2023年澳門必玩新事新濠影滙水上樂園會員搶先體驗室內園區16 個刺激設施見字玩水！

文: a.Ki

2023.04.06

2023年，澳門新濠影滙將再次掀起巨浪！
講緊係全澳最大、最新落成嘅太空主題全新室內水上樂園呀！裡面有16種刺激遊樂設施，今次就同你搶先睇多個激FUN項目，包括打卡必到「天際星空池」、必玩「時空競賽」、超刺激「光速飛車」，仲有超多驚喜刺激設施等你逐一挑戰，考驗你膽量Level！現在更可以加入「新濠風尚」微信會員，快人一步搶先體驗激新水之道！

搶先試！新濠影滙最新玩樂體驗

最矚目當然係全澳最大，陰天落雨都可以照玩嘅全天候水上樂園，2023年全新嘅室內園區以太空為主題，足足有16個玩水熱點，更會結合現有戶外園區，想曬太陽又得，天氣唔好入室內挑戰膽量又得，等你玩水玩足365日。下面就同你盤點新園區最刺激體驗！

親子級 刺激指數 ★

太空控制台、星空激流、藍月噴泉

中央位置有專為親子設計嘅嬉水城堡，輪住玩螺旋滑水道、滑梯、大水桶、雨林同水槍等。旁邊有一條246米激流，漂住體驗瀑布、水簾同噴霧效果，嚟到1,200平方米嘅波浪水池就會被噴水嘅山岩包圍，噴泉狂湧加上浪花翻騰，歷險味十足！

必打卡:

天際星空池

想暢泳兼睇風景？游出去天際星空池延伸至室外嘅部分，頭頂有藍天一片，向下望就係透明玻璃，猶如懸浮半空，絕對係獨一無二嘅必影超級打卡靚位！

中癲級 刺激指數 ★★★

火星造浪池

超像真人造浪，帶住你漂住乘風破浪，喺身邊捲起層層浪花，歡迎你隨波逐流！

身高限制：≥1.1米

時空競賽

想同朋友嚟場高速比賽？參加時空競賽啦！齊齊喺17米高封閉滑水道高速俯衝，再掟個靚彎直衝終點！

身高限制：≥1.1米

量子風暴

坐住橡皮艇喺封閉水道入面極速飛馳，出返嚟即遇上螺旋型滑道，以時速25公里下降2.5米，驚驚！

身高限制：≥1.1米

大癲級 刺激指數 ★★★★★

光速飛車

全澳唯一水上過山車。喺水上樂園嘅半空極速飛馳你試過未？依架300米長水山過山車，用水力加速，過山車有嘅攀升、俯衝同反重力驚嚇位統統玩齊！

身高限制：≥1.1米

極限逃生艙

星際主題，當然少不了經典逃生艙，走入半透明水管滑梯，無先兆垂直自由落體15米，驚過跳樓機呀！

天崖海角

冇睇錯，3.7米深水池有一面攀岩牆，畀你體驗一躍而下嘅快感。爬幾高，就睇你有幾大膽，上吧勇者！

身高限制：≥1.4米

戶外園區同陽光玩遊戲

全新室內園區會同現有戶外園區打通，可以隨時出走感受火辣辣陽光，享受夏日活力氣息，再玩盡戶外！

「沖天水龍捲」集合多條刺激滑道，想感受速度與激情有半透明隧道設計嘅「極風漩渦」；想體驗回旋快感，就投入設有大碗形狀滑道嘅「旋風迴龍」啦；視覺衝擊就有「炫彩旋風」，滑道自帶幻彩光效，畀你沉浸式體驗！

同樣有驚險自由落體設施，體驗直衝落水的快感。還有U形滑板激蕩回旋，一上一下蕩出叫人尖叫的離心力！

黃金大水桶、綠野遊蹤

集合一家大細、一班朋友，齊齊等待黃金大水桶注滿水一刻，被強大水流由頭淋到落腳，爽呀！圍繞戶外園區有長長嘅熱帶森林飄流河，穿越驚險河道同白沙沙灘，釋放冒險細胞！

場內除了有大型戶外泳池，亦有為小童而設的小童嬉水池，設有安全滑水梯及淺水池，讓你安心享受親子樂。

潮食美式Deli 歎秘製和風拉麵

新園區咁刺激好玩，HP自然跌得好快，新濠影滙入面有唔少讓你好好回血嘅美食，包括榮獲米芝蓮一星嘅粵菜餐廳「玥龍軒」、集合東南亞地道馳名美嘅「東南薈」、感受意大利人對美食嘅忠誠同熱情嘅意式餐廳「意滙」。但想一家大細或一班朋友迅間回血，必試以下兩間餐廳，「新濠風尚」會員仲可以獨享會員9折優惠！

瀛菊拉麵

大廚以豚骨、雞骨、牛骨，加上大量蔬菜、昆布、魚乾、蔬菜熬製自家高湯，叫人回味無窮，仲可以嘗盡北海道鹽味湯和牛拉麵、札幌辣味噌湯海鮮拉麵、博多豚骨湯叉燒拉麵、鹿兒島濃厚雞白湯雞肉拉麵，同東京醬油湯叉燒拉麵，畀你用舌頭飛一轉日本。

載運美式餐室

懷舊點唱機、霓虹燈裝飾，重現美國經典Deli餐館風格。自選三文治、沙律、咖啡、雪糕汽水、奶昔、雪糕，細路開心，大人放心，最適合全家人出動！

免費入會搶先體驗太空主題水上樂園

最新的新濠影滙水上樂園將會於4月28日正式向外開放，但「新濠風尚」會員可以喺4月6至27日優先體驗室內園區！只要登入www.studiocity-macau.com/tc/melcostyle免費登記成為「新濠風尚」會員，就可以搶先感受刺激好玩嘅太空星球濕身之旅！

