想聽音樂？還是想睇勁舞？今個聖誕一定要嚟港鐵旗下商場，感受濃厚聖誕氣氛！

文: a.Ki

2022.12.17

PopoCorn、德福廣場、青衣城及The LOHAS康城安排咗一連串精彩表演節目，鍾意聽現場音樂或擁有跳舞魂嘅你記得留意演出時間喇！欣賞完畢仲可以睇埋與香港品牌玩具協會（HKBTA）嘅一場聖誕特別聯乘，多款本地創作角色、日本經典機械人、可愛卡通人物及人氣動漫英雄，紛紛轉化成實體擺你睇前，加埋唔同主題嘅聖誕大型裝置、以及來自不同地方嘅限量珍藏，咁難得嘅機會又點可以錯過！一於今次同你先行介紹！

穿梭夢․玩․車站本地原創進駐PopCorn

一個帶有濃厚異國風情嘅火車站上，載嚟多位本地人氣原創角色，包括慢星球人阿Pi、BURGER KUN、SamSam、Angel Cat、妹頭、The Flower Fox、Mini Barber Chunk以及功夫三腳貓等等，一齊嚟到PopCorn同大家見面！有啲仲匿藏喺5米高巨型玩具燈塔內，靜靜哋等你發掘佢哋蹤影！

喺呢個咁夢幻嘅車站上，匯聚咗8大本地原創角色，佢哋每位都各具特色，能夠獨當一面，你又鍾意邊位？

焦點之一嘅全球限量一隻手繪特別版Sam Sam Joker，有錢都未必買得到！

由Pat Lee設計Tom & Jerry二次創作、以及多年嚟仍然觸動人心嘅小王子，前者趣味十足、後者完全呈現出原作那份溫婉感覺。

聖誕機械工場經典再現德福

成日話「我們的80年代」，其實只要係經典，乜嘢年代嘅玩家都一樣會欣賞！好似喺德福廣場出現嘅五獅合體的《百獸王》、《超時空要塞》嘅韋基利 VF-1S、以及1.8米高嘅《機動警察》英格倫1號機，都吸引到唔同年齡層嘅玩家追捧；同場更有玩味十足、由本地藝術家Felix Ip設計嘅《香港重機》，除咗可以同佢哋真身打卡外，更有多張《香港重機》手稿展出，平時難得一見，今次梗係要好好細量一下！

而鍾意機械人嘅你，一定要嚟探吓首次展出嘅Premium柯柏文首辦及成品、真三一萬能俠1號機（黑色版）等玩具；想送自己一份聖誕禮物的話，亦可以喺期間限定店度掃貨，絕對唔會讓你空手而回！

經常用作迷因圖嘅《超時空要塞》，已經深入唔同年齡層之中成為經典！場內亦有多款機械人Figure，均來自唔同動漫嘅主角，嚟呢度就可以一次過睇晒！

五獅合體的《百獸王》及《香港重機》雖然係兩個不同年代產品，但同樣喺佢哋所屬年代被受追捧。

睇完各款機械人手稿後，場內更有觸控屏幕，畀大家一探設計圖奧秘。

既然有首度曝光嘅Premium1:6柯柏文首辦及成品，梗係要有埋狂派再起 DLX 麥加登先夠睇頭啦~睇完行過隔離就可以掃埋禮物畀自己，呢個安排好滿足！

聖誕遊樂園與閨密甜遊青衣城

即使唔係粉紅控，但乖巧得意嘅小飛象、好友小老鼠Timothy、萬人迷勞蘇、可愛爆燈嘅加菲貓以及甜美精靈嘅Tweety一齊同你打卡甜遊青衣城的話，都已經攞滿分！呢度唔單只可以喺6.5米高嘅聖誕金字塔、滿載甜蜜氣息嘅甜品隧道影出靚相，仲有甜點遊樂場及雪糕魔法鏡，等你發掘絕美角度；去埋同場玩具展欣賞3D《沖天救兵》玩具製作流程、以及限定店掃貨，完滿又夠fun。

等你等到好眼瞓嘅加菲貓，就喺6.5米高嘅聖誕金字塔前同大家見面！仲有以全新嘉年華造型登場嘅萬人迷勞蘇、以及陪你玩搖搖板嘅Tweety，都會同你一齊過聖誕。

打完卡梗係過隔離限定店掃貨啦！呢個7吋高嘅唐老鴨、米奇及小熊維尼都好得意啊。

呢度仲展出咗《沖天救兵》的老人Carl及男孩Russell嘅3D玩具模型玩具製作流程，一啲都唔簡單！

正義英雄基地男生聖地The LOHAS康城

男生聖地絕對係The LOHAS康城無誤！呢度集齊咗Iron Man、Ultraman、《宇宙騎士利刃》主角等正義英雄，全場以紅白色配襯皚皚白雪；喺聖誕樹林立之下，高達1.9米嘅Iron Man Mark 3及2米高《宇宙騎士利刃》更顯非凡氣勢，仲有 Ultraman貼地又親民地擺出招牌動作，可以同一眾男粉絲來個近距離接觸！

無論男仔屬小朋友定大人，最愛都係動漫入面嘅超級英雄。

除左Iron Man，仲有嚟自三個唔同空間嘅Spiderman及Dr.Strange齊齊登場。

展出180件珍藏本地創作人大晒冷

每個人心裡面都有佢嘅珍藏及寶物，要一次過睇晒一班本地創作者嘅心血，今次港鐵商場與香港品牌玩具協會（HKBTA）聯乘合作就可以滿足到！近 30 間本地生產商攜手於各大場景展出合共約 180 件「鎮店之寶」，除了可欣賞每一款匠心製作的作品之餘，亦可以支持一班本地玩具設計師！

