黃埔天地 港產特色品牌+開運打卡熱點 高質年貨過肥年 經典場景行大運

港產原創檔攤 特色商號有驚喜

走入時尚坊MTR層，穿梭於80年代嘅香港景象，到處都瀰漫着一股懷舊氣氛！匯集12個香港原創及特色品牌攤檔嘅「大街小巷」辦年貨市集裏，可以見到美樂士多嘅懷舊賀年食品竹藍，滿載住10款經典食品，有人見人愛嘅花占餅及白兔糖、亦有近年少見嘅生仁糕及黃心梅糖等；亦有溫情滿滿嘅到家美食及其他應節年貨、賀年糕點以及臘腸海味、醬油調味及經典懷舊小食，辦年貨就啱晒喇！另外一班手作達人亦帶嚟各款玩味賀年飾品及傳統手作擺設等，趣致又別具特色，仲可以感受一下舊日攤檔之間濃厚嘅人情味！

「大街小巷」辦年貨市集有多個本地品牌進駐，帶嚟各款經典食品及賀年美食，仲有新年擺設及飾咕，辦年貨啱晒~

經典懷舊小食，滿載香港人嘅集體回憶！

吸Like必影 絕美手繪開運打卡靚景

走勻大街小巷、經常喺冰室打躉吸收靈感嘅本地插畫家「愛在大街小巷中找你」負責今次企劃，設計師過往以插畫記錄即將逝去嘅老香港風景成名，今次同樣以充滿童趣嘅手繪風，畫出「大街小巷辦年貨」、「林村許願樹」及「入廟拜神」場景多個打卡位，訪客可以同招運風車、富貴金豬錢罌、新春大吉等selfie一下攞個好意頭！場景將昔日香港風貌重現，設計師更以舊香港具代表性街道招牌畫成揮春，配上玩味新春賀詞，畀大家齊齊感受吓港式氣氛！

由本地插畫家「愛在大街小巷中找你」以插畫畫出「大街小巷辦年貨」、「林村許願樹」及「入廟拜神」嘅場景充滿童趣味道。

參加大師級工作坊 輕鬆玩DIY手作

黃埔天地每次推出活動都會舉辦好多特色工作坊與眾同樂，今次亦唔例外，更加碼邀得國際著名摺紙藝術家陳柏熹到場，親自喺工作坊傳授立體福兔摺紙技巧；同時亦請嚟著名書法家華戈呈獻「兔紙揮筆型卯年」，兩位亦將作品化身成傳統書法及摺紙藝術嘅打卡賀年藝術裝置，佇立喺黃埔號及聚寶坊，畀大家打卡賀年、傳遞祝福意思。

小朋友亦可以參加好運風車DIY製作及懷舊扭蛋遊戲換取貼紙等，，有得玩有得食兼掃埋貨，即刻帶屋企人去感受吓呢份80年代情懷啦~

憑指定消費就可以參加好運風車DIY製作及懷舊扭蛋遊戲，玩完可以換得意賀年貼紙外，亦有精美兔年利是封揀！

《黃埔天地「大街小巷」辦年貨市集》

日期： 14-15/1及21/1

市集時間：12nn至8pm

市集地點：時尚坊MTR層

《黃埔天地「懷舊扭蛋遊戲」/「好運風車工作坊」》

「懷舊扭蛋遊戲」日期及時間： 14-15/1及21/1，1pm至8pm(或至換完即止）

「好運風車工作坊」日期及時間： 14-15/1及21/1，2pm至7pm（每日10節，每節25分鐘）

地點：時尚坊MTR層

換領日期及時間： 14-15/1及21/1，1 pm至6:30pm (或至換完即止)

換領地點：時尚坊地下禮賓處

詳情：憑黃埔天地任何商舖以電子貨幣*消費滿$200或以上之電子貨幣付款存根/交易紀錄頁面及對應商戶同日之單一機印發票，即可換領遊戲券乙張或工作坊名額乙個。名額有限，換完即止。

《黃埔天地「立體福兔摺紙」工作坊》

日期及時間：14-15/1，2pm至6pm（每日4節，每節45分鐘）

地點：時尚坊MTR層

換領日期及時間：14/1及15/1，1 pm至5 pm(或至換完即止)

換領地點：時尚坊地下禮賓處

詳情：憑黃埔天地任何商舖以電子貨幣*消費滿$300或以上之電子貨幣付款存根/交易紀錄頁面及對應商戶同日之單一機印發票，即可換領工作坊名額乙個。每節名額有限，換完即止。

《黃埔天地「玉免迎春」利是封換領》

日期及時間：即日起至換完即止，12nn至10pm

地點：時尚坊地下、美食坊一棲、聚寶坊地庫及家居庭地下禮賓處

換領日期及時間：憑黃埔天地任何商舖以電子貨幣*消費滿$200或以上之電子貨幣付款存根/交易紀錄頁面及對應商戶同日之單一機印發票，即可換領「玉免迎春」利是封（一套8個）乙套，換完即止。

*電子貨幣只限易辦事、信用卡(不包括虛擬電子信用卡)、八達通、支付寶、微信支付、雲閃付、ApplePay、Google Pay、Samsung Pay、Tap & Go、TNG Wallet、PayMe或BOC Pay，其他網上付款支付程式或個別商戶支付平台及會員扣帳卡恕不接受。

資料由客戶提供