書展2023丨記者直擊書展開鑼首日抵買之選！$10特價書、$100/11包選零食、文具低至$3（附門票資訊+開放時間）
香港書展2023正式開鑼，由7月19日起至7月25日一連7日，香港書展2023將於灣仔會議展覽中心舉行，今年各大書商、文具商、零食商等都推出各式優惠，包括$10特價書、$100/11包即開零食、低至$3的文具等。即睇記者直擊香港書展2023首日抵買優惠，方便去書展掃貨前Mark實心水商品啦！
香港書展2023由今日（19日） 起至7月25日，一連7日都會在灣仔會議展覽中心舉行。今年有超過500個參展商一同參展，同樣會分為3個樓層，分別為1樓的書展、3樓文具展及兒童天地、5樓零食世界及運動展。今年各大書商、文具商及零食商等都繼續推出各式優惠吸客，書展2023首日早上10時許已有不少市民前往掃貨，各位書迷不要錯過，即了解各大精選優惠預先做功課再去書展啦！
同場加映：【今期Chill抵】最新影片
書商優惠：$200/7本自選圖書、$10/$20特價書
書迷們每件去書展一大目標當然是以優惠價入手心水書籍，今年不少書商都推出折扣優惠。當中中華書局（1D-C02）設有$20特價書專區，專區內有齊補充練習、散文、小說等；榆林書店（1D-C18）則以購入書籍的數量為準則，推出不同優惠，包括單一訂單購入1-2本書可享75折、3本或以上則可享7折，適用於台灣書、本地作品、翻譯作品等；學文出版社（1D-C32）則主攻小學生市場，自選小學補充練習$200/7本，平均每本$28.6，另外亦設有旅遊書均一價$10，方便大家去旅行時使用。
更多書商優惠可按圖片查閱：
文具商優惠：精選文具低至每件$3、自選原子筆平均每支$6起、免費送改錯帶+改錯機
位於3樓的文具展每年都是家長及小朋友們的大熱掃貨展區，今年各大文具牌子均有設攤及會場優惠。晨光文具（3F-A15）推出多款精選文具套裝，款式包括LuLu豬、鬼滅之刃、Snoopy等，每份套裝內含8-10件精選文具，只售$30起，平均每件文具只需約$3，CP值極高。晨光文具亦推出自選原子筆及自選可擦拭墨水筆優惠，$20即可入手3支，顏色選擇多之餘亦有卡通造型，學生哥必買。
日本蜻蜓牌（3F-C28）則以多買多送方針吸客，買指定型號改錯帶10件即送2件、PiT漿糊筆買3送1、買指定螢光印章送補充裝等，同時購買滿$150可獲扭蛋機會1次、滿$280則可獲2次扭蛋機會，適合準備大手入貨的朋友。文具佬（3F-A25）除了卡通文具外，亦有數百款卡通精品及生活百貨，低至$8即可入手。
更多文具商優惠可按圖片查閱：
零食商優惠：$100/11包即開零食、馬來西亞直送榴槤買一送一、$8即食薯蓉
書展2023繼續舉辦零食世界，同樣設有6大主題區域，包括「環球零食」、「朱古力及糖果工房」、「懷舊零食」、「健康滋味」、「派對時光」、「Snack Bar」，場內有過千款來自世界各地不同地方的直送零食及食品，包括香港、日本、韓國、馬來西亞、希臘、西班牙等，由本地手工懷舊糕點、全天然蜂蜜、到牛肉乾及脆脆麵包粒等應有盡有。同時，各大零食商都推出不同折扣，滿足大家的食欲！
唯思有限公司（5B-B01）引入多款來自馬來西亞的榴槤，當中D24榴槤果肉買一送一、榴槤禮盒45折（$488，原價$1,044），另有D197貓山王榴槤芝士蛋糕、D197貓山王榴槤麻糬等。明新隆食品有限公司（5B-A31）提供多款即開即食的零食，包括海蜇、魷魚絲、百香果乾、魚皮花生等，當中即開即食海蜇最抵買，$100可自選11包，共設有4款口味可選，平均每包只需$9。
鐘愛香口零食的朋友則可以到進實有限公司（5B-B24），共設4款口味的脆脆麵包粒$50/3包，平均每包$16；童年回憶即食薯蓉$一共有3款口味，原箱24個售價為$210，平均每個$8；邪惡之選英式燒腩仔皮$100可自選6包，設有豬油邪惡版及低油低脂健康版，平均每包$16。場內還有更多雪糕、朱古力、咖啡、天然食品等可入手，絕大部份比平日在坊間入手便宜不少，去書展不要忘記到零食世界走一趟了。
更多零食商優惠可按圖片查閱：
香港書展2023門票及優惠一覽：
香港書展2023
日期：7月19日至7月25日
地點：灣仔會議展覽中心
時間：（7月19日至20日、23日至24日）10:00-22:00（7月21日至22日）10:00-23:00（7月25日）09:00-17:00
延伸閱讀：
活動資訊
- 日期2023年7月19日 - 2023年7月25日