感受現場悠揚樂章焫着身體熱舞一番

喺聖誕節，港鐵商場PopCorn、德福廣場、青衣城及The LOHAS康城已經為大家安排咗一連串現場精彩表演，除咗悠揚嘅聖誕樂章外，仲有大型快閃舞蹈演出！而聖誕主角之一嘅Santa Clause聖誕老人，更會隨時嚟到同大家見面抱抱，記得上官網mark實日期時間，去同佢哋齊齊玩喇！

( Source : MTR Malls)

更多真實評價

Sasabb

珠海攻略

樂士文化區

中國/🌻珠海親子週末2日遊｜樂士文化區&向日葵主題公園

第一日: 午餐後,開展一個超悠閒下午~直接衝去樂士文化區!文青打卡+親子同樂,絕對chill到唔捨得走~ ✳️ 樂士文化區玩樂資訊: ⏰ 開放時間:全天候open,點解唔即刻plan過嚟? 📍 地址:珠海市香洲區岱山路7074號樂士文化區 ⏱️ 建議遊玩時間:2-3小時,hea住一個下午絕對夠曬~ 遊完文化區,可以順路過隔離去打卡向日葵主題公園(又叫岱山公園).放電必去! 🌻 向日葵主題公園(岱山公園) 📍 地址:珠海市香洲區岱山路70號(就係樂士文化區旁邊,極方便!) ⏰ 開放時間:星期一至五 15:30-21:30 星期六至日 09:00-21:30 週末早啲入嚟,陽光正好影相分分鐘直出大片~😍 第二日: 續玩行程就去融德廣場!超多親子家庭friendly嘅玩樂選擇,呢度真係細路玩到唔肯走! 🌟 融德廣場重點推介: - 酷樂思家庭娛樂中心 - 萬達影城(中影CINITY LED打卡新體驗) - 樂貝兒萌寵樂園 - 奇妙之城,放電天堂 - 文華書城(仲有DIY工作坊,手作仔必到) 📍 地址:廣東省珠海市香洲區永德街8號 ⏰ 營業時間:10:00-21:00 (各區域開放時間會有小小唔同,去之前記得Check清楚呀!) 3月最啱親子遊!呢個行程輕鬆又好玩,CP值超高,一家大細Chill住hea 行程就咁簡單搞掂!👨‍👩‍👧‍👦💖 #ucreator{{hket:campaign display="我想要麒麟櫻花禮品"}}{{/hket:campaign}}#好去處#親子活動#珠海好去處

閱讀更多
GanWes

珠海攻略

超好玩！珠海室內運動潮玩天堂🤩

趣鯤鵬潮玩運動匯(珠海橫琴創新方店)係一個主打｢室內潮玩+運動娛樂｣嘅大型場館,場館面積約 30,000 呎,設有 30+ 種玩樂項目,因為全部都係室內項目,所以唔受天氣影響｡呢度最大賣點係｢一站式室內玩樂｣,結合咗運動､娛樂同互動科技元素,例如模擬賽車､動感摩托､VR 戰車､保齡球､桌球､網球等,亦有 360° 自行車､互動足球､卡拉 OK､桌遊､互動籃球等項目｡地址:珠海市橫琴天羽道 111 號創新方東區一樓 (由港珠澳大橋口岸搭的士大約 25 分鐘) 營業時間:一般為 10:00–22:00 1大1小橫琴國家地理探險家中心+趣鯤鵬潮玩運動匯門票 https://novotown.com.hk/i/UIhnhbgAA 🌟輸入優惠碼｢Easter98｣有折扣 #室內遊樂場#趣鯤鵬潮玩運動匯#珠海橫琴#珠海一日遊攻略{{hket:campaign display="長隆放電假期"}}{{/hket:campaign}}#珠海親子遊

閱讀更多
Dear Marine

節日限定

西九咖啡節2026 COFFEE HONG KONG@WestK

復活節必去!西九限定咖啡☕️嘉年華!

只限4日!雲集80+ 個本地及國際品牌×世界冠軍咖啡師 ! 今次仲有多個首次來港獨家參展的海外知名咖啡品牌,包括世界冠軍🏆､世界🌎百大咖啡館及各地得獎咖啡師 ! 身為咖啡迷嘅我實喺飲到唔捨得走!一次過試曬香港🇭🇰本地,日本🇯🇵韓國 🇰🇷東南亞甚至內地嘅咖啡品牌!即可以現場同唔同嘅咖啡師交流!除左靚啡,現場仲有美食美酒可以一齊品嚐! 飲完啡,仲可以同泰國人氣角色臘腸狗 Wednesday 打卡! 多位人氣 DJ 仲會首日驚喜登場!仲有國際級 DCR Milda､Tiga 由經典廣東歌延伸至西洋電子音樂打造全港最大型戶外音樂咖啡派對🎉 2026 Coffee Hong Kong ☕️ 📆2026年4月3-6日 🕰️11:00- 20:00 📍西九文化區藝術公園大草坪 ✨親子寵物友善,大人小朋友都可以執嫁✨ 入場需記得購買門票🎫 @coffeehkg #CoffeeHongKong#ACupBeyondCircle#香港咖啡節#西九文化區{{hket:campaign display="長隆放電假期"}}{{/hket:campaign}}

閱讀更多