深圳快餐店驚現大膽發明！20蚊人仔食麻婆豆腐漢堡餐 網民讚：抵食過麥記
不少港人放假或北上搵食，最近深圳一間漢堡店人氣火速上升，全因其推出的「麻辣豆腐漢堡」味道出奇好食，吸引到一大班食客，而且一個漢堡套餐最平只需20元人民幣，有網民表示價錢份量抵食之餘，更勁讚「比麥記好食十倍」！
深圳除了酸菜魚、燒烤等美食，其實都有不少人選擇吃快餐，其中一間名為「塔斯汀」的漢堡店，最近就成功吸引港人眼球。該店為主營中國漢堡的餐飲連鎖品牌，一個單人漢堡套餐，跟配麥樂雞（或炸雞）及可樂，售價僅19.9元人民幣起，有香港食客於網上群組分享，並形容「好食到癲」且價格親民，「如果夠膽發大嚟搞，麥當勞一定坐立不安」。
「塔斯汀」雖然主營漢堡包，但當中結合了中國特色美食，招牌主打有麻辣豆腐漢堡，麵包配合中式口味，令不少人好奇味道到底如何？有網民表示，「我喺哩間（塔斯汀）試過麻辣豆腐漢堡，出奇地好食」、「我食過三次，比麥記好食十倍」、「我覺得好好食，又熱辣辣，又脆」，似乎獲得大量好評。不過都有網民認為，「中國漢堡唔係用饅頭夾咩？」，笑指可以變成刈包，又有人指「如果黎到香港，價錢一定同m記差唔多」、「內地老麥唔夠kfc受歡迎，要食就食德克士」。
▼網民留言▼
翻查官方資料，塔斯汀品牌隸屬於福州塔斯汀餐飲管理有限公司，自2012年開業，初時以Pizza店起家落户南昌，及後才推陳出新，發展結合中國味道及文化的漢堡。目前除了麻辣豆腐漢堡，品牌亦有北京烤鴨、魚香肉絲、香辣雞腿、多汁牛肉等漢堡款式，更提供粗薯條、烤雞全翼、 雞塊等小食，大家不妨留意一下！
資料及圖片來源：小紅書、FB@深圳大灣區吃喝玩樂開心分享區
-
吹水
每日發掘一個新角度📸EP8
每日發掘一個新角度📸EP8
閱讀更多
-
香港攻略
千海水產海鮮火鍋放題（荃灣店）
超正海鮮放題
真係正到黐線x10000 出story嘅時候已經俾人炸爆私訊 個個都話呢間正‼️仲教我拎圍裙添🤣 呢個價錢呢個質素真係冇得彈 😱海鮮好生猛😱直程捉都捉唔住添🤣 牛仔骨係我食過咁多間放題最出色🤤 我一個人已經食咗10嚿牛仔骨了🤣 而且新出嘅甜品都係唔錯‼️ 鍾意海鮮放題嘅一定要試 而且每個海鮮個牌裏便都會有佢煮嘅時間 所以係非常之細心✨ 揀完海鮮放低俾佢拎個牌 佢會幫你洗乾淨 咁上下就去拎就得㗎啦👍🏻👍🏻👍🏻 新鮮撈 新鮮食 爽歪歪👍🏻👍🏻👍🏻 晚市仲有呢個鹽焗蟹 啲蟹膏多到爆✨ 📍千海水產海鮮火鍋放題 (荃灣) 荃灣大壩街4-30號荃灣廣場B1樓B126號舖 電話:36222223/36222226 #荃灣#放題#美食#海鮮#高質
閱讀更多
-
香港攻略
莆田
原來莆田今天踏入26週年啦🥳 店員更送上辣媽醬,慶祝26周年晚市活動! 聽店員說去到10月31日晚市用餐就有啦 點選鰻魚孖寶組合 $298 超抵 普寧豆醬焗活鰻魚 選用出口日本鰻魚,豆醬香味俱全,鰻魚肉質口感惹味 加配 脆皮蒜香雞 (半隻) 另甜品 榴槤撞奶 新品有驚喜 探用馬來西亞榴槤,榴槤控大愛
閱讀更多
港生活人氣本地熱話
↓【😋請您食】人氣餐廳全新餐單 ↓
> 一步登記，免費試食豐富二人餐 <
🚨【U Community研學室正式上線！】🚨
>🌟免費下載幼稚園/小學工作紙x試題<
U GO 本週好去處
