Twins演唱會2024｜Twins紅館騷演出全直擊！頭場精華+完整歌單+座位表

Twins演唱會2024｜事後訪問透露巡迴演唱會

Twins一共14場的《TWINS SPIRIT 2024》演唱會終於完滿結束，Twins事後接受訪問，大爆下半年即將舉辦巡迴演唱會，阿Sa更透露自己其實希望與容祖兒一樣，可以舉辦一場SideTrack演唱會。

+5

+4

點擊圖片放大

阿Sa表示今次演唱會挑選歌曲期間其實都發現了許多Side Track好好聽，故此產生了這個想法，不過一切都仍然在想法當中，要先完成巡迴演唱會，目前尚未公佈巡迴站地點。不過過往2018年的《Twins LOL Live Around the World》曾於廣州丶深圳丶佛山丶上海丶澳門丶美國丶馬來西亞丶溫哥華丶多倫多等地進行演出，預計上述地方亦有望成為巡迴站。

Twins演唱會2024｜尾場精華

Twins一共14場的《TWINS SPIRIT 2024》演唱會來到尾場，多位圈中人包括好友容祖兒、陳慧嫻、伍詠薇、衞詩雅、MIRROR成員Stanley和女朋友等到場欣賞演出。去到尾聲Encore環節，Joey更上台與Twins合唱《隆重登場》和《你最紅》提早向觀眾拜年。三人在台上相聚，阿Sa和阿嬌強吻Joey，更大膽向在場捧場的老闆楊生提出請晒佢哋三個演唱會後放假去旅行。

+9

+8

點擊圖片放大

Twins演唱會2024｜經歷舞台上跌倒 Twins取消側手翻環節

昨日(1日)《TWINS SPIRIT 2024》繼續進行演出，今次Twins大賣情懷，連續幾場都有表演23年前出道的側手翻動作，掀起全場高潮。惟早前輪到側手翻環節時阿嬌不慎跌倒，雖最後都敬業地完成該環節演出，但令現場歌迷都相當擔心。

+5

+4

點擊圖片放大

不過在昨晚演唱會第九場演出時，就已經取消側手翻環節，換成與男舞蹈員作出一個較為簡單的動作，令觀眾猜測會否上次跌倒時令阿嬌受傷導致需要臨時改動環節。目前《TWINS SPIRIT 2024》尚有三場演出，雖然取消側手翻環節可能導致部分歌迷失望，但在安全考慮下亦在所難免。

圖片來源︰IG@ tam_yee_man

Twins演唱會2024｜Twins演唱會握手環節 觀眾突入強吻阿Sa

昨日(29日)《TWINS SPIRIT 2024》繼續進行演出，今次Twins每場都設有握手環節，與歌迷近距離互動，豈料這個環節竟引來一位觀眾強吻阿Sa，引起現場觀眾嘩然。

+7

+6

點擊圖片放大

原來觀眾正是阿Sa好友鄭希怡，阿Sa見到對方亦特意上前握手。不過其後鄭希怡突然一手抱近阿Sa，並親吻其臉頰，一時令阿Sa不知所措。同時由於鄭希怡過於用力，口紅不慎留在阿Sa臉上，鄭希怡要再用手為阿Sa抹乾淨以免影響演出。影片由鄭希怡自行上傳個人小紅書，網民甚至還懷疑兩人真的親吻了，亦有網民指︰「第一眼我以為係江美儀。」

+3

+2

點擊圖片放大

鄭希怡近年積極中國演出，近年更於中國節目訪問上大爆原本有機會成為Twins一員，組成三人組合，惟最後因不太適合而並沒成事。如今在觀眾席上欣賞Twins演出，想必亦有一份獨特意義。

Twins演唱會2024｜阿嬌側手翻失手跌倒台上 阿Sa扶起對方

+7

+6

點擊圖片放大

昨日(29日)《TWINS SPIRIT 2024》繼續進行演出，今次Twins大賣情懷，除了大唱多首集體回憶歌曲，更有表演23年前出道的側手翻動作，掀起全場高潮。惟昨晚(29日)開騷時輪到側手翻環節，阿嬌失平衡跌倒台上，幸並無大礙。拍檔阿Sa得悉後則上前扶起對方，繼續完成結尾動作，相當敬業。目前演唱會尚有4場，暫未知側手翻環節會否保留。

