酒店下午茶自助餐丨香港嘉里酒店的榴槤主題週末下午茶回歸了，由7月初起一連3個月內的週末，均會供應數十款以果王榴槤入饌的鹹甜點，更可免費歎到貓山王、蘇丹王等件裝榴槤肉，榴槤控一定不要錯過，即了解記者私心推介及收費詳情啦！
即刻去片
香港嘉里酒店由7月8日起至10月2日，一連3個月內逢星期六、日及公眾假期均會推出「榴槤盛會」週末下午茶自助餐，以果王榴槤及東南亞美食為主題，推出數十款以榴槤入饌的鹹甜點，以及多款極具東南亞風味的特色美食，相信絕對可以滿足榴槤控的胃口！
是次嘉里酒店榴槤下午茶自助餐最特別之處是，每位成人客人均可以免費獲贈精選件裝榴槤一份，款式有齊口味濃郁回甘果香的D197貓山王、甜而不膩的D24蘇丹王、清新香甜的D101紅肉及果肉嫩滑的D888甘榜。每日供應的款式不同，不過各位榴槤都一同樣可以試到不同榴槤品種的風味，以及大大啖歎榴槤肉的滋味！
下午茶自助餐當然是甜點的主場，是次「榴槤盛會」下午茶自助餐的甜點大多以榴槤為主題，結合經典蛋糕，打造出不一樣的風味。款式包括榴槤歌劇蛋糕、榴槤西多士、榴槤提拉米蘇（Tiramisu）、榴槤巴斯克芝士蛋糕、榴槤麻糬、榴槤泡芙等，亦有椰子芒果糯米飯、牛奶朱古力綠茶蛋糕等選擇，相當豐富。記者私心推介榴槤提拉米蘇，香甜幼滑的芝士及咖啡手指餅，配上甘而不澀的可可粉及底部的榴槤肉，在經典的口味上加上榴槤獨特的香甜，層次及風味都更上一層樓！
除了甜點外，是次亦有多款榴槤主題的鹹點可以試到，包括炸D24榴槤波波、特色榴槤薄餅、榴槤越式米紙卷、雜錦榴槤壽司等，亦有不少東南亞特色菜可選，款式有泰式炒金邊粉、泰式大蝦柚子沙律、泰式沙嗲串燒、自選即叫即製石鍋燒麵等。當中石鍋燒麵是酒店的招牌之一，大家可以自選喜愛的配菜，如即食麵、午餐肉、大蔥、芝士、竹輪卷等，放到燒至高達300度的石鍋之中，配上自選湯底及調味料，是飽肚滋味之選。
是次嘉里酒店「榴槤盛會」週末下午茶自助餐由7月8日起至10月2日內，逢星期六、日及公眾假期，下午3時15分至5時供應，收費為每位$388，有興趣的朋友可致電2252 5246或電郵至bigbaycafe.khhk@thekerryhotels.com訂座。
嘉里酒店「榴槤盛會」週末下午茶自助餐
日期：7月8日起至10月2日（逢星期六、日及公眾假期）
時間：15:15-17:00
地點：嘉里酒店大灣咖啡廳
收費：每位$388
*另收加一服務費。
資料來源：嘉里酒店提供
延伸閱讀：
活動資訊
- 日期2023年7月8日 - 2023年10月2日
- 地址 九龍紅磡灣紅鸞道38號
- 人均消費$388
」，
App內睇文同睇片可隨時捕捉U Fun彩蛋，
換領現金券及禮品！
↓【限時搶⚡】卡樂B粟一燒熱浪香辣味！↓
↓ 粟一燒結合熱浪，香辣惹味！↓
↓【限時搶⚡】moonwell尊貴花膠食療系列養生燉湯！↓
↓ 無添加、真材實料滋補養生燉湯！↓
