澳洲夢幻『Gnomes Orchestra』聲光遊樂園首現亞洲 4大燈光裝置互動登陸利園區 狂賞高達 $50,000電子優惠禮券
除咗浪漫溫馨外，聖誕其實都可以充滿藝術氣息！銅鑼灣利園區今年就搵嚟澳洲知名燈光藝術團隊Amigo & Amigo，聯乘出亞洲首個「Gnomes Orchestra」聲光遊樂園，將利園區打造成4大夢幻打卡亮點，再由小精靈樂團帶領下，感受互動時不一樣嘅繽紛燈效及樂器聲效；玩埋聖誕AR濾鏡同小精靈樂團合照，等你過一個吸Like聖誕！加埋「聖誕狂賞曲」獎賞活動，分分鐘攞埋高達 $50,000奬賞禮遇返屋企！即刻loop落去睇吓點玩法啦~
與藝術裝置互動合奏 上演奇妙交響樂匯演
今次首度嚟香港舉行展覽嘅Amigo & Amigo原來大有來頭，佢哋嘅燈光藝術音樂裝置喺澳洲已享負盛名多年，今次帶嚟利園區嘅「Gnomes Orchestra」聲光遊樂園，包括咗4大聖誕主題裝置，結合音樂與燈光等，呈現出前所未見嘅多媒體藝術，3位手風琴小精靈、長笛小精靈及木琴小精靈更會陪住大家，體驗一場沉浸式嘅「音樂盛宴」！
打卡check point 1：有聲有色「巨型聖誕手風琴拱門」－希慎廣場一樓中庭
一入商場已經俾巨型5米高嘅手風琴小精靈吸引住，加埋3個首次於香港登場嘅手風琴拱門，視覺上已經夠震撼！地下四周更設置咗互動感應器，只要一踏上去就會創造出唔同樂器聲響及燈光效果，小朋友肯定為之瘋狂，身為成年人都忍唔住踏一下，同精靈樂團jam出新樂章！
好多展覽都只係有得睇無互動，今次「Gnomes Orchestra」則集聲、光、藝術於一身，唔單只可以影相打卡，玩埋IG filter，拍埋stories動態都一樣得！
打卡check point 2：燈光匯演「炫彩管樂花園」－希慎廣場地面（啓超道入口）
由小號小精靈帶領住五光十色嘅喇叭花，每30分鐘就會上演一場華麗音樂燈光匯演歡迎大家！只要輕輕觸碰喇叭花燈管上嘅感應裝置，一群4米高花卉藝術燈光裝置隨即奏響不同管樂聲效，配合埋炫彩奪目嘅燈光效果，令人不覺間被悅耳交響曲包圍，夠晒療癒呀！
入夜後嚟到「炫彩管樂花園」，燈光效果更顯夢幻；配埋華麗音樂，影IG stories就啱晒喇！
打卡check point 3：聲光巡演「聖誕聲光迴廊」－利園一期地面（希慎道）
得意可愛嘅小精靈Raphael同埋木琴小精靈，齊齊喺「聖誕聲光迴廊」演奏著聖誕樂曲，只要你輕觸聖誕燈柱，即可引發各種璀璨亮麗燈光及聲效！整個裝置設計仿如時光隧道，每30分鐘就會上演聲光巡演，係同摯愛打卡必到之處！
邊個角度都咁靚嘅「聖誕聲光迴廊」，幫BB豬影相實無投訴。
打卡check point 4：神秘樹林「奇幻聖誕樹花園」
要走入奇幻又趣怪嘅聖誕樹花園，就由博士精靈帶路啦~突破以往聖誕樹傳統形象，可愛獨特，散播住濃厚節日氣氛；加埋圓碌碌嘅形狀令人好想攬住佢哋呀~
想打破傳統，就要嚟「奇幻聖誕樹花園」，感受一下與別不同嘅圓碌碌聖誕樹喇！
利園區「Gnomes Orchestra」聲光遊樂園聖誕主題裝置詳情：
日期：即日起至2/1/2023
時間：11am至9pm
地點：希慎廣場一樓中庭及地面啓超道入口、利舞臺廣場地面、利園一期地面及中庭
約聖誕老人x玩互動遊戲 享限定禮遇兼獎賞
利園區商場內名店林立，喺呢度搵到吃喝玩樂好地方當然無難度！宜家只要喺利園區以電子方式單筆消費滿HK$500或以上，即可換領與聖誕老人打卡門票，一齊以即影即有拍攝及印有特別相框嘅相片留念。消費滿HK$1,000起，則可獲贈HK$50利園區電子優惠禮券及參加抽獎，贏取總值高達$50,000獎賞！另外，利園區更特別推出聖誕心意禮品卡，讓你隨時隨地向摯愛傳遞窩心暖意！
「聖誕老人之約」門票換領詳情：
日期：由即日起至27/12/2022（換完即止）
時間：11am至10:30pm