圖片來源︰HKET

Twins演唱會2024｜阿Sa點歌環節借觀眾電話 突收來電一時不知所措

《TWINS SPIRIT演唱會》目前來到第八場，早前演唱會再傳出笑料惹笑全場，事源演唱會進入點歌環節，有觀眾點選了《士多啤梨蘋果》，Twins需要借用觀眾電話以觀看歌詞，豈料阿Sa手上的電話竟然突然收到來電！

+6

+5

點擊圖片放大

原來來電為粉絲的爸爸，受小插曲影響阿Sa一時不知應該聽電話或是繼續演唱，甚至連阿嬌都不禁要出手解救阿Sa，走到身旁叫︰「唔好亂，唔好亂。」相當貼心，粉絲們得悉情況亦不禁放聲大笑！

點擊圖片放大

影片最後亦見阿Sa終於演唱完成，將電話還給歌迷，歌迷便解釋指明天要拜山，不過阿Sa似乎驚魂未定，只是回應了一句︰「好擔心啊！」

▼即看網民留言▼

+6

+5

點擊圖片放大

圖片來源︰Jerry.C 謝利

Twins演唱會2024｜第三場精華

《TWINS SPIRIT演唱會》目前已經完成第三場，昨晚(23日)阿Sa阿嬌繼續於舞台載歌載舞，同時唱到《相愛22年》前，更打開一個真情剖白的環節。

+2

點擊圖片放大

阿Sa首先開口，表示多謝阿嬌22年來成為自己的拍檔，並視此為人生最大的一個成就。雖然途中經過不少障礙，不論高光或低潮時刻，阿嬌總是對自己不離不棄。並表示外面許多人以為自己看似聰明，其實並不如此，自己內裡並非相當有自信，但很多時候因為有阿嬌就增加了不少力量。

+5

+4

點擊圖片放大

阿嬌其後回應，這22,23年來，由認識阿Sa開始其實沒有想過會走得這麼遠。在起初許多質疑聲音時反而在此逆境更加齊心對抗外面，多謝阿Sa沒有放棄她，自己亦沒有放棄自己。

+3

+2

點擊圖片放大

阿Sa最後亦補充︰「係啊我想話呢，你係我認識嘅人裡面個樣睇起上嚟係最柔弱但係內心係最堅強嘅一個人。我都好多謝你，冇放棄自己。」兩人之後於台上相擁，感動全場。

+3

+2

點擊圖片放大

阿Sa感言全文︰

「好多謝你呢廿二年嚟成為我嘅拍檔，嗯，我覺得我哋，我覺得我人生裡面最大嘅一個成就，就係同你成為組合。我哋...呢個江山係我哋打返嚟嘅。雖然途中係經過好多大大小小既障礙，有開心有唔開心嘅時候啦。我哋有好高光嘅時刻，亦都有好低潮嘅時刻。我好感動你喺我最低潮嘅時期，你係對我嘅不離不棄，一路陪住我。成日啲，即係出面好多人都覺得我好似好醒呀....點樣，其實唔係架，其實我睇起上嚟我係好似係一個非常之有自信心嘅人，但係我其實內裡面唔係一個咁有自信嘅人嚟嘅，好多...好多時候就係因為你同我一齊我就好似多咗好多力量咁樣囉。多謝，多謝你呀，鍾欣嬌。」

阿嬌感言全文︰

「呢22,23年嚟，我由認識你開始，其實，我冇諗過我地可以行得咁遠，亦都因為一開始好多質疑嘅聲音。有好多人就覺得，哎呀，你哋好快就冇架啦。但係，我覺得我哋係呢一個逆境嘅時候更加齊心，更加同心，可以對抗出面。多謝你冇放棄我，我亦都冇放棄自己。」

Twins演唱會2024｜頭場重點精華

+15

+14

點擊圖片放大

【23:15更新】

來到尾聲Encore環節，阿Sa與阿嬌換上新造型，以鮮艷光彩的黃綠顏色閃爍全場，演唱新歌《雙喜樓》，之後並以阿Sa悉心準備的全場一人一張應援手幅，為阿嬌慶祝43歲生日，全場粉絲有份送上驚喜。最後，二人送帶來Big Hits Medley，包括《丢架》、《多謝失戀》、《朋友仔》、《傷心情歌》、《女校男生》、《朋友的愛》、《戀愛大過天》，壓軸以一首《風箏與風》結束第一場！

