親子好去處｜精選8大設互動遊戲聖誕商場展覽 小朋友放電一流！屯門Pokémon對戰/鑽石山屁屁偵探冰壺挑戰/西環Pororo見面會
聖誕節就到喇，諗好同小朋友去邊度未？這次為大家整合了全港8大超適合親子去的商場聖誕展覽，其中包括《屁屁偵探聖誕大冒險！》、《Pororo 聖誕宅急便》、《Barbie 冬日夢幻之旅》等。不少展覽還設有互動游戲，有得睇有得玩，快啲Mark實詳情帶小朋友去啦！
1. 荷里活廣場《屁屁偵探．噗噗！聖誕大冒險！！》
屁屁偵探這個聖誕要與大家見面了！荷里活廣場會於11月4日至2023年1月2日舉辦以《屁屁偵探．噗噗！聖誕大冒險！！》為主題的聖誕展覽，届時屁屁偵探將化身聖誕老人與大家共度聖誕。場內有3大打卡位讓小朋友與屁屁偵探來張合照，亦有遊戲體驗區讓你率先試玩Nintendo Switch最新遊戲。此外大會更安排了「屁屁偵探冰壺大挑戰」，勝出者更有機會獲得精美禮品，各位家長不要錯過！
《屁屁偵探．噗噗！聖誕大冒險！！》
日期：2022年11月4日至2023年1月2日
時間：上午10時 至 晚上10時
地點：鑽石山荷里活廣場
►同場加映：【衝出嚟玩】昂坪好去處｜彌勒山輕鬆郊遊路線睇芒草 全新觀景台飽覽無敵靚景！
2. 信德集團三大商場《Pororo & Friends聖誕宅急便》
各位小朋友嘅老友Pororo嚟喇！信德集團將於11月22日至2023年1月2日在旗下西寶城、昇悅商場及昇御商場設置以《Pororo & Friends聖誕宅急便》為主題的活動展覽。届時除了有5大可愛打卡位，西寶城更會舉辦3大免費互動遊戲，以及超適合小朋友的限定活動，包括「Pororo限定抱抱見面會」、「聖誕DIY 手作兒童市集」及「快閃兒童聖誕歌舞會」，家長們快啲帶小朋友去啦！
《Pororo & Friends聖誕宅急便》
日期：2022年11月22日至2023年1月2日
時間：上午10時 至 晚上10時
地點：西寶城、昇悅商場及昇御商場
西寶城《Pororo聖誕限定抱抱見面會》
日期：2022年12月24日及12月25日
時間：下午2時至2時30分 及 下午3時至3時30分 (共兩節，每節30分鐘)
地點：西寶城UG中庭
聖誕DIY 手作兒童市集
日期：2022年12月17日及12月18日
時間：上午11時至下午7時
地點：西寶城UG中庭
《快閃兒童聖誕歌舞會》
日期：2022年12月17日及12月18日
時間：下午2時至4時30分
地點：西寶城UG中庭
3. 北角匯《十二隻恐龍過聖誕》
恐龍主題一定是小朋友最愛！這個聖誕北角匯將於11月22日至2023年1月2日化身為恐龍的家鄉，場内設25呎高雙脊龍聖誕樹、1:1仿真三角龍以及3D恐龍壁畫。商場會員還可以參與多個親親恐龍的體驗活動，大家準備好進入恐龍世界未？
延伸閲讀：聖誕好去處｜北角匯「十二隻恐龍過聖誕」7大必影位一覽！25呎高雙脊龍聖誕樹、翼龍拱門、1:1仿真三角龍、3D恐龍壁畫
《十二隻恐龍過聖誕》
日期：11月22日至2023年1月2日
時間：上午 10 時至下午 10 時
地點：北角匯1-3期
4. 將軍澳中心《A FairyTAIL Christmas》
今個聖誕連噴火巨龍都嚟埋！將軍澳中心於即日起至2023年1月2日舉辦《A FairyTAIL Christmas》聖誕活動。噴火龍化身古堡的守護者，帶領8款來自世界各地的爬蟲類動物來到將軍澳中心！場内多個打卡位給小朋友與小動物們拍照留念，更設「360認識爬爬工作坊」，讓小朋友與爬蟲小動物近距離接觸、餵食，快啲帶小朋友去親親小動物啦！
童話魔龍之城
日期：即日起至2023年1月2日
