昂坪好去處|彌勒山輕鬆郊遊路線睇芒草 全新觀景台飽覽無敵靚景!

2022.11.19

秋意濃濃,實在是行山好季節!今日就介紹昂坪輕鬆郊遊路線——彌迦山郊遊徑!郊遊徑近日增設全新彌勒山觀景台,可以飽覽昂坪附近靚景。不怕累的話更可以挑戰上山飽覽芒草海,即刻看看路線啦。

彌勒山屬香港第八高山峰,位於昂坪附近,沿途可以望到大佛、心經簡林、機場、港珠澳大橋等景觀,秋季上山更有芒草海可以打卡!彌勒山郊遊徑全程約4公里,需時2.5小時。郊遊徑路線平坦,惟上山路段較崎嶇,亦較多沙石,建議大家穿著長褲和抓地力較佳的行山鞋。

路徑起步點位於昂坪,大家可在東涌站巴士總站乘搭大嶼山巴士23號到總站,或乘坐昂坪360到昂坪市集。巴士落車後即會見到昂坪廣場,廣場內有2間士多和洗手間,由於郊遊徑途中沒有補給站和廁所,建議先在廣場買好所需物資。

廣場中庭右手邊會有小徑,跟著路牌上「心經簡林」方向走,然後會見到第一個分岔路口,只需跟住路牌向住昂坪戴維斯青年旅舍及彌迦山郊遊徑方向走。走到盡頭會見到彌勒山郊遊徑路牌,為郊遊徑起點。

郊遊徑路途平坦,不時會有樹陰遮太陽,走了5分鐘後會見到分叉路口,今次會行往左手邊上山,途中會見到不少昂坪地標,例如天壇大佛、心經簡林、昂坪360等等。郊遊徑走到盡頭落樓梯行往左手邊即可返回昂坪,全程大約2.5小時,非常輕鬆。

適逢秋天,彌迦山上有大量芒草盛放,有體力人士不妨挑戰上山睇芒草!郊遊徑走到盡頭落樓梯後可往右手面東涌方向走,一路走到昂坪360中轉站附近會有山徑上山。山徑不是官方路徑,不過山徑尚算清晰。上山小徑相對比較陡峭,途中亦較多沙石,建議大家穿著長褲及抓地力較好的行山鞋。到頂後隨見到大量芒草,又會看到港珠澳大橋、香港國際機場等景觀,絕對是打卡好地點!

最後可以原路折返,往昂坪方向繼續離開,沿途會經過11月上旬開放的彌勒山觀景台,飽覽昂坪各處景色。離開觀景台繼續前行則回到昂坪市集和昂坪廣場。若想到彌勒山觀景台的人士,亦可從昂坪市集步行10分鐘出發到觀景台。

彌迦山郊遊徑

長度:4公里
時間:2.5小時
起點:昂坪廣場
終點:昂坪市集

前往方法:先要在東涌站B出口出閘,在東涌站巴士總站乘搭大嶼山巴士23號到總站,或乘坐昂坪360到昂坪市集。沿著指示牌往昂坪戴維斯青年旅舍及彌迦山郊遊徑方向走。走到盡頭會見到彌勒山郊遊徑路牌,為郊遊徑起點。

活動資訊

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓【送禮】送您最新iPhone 14!↓

↓立即分享美食 贏走獎品!↓

↓立即分享美食 贏走獎品!↓

↓【聖誕送禮】送Soul Emotion Pro / Emotion Max耳機!↓

↓立即參加贏走!↓

↓立即參加贏走!↓

評語

相關文章