+6

+5

點擊圖片放大

【22:00更新】

接下來，阿Sa與阿嬌換上另一套火辣舞衣，以一身黑色小性感亮相，一連送上《女人味》、《星星月亮太陽》、《紅睡星》三首魅惑跳舞歌，盡騷女人味，全場火速升溫。

+8

+7

點擊圖片放大

【21:30更新】

唱到《和平日》、《作詞人的錯》時，阿Sa與阿嬌大搞握手環節，在台邊與觀眾粉絲握手互動，全場氣氛升至頂點。

【21:00 更新】

演唱會一開場，阿Sa與阿嬌一口氣送上七首歌的勁歌熱舞，包括《高手看招》、　《明愛暗戀補習社》、《二人世界盃》、《愛情當入樽》、《ICHIBAN興奮》、《盲頭烏蠅》，瞬即炒熱全場氣氛，最後在《跅跅步哈姆太郎》大打側手翻，將氣氛推至頂點。

Twins演唱會2024｜歌單

• Opening Medley：高手看招+明愛暗戀補習社+二人世界盃+愛情當入樽+ICHIBAN興奮+盲頭烏蠅+跅跅步哈姆太郎
• 本小姐
• 花生騷
• 愛情突擊
• 千金
• 眼紅紅
• 幼稚園
• 我們的紀念冊
• 神奇兩女俠
• 和平日
• 作詞人的錯
• 雙失情人節
• 亂世佳人
• 飲歌
• 女人味
• 星星月亮太陽
• 紅睡星
• 下一站天后
• 虛齡時代
• 成長
• 拍住上
• 相愛22年
• 雙喜樓
• Big Hits Medley：丢架+多謝失戀+朋友仔+傷心情歌+女校男生+朋友的愛+戀愛大過天
• 風箏與風

Twins演唱會2024｜最新加場消息

一加再加三加！《TWINS SPIRIT SINCE 2001 LIVE IN HONG KONG》，今日再宣佈加開終極第13及14場，門票將於1月12日城市售票網公開發售 ，終極加開兩場日期為 2月5及6日！

點擊圖片放大

今次第三度加場，TWINS兩人異口同聲喊出: 「嘩！今次真係破晒紀錄！14場！做完真係可以好似歌迷傳言咁光榮引退啦！哈哈哈！」工作人員叫兩人咪講笑，阿Sa先笑道，「哈哈哈.....咁佢哋真係私信問我哋，係咪想解散嘛，哈哈哈，笑死，我哋依家加第13, 14場，1314一生一世啊！Twins就算退休都唔會解散，我哋係一生一世嘅好隊友，TWINS  SPIRIT係會長存。破晒紀錄做咁多場，唔係唔俾我哋農曆年「退」下來「休」息一下呀？哈哈哈，放個長少少假都得掛，哈哈。」

阿嬌:  「係囉，1314，我哋都係一生一世！哈哈，公司話係雙喜終極加場啦，歌迷應該最開心，因為我同阿Sa為大家爭取到，九成飛放出街賣！今次應該唔會再收到留言話買唔到，求票等等啦？大家千萬咪去炒黃牛，等買加場啦，我又可以有飛補少少朋友債啦。」

點擊圖片放大

Twins演唱會2024｜TWINS SPIRIT SINCE 2001 LIVE IN HONG KONG(第三次加場)

演出日期︰2024年2月5及6日

演出時間︰8:15PM

演出場地︰紅磡香港體育館

票價：$1080 / $880 / $680 / $480

公開發售時間︰1月12日城市售票網公開發售

購票連結︰按此

Twins演唱會2024｜演唱會新歌《雙喜樓》

點擊圖片放大

《TWINS SPIRIT SINCE 2001 LIVE IN HONG KONG》反應熱烈，開賣半小時隨即售罄，阿Sa更無預警開IG live，並暗示可能加場。除此之外，Twins新歌《雙喜樓》亦於昨日上架。為迎接二十二周年這個大派對，二人便藉着全新演唱會主題曲《雙喜樓》廣邀好友狂歡一番。歌曲由馮翰銘監製、Karen Yee作曲及沐木臣填詞。以簡潔的旋律鋪排出強勁節奏，營造狂歡效果，「靚」、「正」、「Dance」歌詞互相交替，十分洗腦。Twins直言收到這首歌的Demo時已立即愛上，「曲式好有演唱會氣氛，一聽就想跳舞。我哋都好鍾意份詞，聽填詞人講，佢喺十幾年前已經好想以『雙喜樓』做歌名寫份詞俾我哋，講出嗰份成雙成對嘅感覺，而正正就喺Twins 22周年呢個日子，我哋就收到呢份最好嘅禮物。」

