文青召集！YOHO MALL聖誕國度逛本地人氣手作市集兼遊雪影森林

文: a.Ki

2022.12.01

踏入12月，聖誕氣氛已經迫到埋身，YOHO MALL已率先打造出夢幻氛圍，將YOHO MALL I中庭化身成「雪影極幻森林」，唔使飛長途都可以感受北歐雪國嘅極光景致！除咗可以瘋狂打卡外，YOHO MALL更引入逾20個本地人氣手作品牌，令一眾支持本土製作及藝文青們，可以一次過飽覽各款精緻獨特嘅聖誕禮物，於冬日佳節為摯愛挑選心甜禮物，送上窩心祝福！！

必入！精選人氣手作市集登場

仲未諗到送乜嘢禮物畀各位親朋好友、或是想喺party上畀大家一份驚喜，相信YOHO MALL「雪影極幻聖誕市集」一定幫你搵到靈感！超過20個人氣手作及精品品牌將會輪流進駐YOHO MALL II中庭，由近件人氣大熱日曆禮盒；手工草本護膚精品，到北歐風首飾選物，均於聖誕市集登場。即刻睇吓我哋嘅今次心水推介啦~

香氣入魂大愛香薰日曆x手造有機香薰及護膚

以清雅茶香香薰及草本浴沐配方個人護理產品主打嘅「木見muk6jin6 x 不只notonly」，剛推出近年大熱嘅倒數日曆禮盒，以品牌大熱嘅香薰結合超解開箱癮嘅unboxing概念設計，絕對係人見人愛之選。

同樣以手造香薰及個人護膚品為主嘅「by ginny」，加入天然有機花水製造，採用海拔1,000米以上嘅高原植物研製，由南法花農悉心培植，稀有度滿分；今次聖誕市集就主打大豆蠟燭及抗敏護膚產品，絕對值得一試。

味覺享受手工曲奇 x 本土製水果酒

手工烘焙糕點曲奇等點心為主嘅「Avoir du chien」，用料上乘，啖啖鬆脆口感十足，非一般街鋪質素可媲美。

100%本港人手製造嘅「Hkwinenot」水果酒，選用全天然食材釀製，每口都清新可口，帶有濃濃水果香氣，一飲難忘。

手作精品工藝與心思結晶

（左）以手製理念融入設計思維嘅「homework家庭作業」，除咗自家繪製嘅得意動物刺繡外，亦有啱晒時節嘅聖誕花環及盤栽選擇；（右）以小動物形象作品牌主打嘅「Oh you made my day」絕對係一眾奴才們嘅必逛之選！

（左）以日常鎖事為靈感，製作出各款皮革飾物嘅「OYTY handmade leather Studio」，每款首飾都精緻優雅，送禮自用都好合適；（右）主打以日本保鮮花及日本千代紙配上各式天然石作設計嘅「Zen Handmade Accessories」，每件首飾精品都是獨一無二，精巧獨特。

「雪影極幻聖誕市集」

日期：即日起至2023年1月2日

時間：11am - 9pm

地點：YOHO MALL II 中庭

聖誕限定唯美場景感受沉浸式視覺享受

欣賞完咁多位手作達人作品後，係時候到網美們出手喇！YOHO MALL I由即日起至2023年1月2日，化身成夢幻雪國小鎮，讓即使留喺香港無出國嘅你，都一樣可以感受雪國聖誕浪漫氣氛！即刻學吓點打卡先~

Check point 1：打卡必到極光體驗館

極光體驗館內佈滿垂吊彩帶，光影折射特效塑造幻彩光芒效果，恍如流星般劃破冰川極地，製造出幻影般極光環繞穿梭，保證大家眼前一亮！

Check point 2：閃炫玻璃屋 + 雙色夢之森

由木系製成嘅圓拱形閃炫玻璃屋內，與閨密或摯愛於沙化雅座上，感受暖笠笠溫馨時光；再到由楓葉橘紅及銀杏黃色系聖誕樹組成嘅「雙色夢之森」，近 20,000 顆小燈泡為你營造出漸層森林，閃光透射效果，讓你隨手拍都做大師級感覺。

