MTR層嘅《稀有蜘蛛蠍子活體展》中現身,大家一定要嚟見識吓,尤其係「世界十大毒王」《以色列金蠍》,佢嘅毒液毒性比山埃仍要強12倍,當中嘅藥用價值更高達每公升數千萬港元,估唔到細細隻嘅佢身價咁高!

金黃色嘅以色列金蠍外型細小纖幼,毒性劇烈,但原來毒液含藥用價值,所以身價媲美豪宅!

至於亞洲代表亦唔弱,嚟自印度及斯里蘭卡熱帶雨林嘅《紅爪雨林蠍》,係亞洲蠍子界中嘅巨無霸首位,亦係目前健力士紀錄中世界上最大嘅蠍子品種之一。而屈居第二嘅《馬來雨林蠍》亦不遑多讓,單係身長已經達到15厘米,咁大體型真係好嚇人!

性格兇悍嘅紅爪雨林蠍,受侵襲時會發出惡意十足嘅嘶嘶聲,聽見都feel到佢有幾兇狠。

而蜘蛛界方面,就派出咗曾於《哈利波特》出現過嘅同種《鞭蛛》,腳長身幼嘅佢外型古怪,好似外星生物!陪同佢嚟到地球另一端嘅仲有一眾色彩鮮艷嘅《捕鳥蛛》,包括橘黃色身驅及有星狀放射花紋的《非洲橙巴布蜘蛛》、亮麗而帶有夢幻藍色嘅《夢幻藍巴布蜘蛛》、關節黑白相間嘅《巴西白膝頭蜘蛛》、性格溫柔呈紫藍毛嘅《馬查拉鋼鐵藍蛛》等等,大家可以近距離觀賞呢班稀客外,亦可以了解自然生態,同場更設有由《香港甲蟲研究協會》專家主持嘅免費《尋「蛛」「蠍」秘導賞團》,向現場觀眾講解各種蜘蛛蠍子的生活習性及特徵,鍾意大自然嘅朋友,記得提早嚟現場參加喇。

夢幻藍巴布蜘蛛外型華麗感十足,伸長腳後最大可以達17至18公分。

 

DIY嘩鬼手偶 落街再玩“Trick or Treat”

今年準備咗乜嘢造型玩轉Halloween?無論你想扮仙女定鬼怪,都唔少得南瓜燈籠呢類配飾!只要喺黃埔天地以電子貨幣消費滿$200或以上,就可以報名參加《萬聖手作坊》,親手製作可愛嘩鬼造型手偶或造型趣緻的紙南瓜燈籠,然後再落街搵吓班神秘遊走於黃埔天地嘅嘩鬼攞糖果,齊齊大叫“Trick or Treat”!

一班嘩鬼會分別遊走於黃埔天地各期商場,免費派發糖果畀小朋友,記得搵佢哋喇!

 

稀有蜘蛛蠍子活體展

日期:10月22-23及29-30日(星期六及日)

地點:黃埔天地時尚坊MTR層

尋「蛛」「蠍」秘導賞團

日期:10月22-23及29-30日(星期六及日)

地點:黃埔天地時尚坊MTR層

時間:下午2時至5時

詳情:免費報名,每小時一節,每節30分鐘; 每節名額20個,額滿即止

萬聖手作坊(可愛嘩鬼手偶/紙南瓜燈籠)

日期:10月22-23及29-30日(星期六及日)

地點:黃埔天地時尚坊MTR層

時間:下午2時至6時30分

名額換領時間:下午1時起至換完即止

名額換領地點:時尚坊地下禮賓處

參加方法:憑於黃埔天地任何商舖以電子貨幣消費滿$200或以上之即日單一電子貨幣付款存根 / 交易紀錄頁面及對應商戶同日之單一機印發票,即可換領指定工作坊名額乙個,名額有限,換完即止(每日9節,每節25分鐘)

嘩鬼秘遊

日期:10月22-23及29-30日(星期六及日)

時間:下午2時至8時

地點:黃埔天地各期商場

 

Source:黃埔天地

2022聖誕節,近30個商場有不同的卡通、聖誕燈飾裝置,適合情侶、一家大小打卡,包括旺角MOKO新世紀廣場Duffy & Friends展覽、海港城有獨角獸主題佈置,葵芳新都會廣場有布甸狗聖誕展覽、銅鑼灣時代廣場LuLu豬聖誕小鎮等。按此睇全港聖誕商場打卡好去處合集

全港各大商場不同季節都有不同活動、展覽及限定優惠。按此睇最新商場情報

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【限時搶】不含酒精及化學成份!天然又安全!↓

↓ 準時入APP搶芳泉全效消毒噴霧套裝!↓

 ↓ 準時入APP搶芳泉全效消毒噴霧套裝!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章