換領地點：利園一期地面、希慎廣場一樓及利舞臺廣場一樓禮賓部
活動地點：利園一期B1層
利園區內亦佈置咗漫天發光帽子裝飾，呈現出溫暖閃耀光芒，散播不一樣的聖誕氣氛。
只要消費滿$1,000，即時獲贈$50利園區電子優惠禮券，再參加抽奬碰運氣！
「聖誕狂賞曲」消費獎賞詳情:
利園區「聖誕狂賞曲」消費獎賞*換領詳情：
日期：即日起至27/12/2022（換完即止）
地點及時間：利園一期地下、希慎廣場一樓及利舞臺廣場一樓的禮賓部（11am至10:30pm）
Club Avenue會員：利園一期三樓Club Avenue貴賓室或地面會員專櫃（12nn至8pm）
*受條款及細則約束。
推廣生意的競賽牌照號碼：56380-4
利園區聖誕版禮品卡銷售詳情：
地點：希慎廣場一樓禮賓部
時間：11am至10:30pm
禮品卡面值：HK$500 / HK$1,000 / HK$5,000
除此之外，你更可以免費下載獨家「Gnomes Orchestra」WhatsApp貼圖、以及於Lee Gardens Instagram 頁面（@leegardenshk）開啟聖誕AR濾鏡，同3D小精靈一齊selfie！
記得用手機應用程式玩埋「童創小怪獸」聖誕特別限定尋寶遊戲，完成後就可以帶走可愛趣怪嘅小怪獸氣球，憑指定小豬電子印章更可換領精美小怪獸文具及節日限定甜點等期間限定禮遇，讓小朋友享受歡欣聖誕。
聖誕「Gnomes Orchestra」小精靈樂團AR濾鏡及WhatsApp貼圖詳情：
日期： 由即日起至年2/1/2023
AR濾鏡使用方法：
前往Lee Gardens Instagram頁面開啟AR濾鏡
WhatsApp貼圖下載連結：https://whatsticker.online/p/63804119mBlFb/HK
「聖誕特別呈獻：童創小怪獸」尋寶遊戲詳情：
日期：由即日起至2/1/2023（互動照相站僅於星期六、日及公眾假期的2pm至 6 pm開放）
時間：11am至9pm
地點：利園二期二樓（近升降機大堂）
了解更多優惠詳情: https://bit.ly/3UJM0tq
資料由客戶提供
-
珠海攻略
樂士文化區
中國/🌻珠海親子週末2日遊｜樂士文化區&向日葵主題公園
第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨👩👧👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處
閱讀更多
-
珠海攻略
超好玩！珠海室內運動潮玩天堂🤩
趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡ 呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡ 地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼 ｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊
閱讀更多
-
節日限定
西九咖啡節2026 COFFEE HONG KONG@WestK
復活節必去!西九限定咖啡☕️嘉年華!
只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有 國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}
閱讀更多
港生活人氣好去處
《U GO》送您🌟 Looki L1 AI隨身攝錄機！
↓捕捉4K 影像📸每日自動生成專屬Vlog🎞️！↓
【小小KOL招募中‼️】解鎖無限親子體驗，好物／好去處搶先試！
假日好去處