Check point 3：聖誕星光塔 x 炫白情人樹

要數Ig-able，梗係唔少得由琳琅滿目嘅節日裝飾、與滿載北歐風嘅飾物結合而成夢幻樹屋６米高圓錐形「聖誕星光塔」啦~一睇就知浪漫感十足！過埋去有如置身於冰雪童話王國嘅「炫白情人樹」，打卡，每張都有鑽石般閃爍燈光特效映襯，放閃就係咁簡單。

Check point 4：「巨大化聖誕國度」

超萌雪人於近10呎高聖誕樹及發光聖誕禮物盒前向大家招手，迎接各位進入夢幻的「大」世界！除了有經典的銀白雪系聖誕樹，同場更有巨型聖誕吊飾波波，彷彿置身小人國童話場景，體驗與眾不同的冬日聖誕！

「YOHO MALL雪影極幻森林」

日期：即日起至2023年1月2日

時間：10am - 10pm

地點：YOHO MALL I中庭及YOHO MALL II中庭

兩大商場聯乘推大抽獎消費自動參加獎上加獎

此外，YOHO MALL更與旺角MOKO齊齊於冬日送大禮，由即日起推出「冬日跨年大抽獎」，只要消費滿指定金額並成功登記積分，就可以自動獲得抽獎機會，有機會將大奬Toyota Sienta 7座豪華版、iPhone 14 Pro Max、OSIM uDream Pro 5感養身椅等強勁好禮帶回家。而同時參加「即抽即獎」，更有機會瓜分總共 63,000,000 The Point 積分獎賞，指定商戶贈券及過萬份獎賞禮遇，與大家一起共度驚喜滿分的節日！！

YOHO MALL x MOKO冬日跨年大抽獎

「Chill 級大獎」大抽獎活動

The Point會員只要喺YOHO MALL 以電子貨幣單一消費滿HK$500並成功登記積分，就可以自動獲得1次「Chill級大獎」抽獎機會^。

第一階段認受即日起至2022年12月31日期間內之消費，抽獎日為2023年1月27日；第二階段認受 2023年1月1日至2023年1月21日期間內之消費，抽獎日為2023年2月13日。

「即抽即獎」抽獎活動

The Point會員更可經The Point App參加「即抽即獎」，同樣以電子貨幣單一消費滿HK$500並成功登記積分，就可以獲得1次「即抽即獎」抽獎機會^。

活動認受2022年12月1日至2023年1月21日期間內之消費，The Point會員可每日於The Point App內抽獎並即時得到獎賞！

活動詳情: https://bit.ly/YM_LD_UM

^每套合資格的消費單據可獲最多2次抽獎機會，惟不限活動期內之登記發票次數

*活動受條款及細則約束
推廣生意的競賽牌照號碼：56310-1

網址：www.YOHOMALL.hk

資訊由客戶提供

更多真實評價

Alfa Chiu

生活

Foca - 護心戰士❣️ - 川御活心通

Foca - 護心戰士❣️ - 川御活心通高血壓是一種潛在很多健康問題的症狀❣️，我與Foca都非常着重家人的健康，定期會檢查家人們的健康狀態🫂，一般醫生通常只會用血壓藥來抑制血壓飆升的問題，根本上是治標不治本，要改善問題當然要從根源入手，為身體機能保養，達至加強自我修複，從而減少對藥物的依賴。💊 除了確保家人的日常飲食保持健康和維持規律的作息外，最近發現這款產品帶有溫和成份，包括三七、丹參、銀杏葉萃取物還有維他命e、納豆激酶素、檸檬酸鎂以及還原型CoQ10。🫀 成份控的我當然也研究了一番關於還原型CoQ10(Ubiquinol)的特殊功效，高血壓患者特別適用，有補助降血壓的能力，能有效保護血管強度，不過價錢較貴。💰 不過幸好這款產品親民，現在可以一半價錢感受還原型CoQ10啦，健康不再是奢侈品！血管而家有左保養品，個心都定啲🥰。問埋醫生個身體狀況再調整食用份量就萬無一失啦！😉 #川御活心通#心臟健康#還原型CoQ10#保健產品#護心 focabbforever FocaForever CuteFoca CuteSeal CuteAnimals Kawaii FoodPorn HongKongFood FamilyTime 可愛動物小海豹香港美食癒し溫馨健康生活 PetLovers AdorableAnimals DailyCute

