本地原創角色X超人氣動漫人物．卡通人物 港鐵商場4大夢幻場景聖誕登場
港鐵公司旗下商場一直致力支持本地創意品牌，今個聖誕特別聯乘香港品牌玩具協會（HKBTA）合作，喺PopCorn、德福廣場、青衣城及The LOHAS康城4大港鐵商場展出多款本地創作角色、日本經典機械人、可愛卡通人物及超級動漫英雄，齊齊坐陣，同你同遊玩具大世界！而且好多作品都係首次曝光，要潮拜就趁今次機會喇！
PopCorn — 撐本地原創 穿梭夢․玩․車站
喺呢個充滿異國風情嘅歐陸車站上，慢星球人阿Pi、BURGER KUN、SamSam、Angel Cat、妹頭、The Flower Fox、Mini Barber Chunk以及功夫三腳貓等8大本地原創角色，唔單只分別出現於售票處、月台或小火車車卡中，更有一眾本地設計師創作的卡通角色藏身於5米高巨型玩具燈塔內，記得搵齊佢哋8個打卡啦~
一眾本地設計師創作的卡通角色匯聚於巨型玩具燈塔內，你又搵唔搵得到？
慢星球人阿Pi、BURGER KUN、SamSam、Angel Cat、妹頭、The Flower Fox、Mini Barber Chunk 及功夫三腳貓，均為百分百本地創作，梗係要支持啦！
全球只有一隻嘅限量手繪特別版Sam Sam Joker亦會喺度見得到，絕對不能錯過。
德福廣場 — 經典再現 聖誕機械工場
呢個聖誕，要尋回我們的80年代，就要嚟德福廣場搵齊五獅合體的《百獸王》、1.8米高嘅《機動警察》英格倫1號機，同埋《超時空要塞》嘅韋基利 VF-1S盡情打卡喇﹗身為鐵粉一定要嚟朝聖！同場仲有本地藝術家 Felix Ip 設計充滿香港特色嘅《香港重機》，切勿錯過！
除咗呢班主角同你歡渡聖誕外，你仲可以睇到首次展出嘅Premium柯柏文 首辦及成品、真三一萬能俠1號機（黑色版）以及多張《香港重機》手稿，亦可以透過手稿展覽同觸控屏幕欣賞珍貴嘅玩具設計圖，了解佢哋設計背後嘅工序。同場仲有期間限定店，集合多款機械人Figure同周邊產品，最啱Fans預備聖誕禮物！
雖然《超時空要塞》已經播放多年，但《超》迷支持度仍不減當年。
五獅合體的《百獸王》、1.8米高嘅《機動警察》英格倫1號機及《香港重機》各具特色，睇埋設計圖及組裝過程就更精彩喇！
Premium1:6柯柏文首辦及成品今次係首度曝光，機會難得！
手稿設計係眾玩具之初型，從中可以睇得出創作人最原始嘅理念，難得而珍貴。
真三一萬能俠 1號機（threezero 版本）黑色版由ABS，PVC，POM和鋅合金製成，重量感十足，同時擁有近57個可動關節，屬收藏級可動人偶。
青衣城 — 甜心必愛 聖誕遊樂園
以全新嘉年華造型登場嘅萬人迷勞蘇，帶埋Q版趣緻嘅小飛象、好友小老鼠Timothy、人見人愛嘅加菲貓以及精靈聰明嘅Tweety，齊齊亮相喺靑衣城！呢度每個角落都以甜美粉紅為主色調，環繞著 6.5米高嘅聖誕金字塔、充滿香甜氣息嘅甜品隧道、甜點遊樂場及雪糕魔法鏡，全部都係IG-able嘅打卡聖地，一定要同閨蜜影餐飽！
記得唔好錯過欣賞玩具展覽，當中包括3D《沖天救兵》玩具製作流程﹔另外好多注目商品都會於期間限定店推出，喺呢度一定搵到啱你心意嘅聖誕禮物！
要入嚟呢座6.5米高嘅聖誕金字塔打卡前，先影低睡眼惺忪嘅加菲貓個得意樣、再過隔離同匿藏喺泡芙裡面嘅Tweety selfie吓先！