+2

點擊圖片放大

除了暗示加場，阿Sa直播中更透露希望大家一齊大玩 dress  code，以過往Twins 無論演唱會，廣告、電影、 MV的任何造型作主題，更笑言男歌迷亦可以模仿自己「扮男人」的造型！對於歌迷問她們會不會再表示側手翻，阿Sa則表示︰「唔打你地界唔界櫈？哈哈哈！」

Twins演唱會2024｜演出日期丶購票詳情

《TWINS SPIRIT SINCE 2001 LIVE IN HONG KONG》演唱會於今早（15/11）東亞銀行信用卡獨家優先訂票秒速爆滿，主辦單位英皇娛樂即時宣佈演唱會將加開兩場，由原定6場變8場，現時演唱會將於2024 年1月21-23、25-29日於紅磡香港體育館舉行，門票將於11月22日起城市售票網公開發售。

點擊圖片放大

Twins演唱會2024｜城市售票網搶飛攻略連結

想更易搶飛有4招，4大準備功夫令搶飛更易成功！按此看文章連結︰城市售票網URBTIX搶飛攻略

Twins演唱會2024｜座位表

點擊圖片放大

門票之區段描述:

早前阿Sa(蔡卓妍)、阿嬌(鐘欣潼)為演唱會拍攝宣傳海報，兩人穿上大紅色的不同造形拍攝，又性感又活力， 拍攝兩人互毆搞笑動作時，阿嬌爬到阿Sa身上，突然失去平衡，兩人尖叫倒地，工作人員馬上上前援救，幸好兩人也沒有扭傷，笑成一團，慢慢爬起來。阿Sa:「佢跌個下真係嚇鬼死，哈哈....我想用力拉住佢都搞唔掂，因為我唔係抱住佢，佢喺我背脊，好彩我哋喺地面重有個木箱托一托，所以阿嬌都冇事。」阿嬌:「冇事，哈哈，其實唯一喺傍邊用吹風機個工作人員，佢撲過來想幫我，我又跌得太快，佢手上面枝吹風槍就撞正我頸到囉，個下有少少痛。」

+7

+6

點擊圖片放大

談到今次演唱會名為《TWINS SPIRIT》，阿嬌表示，「即係 Twins 精神，雖然見到poster 我哋喺到互毆，但係我哋個精神就係永不放手，所以廿年來都冇放開過對方！即係同今日影相嗰時一樣，永不放手，跌低一齊跌低，起身一齊起身！哈哈。 」阿Sa:「TWINS SPIRIT就係咁多年坐埋一條船，無論順景逆景都一齊，開心一齊開心，唔開心一齊唔開心。今次有咁嘅構思，係因為廿多年來我哋實在影過太多靚相啦，想影啲靚又有另類啲感覺嘅，所以就影啲好玩啲。」之前阿Sa 聲帶有事，問到她是否完全康復？阿Sa笑一笑:「都有少少擔心㗎，不過我估ok嘅。」

點擊圖片放大

至於演唱會今次有咩新意帶俾觀眾，兩人表示，今次除了舊班底外，也加入了一些新班底合作，所以一定更精彩，TWINS多年來都是帶開心給大家，今次也不會例外，至於點精彩就到時睇演唱會感受，現在不能多作透露。阿嬌就話，「我估我哋會比過去演出都辛苦，因為加好多新嘢！不過好期待，辛苦得來應該係值得同好開心。」

演唱會將於11月15-17日東亞銀行信用卡獨家優先訂票，並於11月22日起城市售票網公開發售，票價分為$1080 / $880 / $680 / $480

Twins演唱會2024｜Manulife宏利 呈獻TWINS SPIRIT SINCE 2001 LIVE IN HONG KONG

演出日期︰2024年1月21-23, 25-27日 28 -29日、2月1-4日

演出時間︰8:15PM

演出場地︰紅磡香港體育館

票價：$1080 / $880 / $680 / $480

優先開售時間︰11月15-17日東亞銀行信用卡獨家優先訂票

優先購票連結︰按此

公開發售時間︰11月22日起城市售票網公開發售

公開購票連結︰按此