時間：中午12時 至 下午9時
地點：將軍澳中心地下 (Don’t Yell At Me 對出)
童話魔龍之城開放日
日期：12月10、11、17、18日
時間：下午2時 至 下午5時 (每節15分鐘)
詳情：The Point會員以1,000積分即可換領「童話魔龍之城開放日 - 電子入場證」一張。每次最多4人入場，帶同2隻蜥蝪。每次限時15分鐘。名額有限，先到先得。
5.將軍澳新都城中心《Barbie 冬日夢幻之旅》
粉紅控注意！Barbie夢幻主題酒店將於11月19日至2023年1月2日登陸將軍澳新都城，場内設有6大打卡位以及2大Barbie互動遊戲，讓大人小朋友充當一天Barbie！打卡玩樂一番過後，小朋友更可到限定店以限定優惠選購特色Barbie 玩具，簡直是小朋友的天堂！
延伸活動：聖誕好去處2022｜將軍澳Barbie酒店主題展6大打卡位一覽！夢幻粉紅大堂/復古櫥窗、2大互動遊戲/期間限定店
《Barbie 冬日夢幻之旅》
日期：2022 年 11 月 19 日至 2023 年 1 月 2 日
時間：上午 10 時至晚上 10 時
地點：MCP CENTRAL (新都城中心 2 期) L1 天幕廣場
6.太古廣場 《巡游樂聖誕》
聖誕節又點少得聖誕老人？太古廣場將於11月17日至來年1月2日舉辦「巡遊樂聖誕」的展覽活動，聖誕老人將帶領巡游隊與你共度佳節。大會更準備特色互動遊戲，讓你體驗駕馭聖誕老人的雪橇，並化身 DJ 掌控派對節奏，快啲帶小朋友加入巡游隊啦！
《巡游樂聖誕》
日期：2022年11月17日至2023年1月2日
時間：上午11點 至 晚上9點
地點：太古廣場 L1
7.屯門市廣場《寶可夢 朱/紫》冬日冒險之旅START！
比卡比卡！這個聖誕超巨型比卡超將登陸屯門市廣場，向各位精靈訓練員介紹最新初期三隻Pokémon，你更有可能邂逅傳說級Pokémon！除此以外，場內更設有對戰專區，讓大家體驗全新《寶可夢 朱／紫》任天堂Switch遊戲，並與其他卡牌訓練家展開對戰。商場於週末及假日更有「寶可夢集換式卡牌遊戲新手教室」，新手也可以變高級訓練員！
延伸閲讀：聖誕好去處2022｜屯門Pokémon《寶可夢 朱／紫》冬日主題展 必影7米高超萌比卡超！Switch遊戲試玩區/卡牌對戰區/比卡超見面會
《寶可夢 朱/紫》冬日冒險之旅START！
日期：2022年11月18日至2023年1月2日
時間：上午10時至晚上10時
地點：屯門市廣場1 樓中央廣場
8.東涌東薈城珍寶珠《FUNtastic World》
巨型珍寶珠熱氣球降落東薈城注意！東薈城名店倉於 2022 年 11 月 22 日至 2023 年 1 月 2 日期間舉行《FUNtastic World》展覽，場內有6大繽紛珍寶珠打卡位，為你的增添甜蜜蜜的氣息。大家更可充當一日珍寶珠學員，參與互動課堂贏取獎品，快啲去啦！
延伸閲讀：聖誕好去處｜5米珍寶珠熱氣球飛入東涌 6大潮人打卡位一覽！巨型珍寶珠/ 4大手機互動游戲/ 珍寶珠快閃店/ 限定禮品
珍寶珠《FUNtastic World》
地點：東薈城名店倉二樓
日期：2022 年 11 月 22 日至 2023 年 1 月 2 日
時間：上午10時 至 晚上10時
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U Community 社群 送您 PARAKITO 天然驅蚊噴霧！】↓
>簡單登記領取<
↓【限時搶⚡】置富Malls 全力以「褲」Pickleball套裝↓
↓亮麗的粉藍設計↓
U GO 本週好去處
