香港迪士尼樂園丨記者帶你首日直擊全新夏日主題慶典活動！史迪仔領軍表演、Pixar水花派對回歸
今個夏天，香港迪士尼樂園由即日起將會帶來全新夏日主題慶典活動，包括全新限定現場表演、史迪仔主題活動、Pixar水花派對巡遊、夏日主題限定美食及一系列週邊等，即睇記者帶你首日直擊，今年度香港迪士尼樂園的夏日慶典活動啦！
香港迪士尼樂園2023年夏日主題慶典活動由即日起（23日）正式登場，今年以「玩盡啲，至夏天」為目標，由來自夏威夷的史迪仔領軍，伙同一眾迪士尼好友與大家共度夏日！園內多個地方已經換上夏日主題裝置，包括「小小世界」廣場範圍加上喇叭及米奇造型主題裝飾、「迷離莊園」車站範圍加上新台階等，處處都非常「打卡-able」！
即刻去片
今年香港迪士尼樂園夏日慶典活動將會由史迪仔帶領大家熟悉的迪士尼好友，為大家帶來6大慶祝活動！當中最不可錯過的，必屬《奇妙唱遊大冒險》現場表演，史迪仔將會伙同《沖天救兵》的羅小飛、《魔幻森林》的路易王、米奇及高飛等，一同隨著歌舞投入探險世界之中，與大家一同留下夏天的難忘回憶！
史迪仔的粉絲們亦可以在「動畫藝術教室」中學習繪畫史迪仔，創作獨一無二的史迪仔畫作帶回家；適逢史迪仔生日，大家更可以在6月26日起至7月9日期間，在探險世界之中與史迪仔及妮露見面，一同與史迪仔慶祝生日！
相當歡迎的「Pixar水花大街派對」今年同樣會回歸，多部Pixar經典作品的角色，包括《超人特攻隊》的超能家族、《反斗奇兵》的胡迪及巴斯光年、《玩轉腦朋友》的阿樂及阿愁等都會登場，在美國小鎮大街坐上角色專屬主題花車及帶上水槍，與大家來一場水花大戰之餘，同時一起消消暑。.而城堡則會上演夏日版「迪士尼尋夢奇緣」匯演，伴以水柱、泡泡及舞台火花特效，絕對值得一看！
另一個不容錯過的，絕對是與一眾迪士尼好友見面的機會！米妮、唐老鴨、黛絲、布魯托、鋼王奇奇、大鼻帝帝均會換上全新探險主題的夏日限定打扮，在探險世界中等待和粉絲們見面合照，留下別具異國風情的打卡照。
除了以上6大活動外，今年香港迪士尼樂園亦推出了一系列夏日主題美食，大家可以在樂園內的餐廳或樂園酒店餐廳內享用，款式包括歡渡夏日套餐、日向夏柑橘味軟雪糕、史迪仔軟雪糕杯、巴斯光年及勞蘇主題朱古力燕麥蘋果鬆餅、唐老鴨主題甜品、夏日特飲等。
另外，園內多間商店均推出了以唐老鴨、史迪仔及夏日派對為主題的精品，有齊飾物、衣服、毛公仔、背包、餐具、水杯等，款式及選擇眾多，粉絲們必要留意及入手了！
此外，香港迪士尼樂園更首次與ChargeSpot合作，在樂園內外一共設立3個共享充電器租借服務站，當中樂園正門的服務站一共會提供420部充電器，為全球最大的ChargeSpot充電器服務站，另外2個ChargeSpot充電器服務站則分別設於Cityhall及儲物櫃區內。香港迪士尼樂園的ChargeSpot首階段推出3款迪士尼主題設計，租借費用為每小時$20（按金為每部$396）。
香港迪士尼樂園｜夏日主題活動
日期：2023年6月23日至9月3日
地點：香港迪士尼樂園
圖片來源：FB@ Disney Magical Kingdom Blog 授權轉載
延伸閲讀：
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【限時搶⚡】高露潔光感白高純度維他命C美白牙膏↓
↓ 早C晚C！7天提亮、淡色美白 ↓
【U GO夏日消暑企劃😎】
暑假必去打卡熱點＋夏日驚喜獎賞！🎈
U GO 本週好去處