閱讀更多
Dear Marine

香港攻略

Mikiki

免費入場！室內都影到超靚鬱金香花海🌷🌷

就喺｢Lazy Corgi春日農莊派對｣🐶 復活節長假期一定要嚟呢到!好似童話世界一樣🌷農莊入邊除左有花海,仲有有尾哥基化身復活兔造型,大家可以盡情同｢懶懶基｣打卡📸 🐣復活節限定!即日起至 4 月 12 日!🐰 🐶🌷場內6 大必影打卡位🌷🐶 1️⃣3.5米高巨型充氣 Lazy Corgi——換上復活兔造型,懶洋洋坐在花圃中,萌到爆燈! 2️⃣2.8 米高巨型充氣繽紛花壺——盛滿粉嫩春花,帶你走進放大版童話農莊! 3️⃣3.2 米高歐陸風田園風車——彷彿穿越到歐洲鄉村,充滿童話色彩! 4️⃣巨型充氣鬱金香——構成浪漫春日打卡裝置! 5️⃣花漾繡球小卡車——滿載夢幻綉球花,少女感即刻滿瀉! 6️⃣夢幻鬱金香花圃——猶如走進童話繪本般浪漫! 🎊3大互動遊戲, 完成三大任務仲有精美禮品! 🎊 🐣眼明手快趕雞仔回家——化身小農夫用扇子趕雞仔返屋企 🥚復活節滾蛋樂——傳統滾蛋遊戲超刺激 🐶哥基美食大挑戰——用大夾子將哥基美食夾入藤籃好玩又刺激 🐾仲有毛孩 Egg Hunt Pawty､復活蛋盆景工作坊､扭扭汽球換領等精彩活動,啱晒一家大細同埋有小毛孩嘅你哋一齊嚟放電😍 玩完仲可以去商場內的餐廳充電｡商場入面超多餐廳同遊樂設施設! 今次玩完我同Marine 仲去埋Namco 玩!呢間 Namco 超級大仲有好多新款公仔夾! 成功拎咗好戰利品返屋企🤣 📆即日起至 4 月 12 日 📍Mikiki 地下中庭A區 💳The Point 會員消費滿指定金額仲可以換領主題環保袋大家快啲帶埋小朋友同小毛孩嚟打卡啦! #mikiki#mikikimall#KaiTak#SanPoKong#啟德 #新蒲崗#LazyCorgi春日農莊派對 {{hket:campaign display="我想要麒麟櫻花禮品"}}{{/hket:campaign}}

閱讀更多
Man_lokhin.kahei

親子

西沙GO PARK

✨Go Park 玩樂日記✨

上次同表姨去西沙 Go Park,真係玩到唔捨得走!🚲🛹 我哋去咗滑板公園,呢度為滑板愛好者提供了自由練習和創造花式動作的空間｡場地寬敞安全,無論新手定高手都可以盡情享受~ 附近仲有好多其他運動設施同餐廳,玩完可以慢慢歎美食｡夜晚去咗Pizza Express 食薄餅 🍕,再歎 Bunny Churros 嘅甜品~大人小朋友個個都捧住個肚走! 呢到交通好方便,港鐵烏溪沙/大學站轉車 5–9 分鐘就到,仲有巴士､小巴同停車場,親子､朋友一齊去都好啱!💛 #GoPark#西沙好去處#滑板車#滑板#親子活動#馬鞍山#去新酒店Staycation

閱讀更多