拉闊音樂會2022｜鄭欣宜盧瀚霆大跳辣身舞現場著晒火！二人台上「耍花槍」惹神徒羨慕尖叫

欣宜及教主以一身型格軍色服裝造型登場，首先以《Glitterfalls》和《一所懸命》炒熱舞台，隨後合唱《EGO x 豐乳肥臀》，兩位互相Crossover大家的作品超有火花！Anson Lo出場後問台下粉絲：「有冇掛住我呢，我真係好掛住大家！」，搞到一班神徒「冧冧豬」，隨後教主送上《King Kong》，更邀請全場一齊合唱。

點擊圖片放大

►同場加映：【衝出嚟玩】LuLu豬化身快餐店實習生登陸北角滾軸溜冰場！聯乘潮玩品牌+CASETiFY推出多款限定週邊

經過一輪強勁節拍的快歌後，舞台換上截然不同的氛圍。欣宜先帶來三首柔情作品，包括《小夜燈》、《恐懼蠶食心靈》、《我地》，期間Joyce邀請粉絲一齊打開手機燈應援，搞到佢眼濕濕地講：「我冇預過自己會喊㗎！」。

點擊圖片放大

其後Anson Lo帶來新歌《永順街39號》以及《不可愛教主》，期間不時向粉絲擺出可愛動作，又向台下送上飛吻，搞到一班神徒係咁失聲尖叫！

點擊圖片放大

演唱會另一高潮當然是二人以一身粉紅色裝束扮演卡通人物Barbie與Ken，送上重新編曲的《Barbie Girl》。欣宜其後翻唱Britney Spears的《I'm a Slave 4 U》，Anson Lo亦帶來Justin Timberlake的《SexyBack》，幾首有不少辣身舞姿和性感動作的快歌搞到現場著晒火！

+3

+2

點擊圖片放大

之後二人在台上「打情罵俏」，Joyce代表神徒問Anson Lo：「我哋成日嗌你做老公，點解唔嗌返我哋做老婆嘅？」Anson Lo一度表現尷尬微笑，笑住講：「綵排嗰陣唔係咁㗎喎！」。去到演唱會尾聲，二人送上《Ignited》並邀請粉絲跳出經典手勢舞蹈，全場觀眾再次焫著晒！

+4

+3

點擊圖片放大

圖片：大會提供