「新濠風尚」會員優先體驗室內水上樂園
訂票日期：4月6至27日
票價：澳門幣388
立即購票：https://bit.ly/3Gb2Xsj

「新濠風尚」會員於官方平台購買「新濠風尚」會員專享優惠門票：
普通日子享買3送1優惠；或
標準門票享澳門幣60水上樂園餐飲消費額度

識玩當然連酒店套票一齊預訂，超抵玩的水上樂園酒店套票亦會同步登場，只需要澳門幣1,899起就可以選擇新濠影滙、新濠鋒或新濠天地君悅酒店住宿，享受星級服務之餘，仲包含2張水上樂園標準門票，畀你玩個夠本！

新濠影滙明星滙

水上樂園酒店套票由澳門幣1,899起
預訂日期: 由2023年4月04日起至6月30日
入住日期: 由2023年4月28日起至6月30日

套票包括︰明星滙經典客房（大床）一晚住宿
新濠影滙水上樂園標準門票兩張
室內恆溫泳池及明星滙健身中心
免付費本地通話及無線上網

另外想帶同小朋友歎世界，兩位成人加一位小朋友，套票只需澳門幣2,299起！

（資料由客戶提供）

更多真實評價

U Food

港式美食

韓國人氣My Melody&Kuromi杯麵！附送超可愛閃閃貼紙

韓國大熱Melody粉紅色卡邦尼撈麵&Kuromi黑色炸醬麵喺香港都有得買‼️😍隨杯麵仲會附送十款隨機貼紙，Fans們又會唔會想試試呢？🤔 🩷My Melody粉紅色卡邦尼撈麵（$22） 🖤Kuromi黑色炸醬麵（$22） 📍銷售點新世界韓國食品專門店

閱讀更多
Scarlett To 旅遊玩樂誌

打卡熱點

雙魚小姐精品烘焙蛋糕店

滿滿幸福感嘅本地手工烘焙店💗睇吓隻Teddy Bear曲奇超可愛,未食已經開心咗🥰食完開心到爆燈! 呢間｢雙魚小姐｣仲有靚靚曲奇禮盒~就嚟新年送禮啱晒啦!仲見到好多遊客買來做手信添💗 🧸 熊仔朱古力粒粒曲奇得意到唔捨得食🤪曲奇焗到外脆內軟口感一流,入面仲有好多朱古力粒粒｡我就返屋企放焗爐焗熱少少~朱古力半溶,超好味😋 🎁 手工榛子曲奇鐵盒米灰色鐵盒 design 有質感,優雅高貴,送禮啱晒!三款口味都正: ✨ 原味榛子 👉🏻 濃郁牛油香 ✨ 伯爵茶味 👉🏻 淡雅茶香味道有層次 ✨ 海鹽黑朱古力👉🏻 充滿朱古力醇香 🍓 草莓輕奶油罐子蛋糕鍾意食cake又想健康,啱晒!戚風蛋糕好鬆軟,配以輕奶油同新鮮草莓粒💗甜度不高恰恰好~完全不會膩~ 店內設有優雅裝潢,仲有少量靚位,可以坐低慢嘆🍰+同Bear Bear打下卡添! 📍 雙魚小姐 Miss Pisces Creations 尖沙咀漢口道5-15號漢口中心地下9A號舖 #香港美食#香港手信#尖沙咀美食{{hket:campaign display="食飽過馬年"}}{{/hket:campaign}}#打卡美食

閱讀更多
vv.summm

家居

搬新屋甲醛走👶💨

話說最近忙住搬新屋,雖然成個環境都靚靚哋✨但總係有股｢怪味｣喺度,初時以為係普通油漆味,但原來係甲醛問題😱作為媽媽,最擔心就係甲醛對細路仔健康嘅影響,尤其妍豬成日喺屋企周圍探索,真係唔可以掉以輕心😮‍💨 🧴 acc+ 甲醛殺手最近試咗【acc+ 甲醛殺手系列】真係解決咗我嘅煩惱!呢套產品包括一罐噴劑同一盒凝膠,用法超簡單,效果仲非常顯著,真心推介比大家❤️ 💨 acc+ 除甲醛綜合清除劑 500ml 噴劑真係好方便,用德國配方製成,安全又有效!我噴咗喺傢俬､牆身同窗簾上,完全唔覺得有刺激性氣味,反而清清新新,對孕婦同小朋友嚟講,用得特別安心👶👩‍🍼 📍 購買連結:hktvmallredirect.com/PUKFXt2W 🌿 acc+ 除甲醛凝膠盒 150g 呢個小凝膠盒更加係屋企必備!細細盒可以放喺任何地方:房間角落､衣櫃､鞋櫃甚至車內 🚗完全唔洗插電,靜靜咁吸走甲醛,仲可以長效使用,成個空氣都清新好多 🍃 📍 購買連結:hktvmallredirect.com/cBh5URpV 🏡 用後感分享用咗 acc+ 甲醛殺手系列之後,我真係覺得屋企嘅空氣清新咗唔少!而家喺屋企連呼吸都感覺舒服晒🥰最重要係小朋友可以喺健康環境下成長,呢個對我嚟講真係無價❤️ 📢 購買資訊想同我一樣呼吸乾淨空氣嘅朋友,可以去日本城或者 HKTVmall 買呢款甲醛殺手🛒 新裝修嘅家庭､或者有小朋友同寵物嘅屋企真係一定要試試✨ #accPlus#甲醛殺手#除甲醛#新居必備#空氣淨化#家居好物#健康生活#hktvmall#日本城有售

閱讀更多