萬人迷勞蘇亦換上全新嘉年華造型，小飛象及Timothy在旁齊齊獻上馬戲表演。
《沖天救兵》的老人Carl及男孩Russell嘅3D玩具模型玩具製作流程，亦可以喺度睇得到。
The LOHAS康城 — 近距離接觸 正義英雄基地
保衛地球嘅任務，梗係交畀超級英雄啦！正義英雄基地集合了Iron Man同Ultraman，並以紅白為主色調嘅展覽，配襯住雪白聖誕樹，一起渡過型格聖誕節！而型到爆嘅兩位，喺各自嘅基地展出；高達1.9米嘅Iron Man Mark 3運用咗唔同上色風格於裝甲上，夠晒搶眼！而擺出招牌十字死光姿勢嘅Ultraman亦都氣勢非凡。另外近2米高《宇宙騎士利刃》主角亦閃亮登場，絕對係男人夢想Christmas Party相聚之地！
同場仲有正義英雄產品的開發及生產工序，玩具迷快啲去大眼開界！
3位超級英雄人物絕對係男生必訪嘅偶像之一，擺埋佢哋嘅招牌pose打卡咁就perfect喇！
仲可以睇埋Rambo嘅開發及生產工序。
本地原創 x 30間玩具生產商 180件珍藏曝光
小心失控！港鐵公司旗下4大商場首度聯乘香港品牌玩具協會（HKBTA）及邀請本地原創品牌，齊齊大晒冷，各品牌均會展出鎮店之寶，合計約180件，當中不乏首次模型（MDLX 版變型金剛系列、超人ZERO月神奇蹟型等）、珍貴限量版等；另外亦有首次展出既勇者王等的模型製作流程或手稿，讓你親手揭開背後設計之謎，一定要去勻4個商場逐個細心觀賞喇！
Threezero第三款推出嘅MDLX系列角色，將會係狂派的最高領袖麥加登，今次係首次展出，內置可動關節，完美呈現出電影中嘅神髓。
由日本知名雕塑家Akinori Takaki(高木アキノリ) 推出threezeroX Akinori Takaki超人ZERO新版本，名為「超人ZERO 月神奇蹟型」。
URDU 7吋廸士尼人物公仔，已於11月25日登場，送比人做聖誕禮物啱晒喇！
快啲約埋家人朋友齊齊暢遊各大玩具世界，同本地原創角色、超人氣動漫人物、卡通人物打卡啦！
資料由客戶提供
-
生活
Foca - 護心戰士❣️ - 川御活心通
Foca - 護心戰士❣️ - 川御活心通 高血壓是一種潛在很多健康問題的症狀❣️，我與Foca都非常着重家人的健康，定期會檢查家人們的健康狀態🫂，一般醫生通常只會用血壓藥來抑制血壓飆升的問題，根本上是治標不治本，要改善問題當然要從根源入手，為身體機能保養，達至加強自我修複，從而減少對藥物的依賴。💊 除了確保家人的日常飲食保持健康和維持規律的作息外，最近發現這款產品帶有溫和成份，包括三七、丹參、銀杏葉萃取物還有維他命e、納豆激酶素、檸檬酸鎂以及還原型CoQ10。🫀 成份控的我當然也研究了一番關於還原型CoQ10(Ubiquinol)的特殊功效，高血壓患者特別適用，有補助降血壓的能力，能有效保護血管強度，不過價錢較貴。💰 不過幸好這款產品親民，現在可以一半價錢感受還原型CoQ10啦，健康不再是奢侈品！血管而家有左保養品，個心都定啲🥰。問埋醫生個身體狀況再調整食用份量就萬無一失啦！😉 #川御活心通#心臟健康#還原型CoQ10#保健產品#護心 focabbforever FocaForever CuteFoca CuteSeal CuteAnimals Kawaii FoodPorn HongKongFood FamilyTime 可愛動物 小海豹 香港美食 癒し 溫馨 健康生活 PetLovers AdorableAnimals DailyCute
