草間彌生巨大化南瓜登陸尖沙咀碼頭!大玩祼眼3D數碼藝術 打卡必去

2022.11.22

正在西九文化區M+博物館舉辦嘅「草間彌生:一九四五年至今」展覽,大家撳到入場券未?無論已入場抑或等待入場參觀一代日本藝術家嘅回顧展,都令人期待,作為展覽首席贊助嘅滙豐,最近响尖沙咀碼頭為廣大市民準備咗新穎嘅戶外打卡位,以嶄新嘅祼眼3D數碼藝術,帶畀大家一個超有趣嘅藝術體驗,非常值得抽空去打卡!

巨大化南瓜裸眼3D動畫

全城期待已久嘅「草間彌生:一九四五年至今」展覽近日展開,喺香港可以回顧日本一代視覺藝術家草間彌生多年來嘅作品之外,滙豐作為今次展覽嘅首席贊助,仲特登將草間彌生最經典嘅波點南瓜帶到尖沙咀碼頭,响近年粉絲應援同打卡熱點廣告位,利用咗裸眼3D巨型屏幕,將以近年外國極流行、超搶眼球嘅裸眼3D動畫呈現,畀大家可以親眼欣賞到呢種最IG-able嘅新藝術形式。建議大家如果想完美打卡,不妨搵一個平日,趁住碼頭人流較少嘅時間,前往瘋狂打卡!

巨型戶外裸眼3D屏幕,將平時嘅平面打卡位變成立體!

只要企喺特定位置就可欣賞到立體效果,同超巨型南瓜打卡。

打卡貼士:只要企前啲與巨幕保持距離,就可以將人同南瓜以最佳比例攝入相片!

如果想攞盡南瓜做背景打卡,就要捕捉波點南瓜「爆大」嘅一瞬間!

藝想大開係今次滙豐贊助草間彌生展覽嘅一大主題,希望將藝術帶俾大眾。

互動數碼花海大爆發

睇完草間彌生嘅裸眼3D作品,仲有另一個新㯋嘅數碼藝術嘢值得留意!滙豐搵咗數碼互動創作者朱力行(Henry Chu)創作咗一個與途人互動嘅裝置,利用屏幕上方放置嘅鏡頭,可以實時捕捉途人嘅移動軌跡,並將人像瞬間轉化成「數碼花海」,花花會跟隨著途人移動!呢個裝置非常特別,細心睇屏幕上面不斷演變嘅花花,好似係將自己變咗萬花筒咁,非常獨特,每一秒都唔同!而且移動幅度越大,花花會變大,非常好玩!難得嘅係藝術唔再只係停留响藝術館,而係融入生活細節當中,而且所有人都可以接觸得到,即使路人甲乙丙都可以參與其中,呢個正正係滙豐「藝想大開」嘅理念!

當碼頭附近嘅路人喺戶外廣告板前移動,每個人嘅動作都會被capture變成一朵花跟隨移動,成為打卡嘅花海活動佈景。

呢個戶外廣告亦都係實時時鐘,為途人報時。

今次喺尖沙咀碼頭呈獻嘅裸眼3D動畫,展期有限,由即日至2022年12月8日為止,記得趁早去同最新潮嘅戶外廣告打卡啦!而嚟緊HSBC仲將會推出Metaverse Gallery,大家都一樣唔可以錯過呀!

 

(資料來源︰滙豐)

用App睇片‧賺積分‧換獎賞!

認住 U Fun 標誌「」, App內睇文同睇片可隨時捕捉U Fun彩蛋, 換領現金券及禮品!

開啟 App 成為會員賺U Fun!

↓ 【送禮】《社群》派利是!↓

↓ 立即入APP參加!↓

↓ 立即入APP參加!↓

↓必收藏!香港咖啡地圖2023!↓

↓精選50間咖啡店(附評分)!即睇詳細介紹↓

↓精選50間咖啡店(附評分)!即睇詳細介紹↓

評語

相關文章