- 地點
-
澳洲攻略
珀斯
💙【西澳之美: 全球最宜居城市之一】🇦🇺
今日澳洲新聞話, 珀斯再次打入全球最宜居城市排行榜。💙 眨眼間，原來👵🏻已經喺珀斯生活咗好多年。想當年去珀斯讀書，好多人第一個反應係：🗣️「即係雪梨？定係墨爾本？」 好少人知道，原來澳洲西面有一個叫珀斯嘅城市。🤣連親戚都會講笑話： 🗣️「你係咪一開門就見到袋鼠？」 🗣️「定係成群綿羊喺屋企外面？」😂 咁當年👵🏻對珀斯唯一嘅印象，都只係嚟自一套90年代既音樂特輯《梁朝偉、王靖雯－珀斯珀斯我愛你》。🎵💬 呢個特輯遠赴珀斯取景, 將珀斯嘅藍天陽光、大草地同悠閒嘅生活節奏一一呈現。 真正住落之後，👵🏻 發現… 珀斯真係好「慢」。 大家既生活節奏慢。呢度少人急、冇咁趕，比較隨性貼地。著拖鞋去超市咖啡店、去商場，真係平常不過。🩴🤣 初到讀書時、成日聽人講"澳洲三寶"： 🍺 啤酒 🪰 烏英 (蒼蠅） 👩👨🏻🦲 「肥人」（哈哈，純粹係當年留學生之間流傳嘅一句玩笑。） 但如果你問返當年嘅留學生，真正嘅「三寶」其實係： 📜 畢業證書 📄 移民文件 🚗 駕駛執照 而👵🏻最鍾意珀斯嘅，始終都係呢度嘅大自然。 💙 藍到好似冇盡頭嘅天空 ☀️ 陽光充足嘅天氣（當然，夏天四十幾度嗰幾日就真係熱到懷疑人生 🤣） 🌊 一望無際嘅海岸線 🏖️ 世界級嘅沙灘，隨時可以睇日落 西澳其實亦大得超乎好多人想像。 📍 西澳面積約 253 萬平方公里，佔咗全澳洲大約三分之一土地，係澳洲最大嘅州。但全州人口只有大約 300 萬，超過八成人都住喺珀斯。 換句話講，離開市區少少，你就會發現真正嘅西澳其實係… 💚 無盡嘅空間 💚 新鮮嘅空氣 💚 寧靜嘅生活 住得愈耐，👵🏻就愈鍾意呢種慢活。可能有人會覺得珀斯好悶，冇大城市咁熱鬧。對👵🏻嚟講、正正因為佢冇咁急、冇咁迫，先令人住得舒服。 如果下次有機會嚟澳洲旅行，除咗悉尼同墨爾本，不妨試下嚟珀斯住幾日。放慢腳步🐾，感受一下藍天陽光、海風，同埋西澳獨有嘅生活節奏。 或者，你都會同👵🏻一樣，慢慢愛上呢個地方 💙🇦🇺 西澳飯阿婆與毛孩s #perth#westernaustralia#最宜居城市#珀斯#慢活
閱讀更多
-
香港攻略
Bingo and Cook
朗豪坊醬油蟹放題！ $498 🦀🇰🇷
❣️Bingo & Cook (旺角) 旺角亞皆老街8號朗豪坊10樓21-26號舖☎️ 暑假特別想去旅行,好耐冇去韓國了~~咁就特登嚟食呢個$498醬油蟹放題!!!🥳 呢個set按人頭計,每人都有一隻有蟹膏嘅雌性蟹🦀之後就可以任食雄蟹🥰食幾多都得!! 醬油蟹 醬油味道明顯,幾入味,呢個價錢嚟講任食算抵~另外,亦有紅卜卜嘅辣嘅醬油蟹!鍾意食辣嘅朋友仔都可以任食㗎! 醬油鮑魚 鮑魚口感幾彈牙~呢個我都有再叫嚟食🤣 醬油帶子 帶子味道正常,醬汁幾入味 醬油蝦 蝦食落甜甜地🦐仲有蝦膏! 牛油炸雞 外皮夠脆,牛油香味濃,熱辣辣最好! 紫菜飯 紫菜撈飯,然後可以加埋蟹蓋嘅膏食,好夾❣️ 醬油三文魚 三文魚有醬油嘅鹹香味~ 牛肉煎餅 煎餅一般,建議食其他嘅小食 排骨湯 味道正常~ #旺角#旺角美食#旺角美食篇#醬油蟹放題#香港醬油蟹#朗豪坊美食#醬油蟹放題#韓國醬油蟹
閱讀更多
-
吹水
形點 YOHO MALL
【 最好的資源,是無可替代的陪伴 💗 】
【 最好的資源,是無可替代的陪伴 💗 】 有感而發｡ ㅤ 尋日有媽媽問我:｢熊仔糖平時最鍾意啲咩㗎?｣ 我認真諗咗好耐,好似真係無乜特別特定嘅嘢喎😆 最後,我好有信心(但又帶點尷尬)咁答咗句: ㅤ ｢無……我｡｣ (好啦,呢句一定會俾 Daddy 睇到,算啦,比佢酸一下😏😛哈哈) ㅤ 之後我自己深深咁諗咗一下: 其實帶 BB 去邊度玩､食啲咩,都只係其次｡ 最重要嘅,係留喺佢身邊､高質量嘅陪伴｡ ㅤ 呢種由心而發嘅安全感同親密連結, 用幾多外在資源､幾多玩具都買唔到｡ ㅤ 珍惜每一步被你需要嘅日子｡🌿 ㅤ — 畫面呢段片,係今朝我哋一齊食早餐嗰陣拍下嘅日常,平凡但好甜😘 ㅤ 👇🏻 咁多位媽咪,你哋嘅 BB 現階段最鍾意嘅又係啲咩?會唔會都係｢媽媽｣呢? ㅤ #熊仔糖#親子kol#育兒日記#陪伴的溫度#用愛灌溉
閱讀更多
港生活人氣好去處
↓【U GO x apm打卡即賞📸】↓
> 免費拎超市現金券/ 贏走HK$500大禮包 <
↓【U Community 社群 送您 PARAKITO 天然驅蚊噴霧！】↓
>簡單登記領取<
U GO 本週好去處