閱讀更多
-
香港攻略
Mikiki
免費入場！室內都影到超靚鬱金香花海🌷🌷
就喺 ｢Lazy Corgi春日農莊派對｣🐶 復活節長假期一定要嚟呢到!好似童話世界一樣🌷農莊入邊除左有花海,仲有有尾哥基化身復活兔造型,大家可以盡情同｢懶懶基｣打卡📸 🐣復活節限定!即日起至 4 月 12 日!🐰 🐶🌷場內6 大必影打卡位🌷🐶 1️⃣3.5米高巨型充氣 Lazy Corgi——換上復活兔造型,懶洋洋坐在花圃中,萌到爆 燈! 2️⃣2.8 米高巨型充氣繽紛花壺——盛滿粉嫩春花,帶你走進放大版童話農莊! 3️⃣3.2 米高歐陸風田園風車——彷彿穿越到歐洲鄉村,充滿童話色彩! 4️⃣巨型充氣鬱金香——構成浪漫春日打卡裝置! 5️⃣花漾繡球小卡車——滿載夢幻綉球花,少女感即刻滿瀉! 6️⃣夢幻鬱金香花圃——猶如走進童話繪本般浪漫! 🎊3大互動遊戲, 完成三大任務仲有精美禮品! 🎊 🐣眼明手快趕雞仔回家——化身小農夫用扇子趕雞仔返屋企 🥚復活節滾蛋樂——傳統滾蛋遊戲超刺激 🐶哥基美食大挑戰——用大夾子將哥基美食夾入藤籃好玩又刺激 🐾仲有毛孩 Egg Hunt Pawty､復活蛋盆景工作坊､扭扭汽球換領等精彩活動,啱晒一家大細同埋有小毛孩嘅你哋一齊嚟放電😍 玩完仲可以去商場內的餐廳充電｡商場入面超多餐廳同遊樂設施設! 今次玩完我同Marine 仲去埋Namco 玩!呢間 Namco 超級大仲有好多新款公仔夾! 成功拎咗好戰利品返屋企🤣 📆即日起至 4 月 12 日 📍Mikiki 地下中庭A區 💳The Point 會員消費滿指定金額仲可以換領主題環保袋 大家快啲帶埋小朋友同小毛孩嚟打卡啦! #mikiki#mikikimall#KaiTak#SanPoKong#啟德 #新蒲崗#LazyCorgi春日農莊派對 {{hket:campaign display="我想要麒麟櫻花禮品"}}{{/hket:campaign}}
閱讀更多
-
親子
西沙GO PARK
✨Go Park 玩樂日記✨
上次同表姨去西沙 Go Park,真係玩到唔捨得走!🚲🛹 我哋去咗滑板公園,呢度為滑板愛好者提供了自由練習和創造花式動作的空間｡場地寬敞安全,無論新手定高手都可以盡情享受~ 附近仲有好多其他運動設施同餐廳,玩完可以慢慢歎美食｡夜晚去咗Pizza Express 食薄餅 🍕,再歎 Bunny Churros 嘅甜品~大人小朋友個個都捧住個肚走! 呢到交通好方便,港鐵烏溪沙/大學站轉車 5–9 分鐘就到,仲有巴士､小巴同停車場,親子､朋友一齊去都好啱!💛 #GoPark#西沙好去處#滑板車#滑板#親子活動#馬鞍山#去新酒店Staycation
閱讀更多
港生活人氣本地熱話
《U GO》請您睇《劇場版 角落小夥伴 從天而降的雲之冒險》！
首度「升空」大歷險🚀超萌新角色引爆治癒力✨
《U GO》x Shiro請您品嚐Weekend Brunch！
↓ 進駐中環大館主打現代日式料理嘅人氣餐廳 ↓
搵好去處