真．聖誕老人村驚喜登陸ifc商場！超多打卡位加獨家數碼體驗

官方認證 與聖誕老人村打卡留念

位於芬蘭北極圈內拉普蘭區嘅羅瓦涅米聖誕老人村，係全球唯一官方認可，今次移師嚟到香港，驚喜登陸ifc商場。粉絲們除可於「Santa Claus Village聖誕老人村」聖誕裝置內打卡外，更有多項體驗活動畀大家參與，齊齊過一個觸動心靈嘅窩心冬日旅程。

Check Point 1：聖誕老人村大門 穿越夢幻國度之始

要走入聖誕老人村，必先經過大門位置，甫踏進去已被四周漫天鋪雪及木屋包圍，尤如置身芬蘭冬日旅遊勝地；記得即刻拎起手機打卡喇！

大門佈置洋溢着濃厚聖誕氣氛，唔講以為去咗芬蘭！

Check Point 2：聖誕老人辦公室 訴說你的願望

重現喺芬蘭嘅聖誕老人辦公室，充滿溫馨節日氣氛, 同朋友屋企人打卡一流呀！

Check Point 3：聖誕老人郵政局 將心意傳至芬蘭

唔講唔知，芬蘭嘅聖誕老人郵政局，原來每年要處理來自世界各地寄嚟畀聖誕老人嘅信，數量多達50萬！而ifc商場今次與聖誕老人郵政局合作，精心設計出三款限量版明信片，提供畀訪客選擇。你可以親手寫下願望、蓋上ifc商場獨家設計郵戳，將你嘅心聲傳遞至芬蘭聖誕老人故鄉。

有啲秘密心願想向聖誕老人訴說的話，嚟聖誕老人郵政局，寄出你嘅心意啦~

Check Point 4：聖誕精靈工作坊  學做精靈小幫手

點樣先有資格成為聖誕老人嘅好幫手？答案就喺呢一度！參加聖誕精靈工作坊嘅訪客們，首先要進行「禮物包裝小精靈訓練」，以數碼互動體驗為全球小朋友準備聖誕禮物，成功完成訓練後，就可以獲發證書和別注精靈徽章，讓小朋友締造難忘回憶。

要成為聖誕老人好幫手，就要嚟聖誕精靈工作坊接受訓練喇！

Check Point 5：聖誕老婆婆烘焙店 特製聖誕薑餅人

為咗令每位客人都能夠享受聖誕薑餅，聖誕老婆婆要連夜趕工，太辛苦喇！不如就由小朋友們幫吓手，以數碼體驗製作獨一無二的聖誕薑餅人，既可發揮創意，又可以玩遊戲，開心體驗聖誕氣氛。

好多小朋友都鍾意整嘢食，呢個製作聖誕薑餅人遊戲就啱晒佢哋！

Check Point 6：坐聖誕馴鹿雪橇  喺芬蘭雪原上奔馳

馴鹿雪橇係聖誕老人派送禮物時嘅好幫手，想感受精靈醒目嘅馴鹿點樣喺四周穿梭，就要嚟玩數碼互動體驗「芬蘭雪橇探險之旅」喇！喺遊戲裡面會遇到好多路面嘅障礙物，不妨睇吓你嘅駕駛技術，有冇馴鹿們咁叻叻啦~

大人小朋友都一樣玩得嘅「芬蘭雪橇探險之旅」遊戲，測試你嘅駕「鹿」技術。

購物再享非凡禮遇

成為CLUB ic 會員同日以電子貨幣消費滿港幣3,000元或以上*，即可獲贈Bellota-Bellota 伊比利亞黑毛豬去骨火腿肩肉連砧板套裝乙份，更可享高逹港幣29,200元 ifc商場電子購物禮券；以Citi信用卡或扣賬卡購物滿指定金額，即可獲贈高逹港幣8,400元 Citi-ifc商場電子購物禮券#，詳情請瀏覽花旗銀行網頁www.citibank.hk/ifc。

 Bellota-Bellota 伊比利亞黑毛豬去骨火腿肩肉連砧板套裝乙份，所有禮品及禮券數量有限，送完即止。

資料由客戶提供