山頂2小時簡易路線睇維港景！10/3閉館前參觀龍虎山百年古蹟！哥哥張國榮MV取景地
春天即將到來，天氣逐漸回暖，襯著有好天氣不如即興和朋友去行山！今次向大家推介山頂超簡易行山郊遊路線，全程2小時走完。路線以平路為主，中途會經過盧吉道觀景台飽覽香港美景，兼順道到訪有3座歷史建築的龍虎山環境教育中心，中心會在3月10日起閉館，大家記得抓緊尾巴參觀，即入內文看看路線啦。
即刻去片：
今次路線為全平路，起點在山頂廣場，先往盧吉道方向一路直行，沿途有開揚景色，將整個香港映入眼簾。盧吉道走20分鐘後隨即會到達盧吉道觀景台，觀景台可看到商廈林立的中上環，又會看到維多利亞港和九龍半島，忍不住要瘋狂打卡！
盧吉道走到盡頭會看到高西郊遊區，往右邊夏力道走，前行一小段路即轉右往克頓道走。克頓道一路前行跟大路走，路線以落斜路為主，途中會經過克頓道公廁，亦會看到龍虎山郊野公園路牌。
走到底後左手面有樓梯，落樓梯到旭龢消防局往左手面繼續走，走到旭龢道公廁會見到樓梯，落去即達龍虎山環境教育中心。
龍虎山環境教育中心將於今年3月10日起閉館暫停對外開放。中心前身為水務署職員宿舍，於1890年成立，中途又曾為公務員宿舍，經過百多年後成為由環境保護署及香港大學合作的龍虎山環境教育中心，推廣自然生態探索。中心更是哥哥張國榮《你這樣恨我》的MV取景地。
進入中心旋即會被2間英式小白屋和1間紅磚屋吸引，它們分別為一級及二級歷史建築，配上外面的綠色花園，稱為隱世後花園絕不為過。小屋均為殖民時期興建的維多利亞式建築，屋子的基底升高以阻隔地上濕氣；屋外有迴廊，並有歐式拱形窗戶；屋頂又有煙囪。
雖然龍虎山環境教育中心為環保署和港大合作的企劃，但小屋外面的庭園設施均是以前住客所留下的，就連庭園中心的生態池亦是曾居住的園景建築師Stephanie Crockett的泳池改變用途後而有的。
中心近來有以「感知自然」為主，以《一樹無聲》為題的展覽，運用視覺、聽覺、嗅覺等讓參觀人士多方面去了解樹木。部分展品更散落在中心各個角落，讓大家周圍走發掘中心設施。
為了讓遊客了解更多龍虎山郊野公園，中心有提供各種指南供大家取閱，讓大家以不同方式遊覽。
山頂 -> 龍虎山環境教育中心 -> 香港大學
路程：2小時（連影相時間）
前往山頂方法：
巴士 - 於港鐵香港站D出口搭乘15號或X15號巴士；
小巴 - 於港鐵香港站E出口搭乘1號綠色小巴；
山頂纜車 - 從港鐵中環站J2出口步行至花園道山頂纜車站
活動資訊
- 地點
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
The Musicbox Grill House & Bar
銅鑼灣高CP值扒房🥩音樂超Chill🎶
銅鑼灣音樂主題美式扒房|The Musicbox Grill House & Bar $688 二人套餐 超抵又高質!! 整體份量足､質素高､性價比高,音樂主題環境加持,食完仲可以聽歌放鬆｡環境充滿音樂氛圍,黑膠唱片､DJ台､復古海報 氣氛一流,適合朋友聚餐或者約會~ ▫️ 周打蜆湯濃郁奶香 ▫️ 蔬菜湯清新暖胃 ▫️ 新奧爾良風味烤蠔,香濃惹味,蠔肉鮮甜彈牙 ▫️沙律新鮮爽脆,芝士粉､麵包粒同煙肉配搭得啱啱好,經典又開胃 ▫️68°C 慢煮黃雞(半隻) 慢煮到肉質嫩滑多汁,外皮香脆,好有層次! ▫️阿根廷穀飼肉眼,油花豐富,燒到外焦內嫩,牛味濃郁,入口即化~ ▫️ New York Cheesecake 芝士味濃郁,質地軟滑 ▫️ Crème Brûlée 焦糖脆皮,奶香細滑,完美收尾 𓆝𓆟𓆜𓆞𓆝𓆟𓆜 🍴 The Musicbox Grill House & Bar —————————————————— 👀 Follow @ahmoon.tt 👍 comment|share|like|save 💬 DM for collaborations #ahmoontt#TheMusicbox#MusicboxGrill#銅鑼灣美食#美式扒房#牛扒#烤蠔#西餐#CausewayBay#香港美食
閱讀更多
港生活人氣好去處
↓【快閃送】大派原箱韓式甜辣醬拌麵↓
↓酸甜惹味，微辣過癮↓
🚨【U Community研學室正式上線！】🚨
>🌟免費下載幼稚園/小學工作紙x試題<
U GO 本週好去處
