2023年澳門必玩新事 新濠影滙水上樂園 會員搶先體驗室內園區16 個刺激設施 見字玩水！
2023年，澳門新濠影滙將再次掀起巨浪！
講緊係全澳最大、最新落成嘅太空主題全新室內水上樂園呀！裡面有16種刺激遊樂設施，今次就同你搶先睇多個激FUN項目，包括打卡必到「天際星空池」、必玩「時空競賽」、超刺激「光速飛車」，仲有超多驚喜刺激設施等你逐一挑戰，考驗你膽量Level！現在更可以加入「新濠風尚」微信會員，快人一步搶先體驗激新水之道！
搶先試！新濠影滙最新玩樂體驗
最矚目當然係全澳最大，陰天落雨都可以照玩嘅全天候水上樂園，2023年全新嘅室內園區以太空為主題，足足有16個玩水熱點，更會結合現有戶外園區，想曬太陽又得，天氣唔好入室內挑戰膽量又得，等你玩水玩足365日。下面就同你盤點新園區最刺激體驗！
親子級 刺激指數 ★
太空控制台、星空激流、藍月噴泉
中央位置有專為親子設計嘅嬉水城堡，輪住玩螺旋滑水道、滑梯、大水桶、雨林同水槍等。旁邊有一條246米激流，漂住體驗瀑布、水簾同噴霧效果，嚟到1,200平方米嘅波浪水池就會被噴水嘅山岩包圍，噴泉狂湧加上浪花翻騰，歷險味十足！
必打卡:
天際星空池
想暢泳兼睇風景？游出去天際星空池延伸至室外嘅部分，頭頂有藍天一片，向下望就係透明玻璃，猶如懸浮半空，絕對係獨一無二嘅必影超級打卡靚位！
中癲級 刺激指數 ★★★
火星造浪池
超像真人造浪，帶住你漂住乘風破浪，喺身邊捲起層層浪花，歡迎你隨波逐流！
身高限制：≥1.1米
時空競賽
想同朋友嚟場高速比賽？參加時空競賽啦！齊齊喺17米高封閉滑水道高速俯衝，再掟個靚彎直衝終點！
身高限制：≥1.1米
量子風暴
坐住橡皮艇喺封閉水道入面極速飛馳，出返嚟即遇上螺旋型滑道，以時速25公里下降2.5米，驚驚！
身高限制：≥1.1米
大癲級 刺激指數 ★★★★★
光速飛車
全澳唯一水上過山車。喺水上樂園嘅半空極速飛馳你試過未？依架300米長水山過山車，用水力加速，過山車有嘅攀升、俯衝同反重力驚嚇位統統玩齊！
身高限制：≥1.1米
極限逃生艙
星際主題，當然少不了經典逃生艙，走入半透明水管滑梯，無先兆垂直自由落體15米，驚過跳樓機呀！
天崖海角
冇睇錯，3.7米深水池有一面攀岩牆，畀你體驗一躍而下嘅快感。爬幾高，就睇你有幾大膽，上吧勇者！
身高限制：≥1.4米
戶外園區同陽光玩遊戲
全新室內園區會同現有戶外園區打通，可以隨時出走感受火辣辣陽光，享受夏日活力氣息，再玩盡戶外！
「沖天水龍捲」集合多條刺激滑道，想感受速度與激情有半透明隧道設計嘅「極風漩渦」；想體驗回旋快感，就投入設有大碗形狀滑道嘅「旋風迴龍」啦；視覺衝擊就有「炫彩旋風」，滑道自帶幻彩光效，畀你沉浸式體驗！
同樣有驚險自由落體設施，體驗直衝落水的快感。還有U形滑板激蕩回旋，一上一下蕩出叫人尖叫的離心力！
黃金大水桶、綠野遊蹤
集合一家大細、一班朋友，齊齊等待黃金大水桶注滿水一刻，被強大水流由頭淋到落腳，爽呀！圍繞戶外園區有長長嘅熱帶森林飄流河，穿越驚險河道同白沙沙灘，釋放冒險細胞！
場內除了有大型戶外泳池，亦有為小童而設的小童嬉水池，設有安全滑水梯及淺水池，讓你安心享受親子樂。
潮食美式Deli 歎秘製和風拉麵
新園區咁刺激好玩，HP自然跌得好快，新濠影滙入面有唔少讓你好好回血嘅美食，包括榮獲米芝蓮一星嘅粵菜餐廳「玥龍軒」、集合東南亞地道馳名美嘅「東南薈」、感受意大利人對美食嘅忠誠同熱情嘅意式餐廳「意滙」。但想一家大細或一班朋友迅間回血，必試以下兩間餐廳，「新濠風尚」會員仲可以獨享會員9折優惠！
瀛菊拉麵
大廚以豚骨、雞骨、牛骨，加上大量蔬菜、昆布、魚乾、蔬菜熬製自家高湯，叫人回味無窮，仲可以嘗盡北海道鹽味湯和牛拉麵、札幌辣味噌湯海鮮拉麵、博多豚骨湯叉燒拉麵、鹿兒島濃厚雞白湯雞肉拉麵，同東京醬油湯叉燒拉麵，畀你用舌頭飛一轉日本。
載運美式餐室
懷舊點唱機、霓虹燈裝飾，重現美國經典Deli餐館風格。自選三文治、沙律、咖啡、雪糕汽水、奶昔、雪糕，細路開心，大人放心，最適合全家人出動！
免費入會搶先體驗太空主題水上樂園
最新的新濠影滙水上樂園將會於4月28日正式向外開放，但「新濠風尚」會員可以喺4月6至27日優先體驗室內園區！只要登入www.studiocity-macau.com/tc/melcostyle免費登記成為「新濠風尚」會員，就可以搶先感受刺激好玩嘅太空星球濕身之旅！
「新濠風尚」會員優先體驗室內水上樂園
訂票日期：4月6至27日
票價：澳門幣388
立即購票：https://bit.ly/3Gb2Xsj
「新濠風尚」會員於官方平台購買「新濠風尚」會員專享優惠門票：
普通日子享買3送1優惠；或
標準門票享澳門幣60水上樂園餐飲消費額度
識玩當然連酒店套票一齊預訂，超抵玩的水上樂園酒店套票亦會同步登場，只需要澳門幣1,899起就可以選擇新濠影滙、新濠鋒或新濠天地君悅酒店住宿，享受星級服務之餘，仲包含2張水上樂園標準門票，畀你玩個夠本！
新濠影滙明星滙
水上樂園酒店套票由澳門幣1,899起
預訂日期: 由2023年4月04日起至6月30日
入住日期: 由2023年4月28日起至6月30日
- 套票包括︰明星滙經典客房（大床）一晚住宿
- 新濠影滙水上樂園標準門票兩張
- 室內恆溫泳池及明星滙健身中心
- 免付費本地通話及無線上網
另外想帶同小朋友歎世界，兩位成人加一位小朋友，套票只需澳門幣2,299起！
（資料由客戶提供）
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓ 【免費送】美食博覽2026入場套票！↓
↓ 同一門票玩盡四大展覽✨環球特產應有盡有🛍️ ↓
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
